اللي تبي شعرها يكثر ...تفضلي

[شموع]

يل بنات عليكم بالكثيره او الكثيري :)

تراها تكثر الشعر مره وانا شايفه النتيجه بعيني ...

اتمنى انى افدتكم بااااي:wwye:

http://www.moghrem.8k.com/ehdaa/lat6welhaehdaa.jpg

[عسوله]

مشكووووووره شموع و الله يعطيج العافيه ;)

[WiLD-RoSe]

اختي الصغيره كانت مجربتها وماكو فايده :(
انا ابي شئ يطول الشعر شعري من 6 شهور هذا طوله ماطال ولا سم :(((((((((((((((((((((((
:mad: :mad: :(

[شموع]

:8: اشكرك حبيبتي عسوله ...


:9: حبيبتي wild-rose اعرف بنات مستخدمينها صار في شعرهم نبت كثير ................واذا كنتي تبين اللي يطول الشعر عليك بالرشوش .. بس لازم تكونين متعوده عليه ..لانه يقولون حار بس اذا تبين تتعودين على طول سوي مقدمات يعني ابدي بشوي شوي..مع الحنا شوي ...مع السدر شوي ..وكذا لين تتعودين وبتدعين لي ..بس يبي وقت وصبر..

واتمنى اني وصلت المعلومه ..وانا عزيزتي بالخدمه اذا بغيتي شي..........:wwye: :wwye: باااااي بااااي

[بنت الكويت]

يعطيج العافية صح مشهود له التاثير علي الشعر

[WiLD-RoSe]

ميرسي حبوبه بس شنو يعني رشوش ؟؟؟

[روح الحيــاة]

انا اعتذر اني طبيت عليكم ويمكن تستغربون اني اكتب لكم بس والله حرامممممممممممممم قربت اقرع كان شعري اوكي بس اشوي خشن وفي صديقه الله يذكرها بالخير شارت علي اني اسوش له تمليس ،،،،، وانا ما صدقت على طول سويته والله لا يوريكم كل يوم يطيح منه اشوي لين ما قربت اقرع هيه والله ::::::ويوم خبرتها اضحكت على لين ما ادمعت قالت لي منو قالج انتي اتسوينه بروحج لازم في الصالون ولكن (بعد الفوت ما ينفع الصوت)بس فعلاانا ما اعرف شو

معناة الرشوش انا من الامارات وينكن يكون عندنا بساسمه غير يا ليت اتخبروني ...........


شو الي يكثر الشعر ويطوله وشكرا لكم ولموضوعكم الحلو صج يهم بنات حواء

تحياتي لكم اختكم روح الحياة

[شموع]

حبيبتي بنت الكويت...الله يعافيك

حبيباتي ..ويلد روز..و..روح الحياه .......... الرشوش مجموعة اعشاب مخلوطه جميع ومطحونه ما اعرفها كلها لكن فيها ورد وفيها الاصداف البنيه. .وفيه اشياء ثانيه...انتي تشترين كل واحد بروحه وتعملينه بالبيت...شوفوا خواتي انا امي تسويه فالبيت عموما راح اسألها وارد لكم باقرب وقت وبالتفصيل

:1: :1: :1:


تحياتي.........شموع

[شموع]

اختي روح ا ............................... ماله اي داعي الاعتذار احنا خوات ومابينا هالاشياء.انتي تامرين عموما انصحك تستعملين حمام زيت كل اسبوع مره او مرتين...وتستعملين الكثيرا مره بالاسبوع.......وتبعدين تماما عن الكيماويات.....وياليت تحطين حنا باستمرار لانه يغذي الشعر بصوره رهيبه.......شوفي حبيبتي كل هالامور استمري عليها لكن بشرط .......الصبر .. ثم .. الصبر ..ثم.. الصبر

واتمنى انى افدتك......وانا بالخدمه باي وقت:love:

[روح الحيــاة]

شموع تسلمين يا عيني والله ما اعرف كيف اشكرش لاهتمامج بالرد علي حبيبتي ::::::ابيش تسالين الوالده عن الاسماء اهي نفسها عندنا وعندكم ،،،، يمكن تختلف وهنيه المشكله ،،،بس الله كريم

واخيرا تسلمين عيني

اختج روح الحياة :10:

[Shy Smile]

هاي حبايبي

الموضوع مرا شيق وخطيييير

وانا احب هالسوالف

المهم وعندي خلاطات كثيرة ومشهودا فيها مو كلام يعني

زيت الخروع+زيت الجرجير+زيت الثوم+زيت الصبار

حطيه كل يوم لمدة ساعتين اسبوعين متصلة بعدين

مرتين في الاسبوع

والحنا خطير بس لازم تداومين عليه

واللي تصبغ طبعا ماتحطة

نسيت اقولكم حطوا خزامة في الزيت اطحنوها وحطوها

حبوب زيت السمك مررررررا خطيييييييييرة

انا عني استعملها يعني عيوني لاتخافين

ما تسوي شي اذا مانفعت ماتضر

نسيت اقولكم استعملت زيت الخروع لرموشي شهر

صار فيه اختلاف كبير وجربوا

وكلامي هذا كله عن تجربه مو سامعته

واذا تبون اي شي انا موجودة
على فكرة اخوي روح الحياة

خالي صلع وهو صغير واستخدم حبوب زيت السمك والله ماحلفتني

طلع شعر وزين بعد لا تحسبونها دعايه

انا احب افيد

ومرررررررررسي:11: :12: :11:

[Shy Smile]

هاي مرة اخرى

سووووووووووري اختي روح الحياة

ماادري اشلون اعتذرلك

بس كنت جايه من الدوام وسهرانه من قبل يعني مهسترة

وشفت اختكم اخوكم

وبس

ومررررررسي:wwye:

[pringles]

مرحبا خواتى


سؤال شنو الكثيره او ل مره اسمع عنها....

واكون شاكره لكم لو افتونى




باى

[pringles]

اشدعوه ليش محد رد على ؟؟؟؟؟؟:16:

[السعودية]

مرحبا

عزيزتي .. pringles

الكثيرا

موجوده عند العطارين فى كل مكان .. وهى انواع افضل نوع منها هو الابيض

تنقعينها فى المويا ثم تحطينها على شعرك

وكمان يوجد شامبو الكثيرا :D

ترا مره حلوه للشعر استعمليها وراح تشوفى الفرق

:mad: لازم كل البنات الى شعرهم خفيف ويتساقط يستعملوها .

:9: تعيش الكثيرا

[pringles]

مشكوره عزيزتى على الرد والتوضيح عيل باكره ان شاء الله اروح ادورها

:)

[جوافة]

مشكورين وماقصرتوا على هالنصايح

وصج مفيدة لأني شعري عبل ومتعذبه معاه والاستشوار متعذب مثلي


باقولكم عن سالفة اتموت من الضحك توها صايره


عندي بنت خاله دايمن مسويه روحة عبقرية في فن الشعر والمكياج قامت تنصح الناس على استخدام بيبي ريلكس قامت جربت في وحدة قريبتها انزين وقريبتها توها صابغة شعرها وطبعاً تعتقدون شنو صار

:p قام شعرها يطيح مسكينة واهي تسوي اول خصلة وقالت "وي شعرك يطيح" قامت المسكينة قالت لها عادي شعري دايم يطيح والبقرة بنت خالتي قامت اتكمل وبعدين يوم خلصت خافت وتغيرت الوانها واستأذنت وقالت بيجوني العمال في بيتي من الخوف وشالت عليه.....

المهم المسكينة غسلت شعرها وشافته يتقطع في يدها وماستوعبت اللي صار جان اتروح الصالون

وقالت لها صاحبت الصالون :smash: " آنه مستحيل اسوي حق احد ريلكس واهو صابغ شعره"

فقامت المسكينة :rolleyes: اتصيح لان قالت لها صاحبة الصالون انه لازم كله ينقص

نصيحة مني لحد يسوي ريلكس او تمليس واهو صابغ شعره

ومني لكم جزيل الشعر اقصد الشكر

:13: