عسوله
03-16-2003, 07:33 AM
طريقه حلوة وسهله واتعبها دايما في عمل السمك
( عسى تعجبكم بس ) لووووول
الوصفه هذي قدمتها لي امي الله يخليها لي
وبالصدفه رفيجتي حنون الله يذكرها بالخير عطتني الوصفه بس فيها
اختصار عن طريقه الوالده بس كانت بنفس الطعم
ماطول عليكم خذوا الوصفه
المقادير :
سمكه هامور أوسبيطى متوسطة الحجم حوالي كيلو(واذا بتزيدين المقدار مثلي زيدي على أساسه المقادير الباقيه,, وأنا أقطعه لقطع وماأحشيه لكن استغل الحشو للعيش على الوجه واخلطه مع العيش أثناء طبخه مثل ماراح تشوفين 0000 أما اذا استخدمت زبيدي أوشعم أحشيه )
3-4 أكواب عيش منقى ومغسول ومنقوع بماي بارد مع قليل من الملح ونصفيه عند استعماله للطبخ00
2-3 بصلات كبيره مفرومه يعني مخرطه بالسكين ناعم (وأنا أخليهم 3 أحلى للطعم)
1-2 ملعقه صغيره ليمون أسود مطحون + 1-2 ليمون أسود صحيح مثقب
باقة كزبره خضراء مفرومه (واهي الألذ لكن لو مو موجود استبدليها ب 2 م ص كزبره ناشفه محمصه ومطحونه)
3 فصوص كبيره ثوم مدقوق مع قليل ملح وشوية بهارات مشكله
ملعقه ونص صغيره(يعني ملعقة السكر) بهارات مشكله( وممكن زيادتها شوي حسب الرغبه)
نص ملعقه صغيره زنجبيل طازج مدقوق(مفروم)
حبة فلفله خضرا مفرومه(مخرطه بالسكين صغار)
م ص ( ملعقه صغيره) كركم +رشة هيل ناعم
2 عود دارسين +3 حبات فلفل أسود عدل + 3 حبات هيل عدل مفتوح جزئيا +2 عود مسمار عدل
نص م ص زعفران منقوع في نص كوب ماي ورد
ملح وفلفل حسب الرغبه
دهن للقلي
نص م ص عصير ليمون
**************************************************
****
المقادير تحسينها وايد بس هي ضروريه كلها ,,, جهزيها على طاولة المطبخ كلها الاول جدامج عشان يظل عندج بس تحطين هذا على ذاك وخلصت السالفه 00
******************************************
الطريقه:
*******
1-تيبين السمك ويكون ذاب ثلجه اذا مطلعته من الفريزر أو انه طازه , المهم تفتحين ماي المغسله البارد مو الحار عشان لاينهري00 والسمك محطوط بمشخال عود عشان ينزل الماي عليه وانتي تنظفينه وتبدين تنظفينه من داخل وبره , وتخلين عندج فرشة أسنان نظيفه خاصه للسمك وتنظفين فيها داخل السمكه اللي ماتوصله أصابعج والماي مفتوح وانتي ايدج تنظف لما تحسين ان لحم السمك ماعاد فيه دم أو مصارين , تغسلينه غسله أخيره وتهزينه شوي بايدج عشان ينزل باجي الماي وتحطينه في مشخال واسع تكونين مزهبته يمج على المغسله وتنتقلين للقطعه الثانيه وهكذا لين تخلصينهم ,, وتجيبين الملح الخشن وترشين على السمكات كلهم أو القطع كلهم وتدعكين بالايد كل وحده من داخل وبره عدل وتخلينه تقريبا 10-15 دقيقه( وامعانا فى النظافه والتخلص من الزفره أنا بعد ماأدعك بالملح أعصر ليمونه على القطع 000 بعدها أشطف القطع عدل بالماي البارد وأرد أحطهم بالمشخال بعد ماأغسله بعد ماأنفضهم شوي من مايهم الزايد ,,, وأييب الطحين وأرش على القطع من داخل وبره وفي الدواعيس وأخليه ينظف من أي ريحه أو زفاره باقيه لمدة 10-15 دقيقه 00 بعدها أشطف سمكاتي عددددل وأحطهم بالمشخال وأخليهم مقلوبين ومبطلين شوي عشان ينزل الماي الزايد فى هذه الاثناء أجهز الثوم كميه مناسبه لكمية السمك وأقشره وأدقه مع شوية ملح وكركم وبهارات مشكله وعصير ليمونه أو ثنتين حسب كمية السمك وأدعك السمك من الخارج والداخل والخياشيم والراس وأغطيه وأخليه على جنب
2-ابتدي أجهز الحشو 000 آخذ ثلاث أرباع كمية البصل المذكور بالمقادير وأحطه بجدر متوسط على نار متوسطه وأقلبه وكل مايلصق أرشه بشوية ماي ونظل نقلب ونرش لين يلين البصل ويميل لونه للبني 00000 هني أضيف 3-4 ملاعق كبار(مالت الأكل)دهن وأقلب وأضيف بعد البهارات المشكله وماركتها توابل تاندوري ماسالا 0000 وأضيف بعد الثوم الموجود بالمقادير واللومي الاسود المطحون والفلفله الخضرا المفرومه وأقلب بعد ماأضيف كل شي وبعدين أضيف الكزبره الخضرا المفرومه وقليل من الكركم والهيل المطحون وأقلب المزيج بهدوء وبضمير يعني جيدا من 3-5 دقايق 00
3- أرش شوية ماي ورد من الزجاجه مو اللي بالمقادير على حشوتي وأغطي الجدر وأخليه على نار هاديه لمدة 5 دقايق ثم أرفعه 000 الحين أروح للسمجات اللطيفات مالوتي خذوا حاصلهم من التتبيله اذا هو زبيدي أو شعم أوحتى سبيطي وهامور صغيرونات ممكن أحشيهم ,, تكون السمكات مشقوقين من وقت التنظيف من بطنهم باتجاه الذيل ,, أحشي سمكاتي العزيزات بجزء من الحشو وأخيط بطن السمكه الى آخر الشق مو تنسين اتخيطينه ترى تفلت الحشوة وأترك باجي الحشو عل جنب 00
4- أجيب جدري اللي بطبخ فيه العيش وأحط فيه 3-4 م ك دهن وأحميه ثم أحمر سمكاتي أو سمكتي حسب اللي أنا مجهزته تحمير خفيف لاتنسين خفيف ياخذ لون بس على جميع الجهات على أـ تقلبي السمكه بتأني واذا كانت السمكه كبيره, ممكن قطعها لنصفين 00 ثم نرفع السمك على جنب 00
5- نقلب ربع كوب البصلفي الدهن المتبقي من قلي السمك في نفس الجدر وأضيفله قليل ليمون أسود مطحون (مو في المقادير) وأرش بالماي كل مالصق بقاع الجدر لين يلين البصل أقوم أضيف قليل بهارات مشكله وحبة طماطم مفرومه وقليل كركم (مو بالمقادير) وأضيف ملعقة دهن ان لزم الامر وأقلب المزيج جيدا
6- يضاف ماء مغلي(مو تنسين) يملأ الجدر للثلث وتضيفين أعواد الدارسين والمسمار والفلفل الاسود والهيل والليمون الاسود الصحيح بعد مااغسله وأثقبه والملح وأترك المزيج بعد أن أقلبه ليغلي شوي
7- أييب السمك وأسقطه بالماي شوي شوي وأخليها تغلي شوي بضع دقايق يعني أرفعه بمجرد ماتنضج 000
8- أضيف الارز للماي في الجدر واخليه يغلي لما يمتص العيش معظم الماي بعد 3 دقايق تقريبا أزيل الزايد من الماي اذا كان زاد شي منه أو أضيف ماي بعد هال 3 دقايق لو نقص كلش بعدهم يعني نشف ,, (لاتنسين تصفين العيش عدل قبل ماتضيفينه) ثم أغطي جدري وأوطي النار وأخلي الجدر على نار هاديه لمدة 15 دقيقه 000
9- باستعمال ملاس أو شوكه كبيره أحرك الرز بتأني وأجيب السمك وأحطه على العيش على جنب بالجدر وأدفن باجي الحشو بالارز 00 وأرش ماي الورد المنقع فيه الزعفران على الوجه وأغطي الجدر باحكام وأحط تحته الحديده وعلى نار هاديه كلش أخليه يتسكر على راحته لمدة 30 - 45 دقيقه
10- لما تبين تنجبين (تسكبين) فتحي غطا الجدر(رفعي السمك والحشو بغطا الجدر على جنب أو بماعون جانبي) وبالملاس ضربي الأرز بهدوء وقلبيه على الراحه عشان تفتحين الحبات عن بعض واستمري جم مره وبعدين اسكبي الأرز بماعون واسع(القنجه) وغطيه بالحشو والسمك 00 وقدميه مع الدقوس وسلطه خضرا والمعبوج الاحمر او الاخضر .
===============================
وبالهنا والشفاا
( عسى تعجبكم بس ) لووووول
الوصفه هذي قدمتها لي امي الله يخليها لي
وبالصدفه رفيجتي حنون الله يذكرها بالخير عطتني الوصفه بس فيها
اختصار عن طريقه الوالده بس كانت بنفس الطعم
ماطول عليكم خذوا الوصفه
المقادير :
سمكه هامور أوسبيطى متوسطة الحجم حوالي كيلو(واذا بتزيدين المقدار مثلي زيدي على أساسه المقادير الباقيه,, وأنا أقطعه لقطع وماأحشيه لكن استغل الحشو للعيش على الوجه واخلطه مع العيش أثناء طبخه مثل ماراح تشوفين 0000 أما اذا استخدمت زبيدي أوشعم أحشيه )
3-4 أكواب عيش منقى ومغسول ومنقوع بماي بارد مع قليل من الملح ونصفيه عند استعماله للطبخ00
2-3 بصلات كبيره مفرومه يعني مخرطه بالسكين ناعم (وأنا أخليهم 3 أحلى للطعم)
1-2 ملعقه صغيره ليمون أسود مطحون + 1-2 ليمون أسود صحيح مثقب
باقة كزبره خضراء مفرومه (واهي الألذ لكن لو مو موجود استبدليها ب 2 م ص كزبره ناشفه محمصه ومطحونه)
3 فصوص كبيره ثوم مدقوق مع قليل ملح وشوية بهارات مشكله
ملعقه ونص صغيره(يعني ملعقة السكر) بهارات مشكله( وممكن زيادتها شوي حسب الرغبه)
نص ملعقه صغيره زنجبيل طازج مدقوق(مفروم)
حبة فلفله خضرا مفرومه(مخرطه بالسكين صغار)
م ص ( ملعقه صغيره) كركم +رشة هيل ناعم
2 عود دارسين +3 حبات فلفل أسود عدل + 3 حبات هيل عدل مفتوح جزئيا +2 عود مسمار عدل
نص م ص زعفران منقوع في نص كوب ماي ورد
ملح وفلفل حسب الرغبه
دهن للقلي
نص م ص عصير ليمون
**************************************************
****
المقادير تحسينها وايد بس هي ضروريه كلها ,,, جهزيها على طاولة المطبخ كلها الاول جدامج عشان يظل عندج بس تحطين هذا على ذاك وخلصت السالفه 00
******************************************
الطريقه:
*******
1-تيبين السمك ويكون ذاب ثلجه اذا مطلعته من الفريزر أو انه طازه , المهم تفتحين ماي المغسله البارد مو الحار عشان لاينهري00 والسمك محطوط بمشخال عود عشان ينزل الماي عليه وانتي تنظفينه وتبدين تنظفينه من داخل وبره , وتخلين عندج فرشة أسنان نظيفه خاصه للسمك وتنظفين فيها داخل السمكه اللي ماتوصله أصابعج والماي مفتوح وانتي ايدج تنظف لما تحسين ان لحم السمك ماعاد فيه دم أو مصارين , تغسلينه غسله أخيره وتهزينه شوي بايدج عشان ينزل باجي الماي وتحطينه في مشخال واسع تكونين مزهبته يمج على المغسله وتنتقلين للقطعه الثانيه وهكذا لين تخلصينهم ,, وتجيبين الملح الخشن وترشين على السمكات كلهم أو القطع كلهم وتدعكين بالايد كل وحده من داخل وبره عدل وتخلينه تقريبا 10-15 دقيقه( وامعانا فى النظافه والتخلص من الزفره أنا بعد ماأدعك بالملح أعصر ليمونه على القطع 000 بعدها أشطف القطع عدل بالماي البارد وأرد أحطهم بالمشخال بعد ماأغسله بعد ماأنفضهم شوي من مايهم الزايد ,,, وأييب الطحين وأرش على القطع من داخل وبره وفي الدواعيس وأخليه ينظف من أي ريحه أو زفاره باقيه لمدة 10-15 دقيقه 00 بعدها أشطف سمكاتي عددددل وأحطهم بالمشخال وأخليهم مقلوبين ومبطلين شوي عشان ينزل الماي الزايد فى هذه الاثناء أجهز الثوم كميه مناسبه لكمية السمك وأقشره وأدقه مع شوية ملح وكركم وبهارات مشكله وعصير ليمونه أو ثنتين حسب كمية السمك وأدعك السمك من الخارج والداخل والخياشيم والراس وأغطيه وأخليه على جنب
2-ابتدي أجهز الحشو 000 آخذ ثلاث أرباع كمية البصل المذكور بالمقادير وأحطه بجدر متوسط على نار متوسطه وأقلبه وكل مايلصق أرشه بشوية ماي ونظل نقلب ونرش لين يلين البصل ويميل لونه للبني 00000 هني أضيف 3-4 ملاعق كبار(مالت الأكل)دهن وأقلب وأضيف بعد البهارات المشكله وماركتها توابل تاندوري ماسالا 0000 وأضيف بعد الثوم الموجود بالمقادير واللومي الاسود المطحون والفلفله الخضرا المفرومه وأقلب بعد ماأضيف كل شي وبعدين أضيف الكزبره الخضرا المفرومه وقليل من الكركم والهيل المطحون وأقلب المزيج بهدوء وبضمير يعني جيدا من 3-5 دقايق 00
3- أرش شوية ماي ورد من الزجاجه مو اللي بالمقادير على حشوتي وأغطي الجدر وأخليه على نار هاديه لمدة 5 دقايق ثم أرفعه 000 الحين أروح للسمجات اللطيفات مالوتي خذوا حاصلهم من التتبيله اذا هو زبيدي أو شعم أوحتى سبيطي وهامور صغيرونات ممكن أحشيهم ,, تكون السمكات مشقوقين من وقت التنظيف من بطنهم باتجاه الذيل ,, أحشي سمكاتي العزيزات بجزء من الحشو وأخيط بطن السمكه الى آخر الشق مو تنسين اتخيطينه ترى تفلت الحشوة وأترك باجي الحشو عل جنب 00
4- أجيب جدري اللي بطبخ فيه العيش وأحط فيه 3-4 م ك دهن وأحميه ثم أحمر سمكاتي أو سمكتي حسب اللي أنا مجهزته تحمير خفيف لاتنسين خفيف ياخذ لون بس على جميع الجهات على أـ تقلبي السمكه بتأني واذا كانت السمكه كبيره, ممكن قطعها لنصفين 00 ثم نرفع السمك على جنب 00
5- نقلب ربع كوب البصلفي الدهن المتبقي من قلي السمك في نفس الجدر وأضيفله قليل ليمون أسود مطحون (مو في المقادير) وأرش بالماي كل مالصق بقاع الجدر لين يلين البصل أقوم أضيف قليل بهارات مشكله وحبة طماطم مفرومه وقليل كركم (مو بالمقادير) وأضيف ملعقة دهن ان لزم الامر وأقلب المزيج جيدا
6- يضاف ماء مغلي(مو تنسين) يملأ الجدر للثلث وتضيفين أعواد الدارسين والمسمار والفلفل الاسود والهيل والليمون الاسود الصحيح بعد مااغسله وأثقبه والملح وأترك المزيج بعد أن أقلبه ليغلي شوي
7- أييب السمك وأسقطه بالماي شوي شوي وأخليها تغلي شوي بضع دقايق يعني أرفعه بمجرد ماتنضج 000
8- أضيف الارز للماي في الجدر واخليه يغلي لما يمتص العيش معظم الماي بعد 3 دقايق تقريبا أزيل الزايد من الماي اذا كان زاد شي منه أو أضيف ماي بعد هال 3 دقايق لو نقص كلش بعدهم يعني نشف ,, (لاتنسين تصفين العيش عدل قبل ماتضيفينه) ثم أغطي جدري وأوطي النار وأخلي الجدر على نار هاديه لمدة 15 دقيقه 000
9- باستعمال ملاس أو شوكه كبيره أحرك الرز بتأني وأجيب السمك وأحطه على العيش على جنب بالجدر وأدفن باجي الحشو بالارز 00 وأرش ماي الورد المنقع فيه الزعفران على الوجه وأغطي الجدر باحكام وأحط تحته الحديده وعلى نار هاديه كلش أخليه يتسكر على راحته لمدة 30 - 45 دقيقه
10- لما تبين تنجبين (تسكبين) فتحي غطا الجدر(رفعي السمك والحشو بغطا الجدر على جنب أو بماعون جانبي) وبالملاس ضربي الأرز بهدوء وقلبيه على الراحه عشان تفتحين الحبات عن بعض واستمري جم مره وبعدين اسكبي الأرز بماعون واسع(القنجه) وغطيه بالحشو والسمك 00 وقدميه مع الدقوس وسلطه خضرا والمعبوج الاحمر او الاخضر .
===============================
وبالهنا والشفاا