المساعد الشخصي الرقمي

مشاهدة النسخة كاملة : دانــة و اهي فعلا دانة >>> قصة من رنين الأحزان

رنين الأحزان
06-21-2003, 02:43 PM
سلااااااااااااام ،،

انشا الله تعجبكم القصة :)

على فكر الجزء الثاني في نفس الصفحة بس اخر شي و الجزء الاخير في الصفحة الثانية :mad:

دانة بنية عمرها 21 سنة تدرس في الجامعة.. تحب النت و المنتديات .. ذاك اليوم كانت على النت و كانت الساعة 4 العصر .. دخل عليها اخوها فيصل ( عمره 24 سنة و هو خاطب وحدة اسمها مريم ) ..

فيصل: دانوه و ويعه و انتي 24 ساعة اوون لاين

دانة: اففففف و انت شعليك مني كيفي انا كيفي هذي غرفتي و انا حرة فيها

فيصل: ول ول ول كلتني بقشوري انزين المهم قومي شوي فديتج ابي اشيك ايميلي

دانة: ايي الحين فديتج و مساعه

فيصل: خلاص يبه ما قلنا شي و عشانج اليوم باخذج باعشيج بره على حسابي

دانة: لا حبيبي روح حق الريم طلعها انا شكو فيكم

فيصل: انشا الله عمتي بس قومي الحين و اللي يسلمج

دانة: لحظة انا على المنتدى دقيقة بانزل تعقيب

فيصل: انتي شنو اسمج في المنتدى ؟؟

دانة: و انت شكو

فيصل: يمه منج و انا شاللي باسويه

دانة: اسمي القلب الحنون ارتحت الحين

فيصل: ارجوووووووووج يا ام القلب الحنون

دانة: زين يلا بسرعة اقعد على ما اروح اكلم فطوم و ارجع

( فاطمة صديقة دانة و تدرس معاها بنفس التخصص)

بعد فترة طلع فيصل و رجعت دانة للمنتدى بس عقبها بشوي تذكرت ان اليوم خميس و كلهم يتيمعون في بيت يدتها فقامت و سكرت النت و راحت تجهزت و تعدلت و الساعة 7.30 راحت معا بيتهم ..

في بيت اليده ..

دانة: يمه بعد عمري شلونج

اليدة: هلا ابوي حبيبة قلبي و الله انتي انا الحمدلله ابخير دام اني اشوف دعواتج يمه

دانة: عسى الله يعطيج الصحة و العافية و طول العمر

نور: حشى تلقين خطاب مو دعاء هذا (نور بنت عمة دانة و اكبر منها ابسنة)

دانة: يلا عاد جب كيفي انا و يدتي

نور: انزين يلا بسرعة اكو الشباب كلهم هناك في الحجرة (قصدها بنات و صبيان عيال عم دانة و عيال عمتها ,, كل خميس لما يتيمعون يقعدون اهم بروحهم في غرفة و يطيحون سوالف و حش في الناس :) )
راحت دانة معا نور و دشوا و سلموا على الكل و قعدوا ..

خالد: اقووووول ما شفتوا حلقة سوبر ستار في وحدة هناك صج صج مسخرة (خالد ولد عم دانة و اصغر منها ابسنتين)

ريم: امبلا انا شفتها و الله نكتة مت ضحك عليها (ريم اخت نور و اصغر من دانة و ابسنتين)

محمد: بسكم حش في الاوادم عيب و الله عيب (محمد ولد عم دانة و اكبر منها بأربع سنوات)

خالد: اسكت عاد انت اللي يسمعك ايقول كلش ما تحب الحش في احد

مها: حدكم عاد على اخوي مارضى عليه (مها بنت عم دانة و اكبر منها ابسنة)

دانة: المهم خلكم من هالسوالف و قولولي باجر وين انروح ترا انا لاعت جبدي من البيت

ريم: اوكي لو سمحتوا شباب ما نبي ازعاج هاي اجتماع خاص بالبنونات

نور: اييييي رجااااء مانبي أي لقافة

(محمد+خالد+فيصل+يوسف+عبدالله) <<< سكووووووووووت تام

دانة: انزين يلا اقترحوا مكان ويييين انروح

ريم: شرايكم نروح السينما و بعدين نتغدى و بعدين نتسوق

نور: مو جنج مصختيها لا قوووية ذي

مها: عادي يبه انا كبرنا مو يهال

ريم: دانوه شفيج ساكتة قولي شي

دانة: و الله مادري اهي خوش فكرة بس اخاف مثل ما قالت نورو ايسون لنا سالفة

محمد: تعالو انتو الحين قاعدين تتناقشون ابروحكم و اتقولون بيسوون لنا سالفة منو قصدكم اللي بيسوي لكم سالفة

دانة: من يعني الامهات اكيييد

محمد: اصلا قبل الامهات انا اللي ما بارضى

دانة: نعم نعم و من حضرتك عشان ما ترضى

محمد: يلا عاد قلت لج لا يعني لا مافي روحة بنات ابروحكم

خالد: حمود يبه خلهم ما عليك منهم احسن اصلا احنا ابروحنا نبي نفتك منهم

محمد: خلود اسكت و اللي يسلمك انت ما تعرف هالسوالف

ريم: محمد ما يصير جذي

محمد: انا قلت لكم مافي روحة الا معاي او معا امهاتكم او لالالالالا

دانة: خلالالالالاص ما نبي نطلع نقعد في البيت احسن

محمد: ليش يعني ما تبون احد معاكم

دانة: محمد لا تفهم غلط انا مو قصدي ما نبي احد معانا بس احنا بنات و نحب نمشي ابروحنا و ناخذ راحتنا ابروحنا

محمد: اوكي انا باخلي الشباب اييون و احنا نمشي في صوب و انتو في صوب بس المهم انكون معاكم خصوصا ان باجر واايد زحمة و شباب و لوفر

دانة: خلاص كيفكم

فيصل: انا طبعا ما باكون معاكم باطلع ويا الريم باجر

خالد: و انت ما تقعد في البيت كل يوم طلعة

فيصل: لين خطبت قول هالكلام

المهم على الساعة 12 في الليل كل واحد رجع بيتهم بعد ما اتفقوا انهم يمشون باجر الساعة 11.30 الظهر عشا يلحقون على الفلم

رجعت دانة و طبعا على طووووول فتحت الماسنجر و المنتدى

<<<< لديت رسالة جديدة في صندون الوارد

فتحت الرسالة و الا اهي من عضو اسمه طيب القلب

نص الرسالة..

الاخت الغالية القلب الحنون ..

اتمنى ان تكوني في احسن حال و انتي تقرئين رسالتي ..

لقد اعجبني اسلوبك في الحوار و طريقة ردك على الاعضاء ..

اتمنى ان نتواصل عبر الماسنجر ..

قالت في قلبها شيبي هذا و ردت عليه

مرحبا اخوي ..

سوري انا ماحب هالحركات و ما عندي هالسوالف ..

و تمت قاعدىة على المنتدى الى 1.30 و عقبت قامت ترقد ..

في اليوم الثاني قامت دانة و الا تدرون اكملها لكم باجر :)

bubble.gifbubble.gifbubble.gif
سحر المها
06-21-2003, 02:59 PM
هههههههههه

يلا عاد بسرعه لاتصيفين علينا

انا باجر من غبشه قاعده انتظر
ذيب الغدراء
06-21-2003, 03:18 PM
لـــووووووووول


بـس لا تــأخــريــن عــلــيــنــا ... تـــرى الــمــنــتـظــر يــمــل صــبــره .
روح الياسمين
06-21-2003, 05:05 PM
يالله رنين لا تتأخرين علينا ترى ما فيني صبررررر.
رنين الأحزان
06-21-2003, 05:10 PM
سحر + فطيس + روح

انشا الله باجر تلقون التكملة :)
i3baid
06-21-2003, 07:08 PM
افا ماكو ولا قصة كاملة يعني لازم باااااااجر ؟؟؟؟؟؟ :'(
عابـر سبيـل
06-21-2003, 07:27 PM
مشكورة رنين الاحزان على القصه وانا بأنتظار شنو اللي يصير حق دانه
jennyfer
06-21-2003, 07:43 PM
تسلمي رنينو حياتي,,,بس وشلون كذا يوم اتحمس مع القصة تخربين علينا
.
سحرالعيون
06-22-2003, 01:18 AM
تسلمين رنين على نص قصة

ويلا عاد وين التكملة بسرعه قبل لا يخترب النت عندي

لوووووووووووووووووووووووووووووووووول

تسلمين يا قلبي

تحياتي

سحرالعيون
بنوتة القطيف
06-22-2003, 01:31 AM
لالالالالالالالا كمليها حرام عليكي شوقتينا لها
أنين الروح
06-22-2003, 01:50 AM
تسلمين على القصه الحلوه


وانتظر تكمله القصه *_*
modi
06-22-2003, 11:06 AM
والله باين انها قصه حلوه ومشوقه بس يلا لا خلينا على اعصابنا مو كفايه الثانويه العاامه ههههههههههههه



ننتظر التكمله رنين
Nawarah
06-22-2003, 04:31 PM
لووووووووووووووووووووووووووووول ليه كل القصص صارت بالتقسيط؟؟؟
والله القصه حلووووووه الله يرضى عليك رنين اكتبيها الحين
رنين الأحزان
06-22-2003, 05:00 PM
i3baid .. صار باجر :) و الحين التكملة انشا الله ..

هنتر مان .. العفووو و انشا الله الحين بتعرف :)

جينيفر .. يسلمج ربي .. و لا يهمج حياتي الحين تعرفين :)

سحر .. الله يسلمج .. لووووول اشوه ماخترب عندج :)

بنوته .. افا عليج الحين اكملها :)

انين .. يسلمج ربي .. ابشري بالتكملة

مودي .. لوووووول و لا يهمك الحين اكملها :)

نوارة .. بعد عمري لازم جذي عشان تتشوقون :)

و الحين باحط لكم التكملة ..
رنين الأحزان
06-22-2003, 05:01 PM
مراااااااحب
اكمل لكم القصة اليوم ،،

قامت دانة الساعة 8.30 و دشت على النت شوي و بعدين طلعت و تجهزت حق الطلعه

و كان الاتفاق ان محمد ياخذ دانة و اخته مها

و خالد ياخذ ريم و نور

المهم وصلوا هناك الساعة 11.45 و دشوا السينما و تالي تغدوا و تالي قعدون يتمشون الى الساعة 7

في السيارة ،،

محمد: ها انشا الله استانستوا

مها: انا عن نفسي استانست

دانة: حتى انا مشكووور و ما تقصر

محمد: حاضرين :) الا ما شفتوا الزحمة الحين

دانة: أي اصلا من عقب المغرب تبتدي الزحمة

مها: ايي اشوه اللي طلعنا

محمد: الحين لو كنتوا رايحين ابروحكم في هالزحمة

دانة+مها: ........................

محمد: المهم دندون وين بتروحين بيتكم و الا بيت يدتي

دانة: مادري مهوي وين بتروحين

مها: البيت

دانة: خلاص عيل حتى انا البيت <<<< عجبتها كملة دندون

وصلت دانة البيت و على طوووول شبكت اوون لاين و لقت اضافة يديدة سوت اكسبت و تمت قاعدة على المنتدى

و عقب نص ساعة تقريبا دخل (طيب القلب) اوون لاين

دانة على طوووول تذكرت انها قاريه هالاسم في المنتدى

و تذكرت انه طرش لها رسالة عالخاص بس قالت مو معقولة ايكون اهو

من وين ياب ايميلها

المهم ،،

القلب الحنون: السلام عليكم

طيب القلب: و عليكم السلام

القلب الحنون: من معاي ؟؟

طيب القلب: طيب القلب

القلب الحنون: و من وين خذت ايميلي ؟؟

طيب القلب: و الله ماذكر

القلب الحنون: انزين لو سمحت سو لي بلوك و دليت

طيب القلب: افا ليش عاد

القلب الحنون: لو سمحت انا ماكلم شباب سو لي بلوك و دليت ابسرعة

و طلعت و سوت له بلوك و دليت

بعدين سوت بحث حق مشاركاته في المنتدى و لقته مشترك يديد توه

ماعرفت من اهو و طنشت السالفة ،،

عقبها ابفترة طوييييييلة يات اجازة الربيع و فكرت العايلة انهم ايروحون البر ايخيمون و ايتمون اهناك اسبوعين

المهم الشباب استانسوا و بدوا ايجهزون اغراضهم ،،

و في البر كانوا واايد مستانسين

سهر لي الفجر و قومه من الصبح

يعني ما كانوا يرقدون الا ساعتين ثلاث

الشباب طبعا مو الامهات و الابهات و اليدات :)

عاد كانوا كل يوم ايقومون من الساعة 6.30 و ايروحون ايدورون و يختارون اعلى مكان و يقعدون فيه يشوفون الدنيا و يسولفون

و في الليل كانوا يقعدون دار ما دار (حول) النار و يشوون تكة او شي جذي

و كانوا يستانسون واايد لما اتيي مريم خطيبة فيصل :) <<< جو شبابي حلوووو

المهم ذاك اليوم الصبح قاموا البنات مها و نور و دانة و ريم و من الصبيان ما قام الا محمد

راحوا يمشون و اختاروا لهم مكان زين و قعدوا فيه ،،

و تموا يمكن نص ساعة بعدين قاموا يتمشون

مرة وحدة سمعوا صرخة دانة
راحوا لها و شافوا الدم ايغطي ريلها و يمها عقرب اسود

البنات ماااااتوا من الخوف و راحوا ينادون محمد اللي كان رايح اييب لهم شي يقعدون عليه

دانة من كثر الالم ما حست روحها الا و الدموع تنزل من عيونها و فجأة حست انها بتختنق و اغنى عليها

وصل محمد و تخرع من اللي شافه

اول شي ما عرف شيسوي بس بعدين قال حق البنات ابسرعة عشان انواديها المستشفى و لا اتقولون حق احد ما نبي انخرعهم من الصبح

شنو صار في المستشفى و شلون ودوها ؟؟ باجر انعرف :)

لا تذبحوني بس باجر انشا الله باحط لكم اخر جزء :)






رنين
سحر المها
06-22-2003, 09:18 PM
رنينو تراج ذبحتينا ههههههه <<<<<<(اتهدد مع الويه)

بليييييييييييز يلا عاد لا تخلينا ننطر وايد

ولا اقول مايصير تفرين عقرب الساعه وتخلينه يصير باجر

تراني ابي اعرف اشبيصير في دانه
fatin
06-22-2003, 09:22 PM
مشكــــورة حببتي رنين وخوووووش قصـــــه وايد حلوة ونحنا بنتتظار التكمله بس لا تتطوليـــــن علينااا..تحياتي لج..
قطـ الندى ـر
06-22-2003, 10:20 PM
رنييييييييييييييييييييييييييييييييييين
انا بذبحج الحييين

انا شنطرني لباااجر يعني لازم اقرا القصة كلها مرة ثااانية لان انسى شقريت لووول

جفتي شلووون بتعب خخخخخ


مشكوووووورة عالقصة وااااااااااااااايد حلوه لان منج
وننطر التكملة بسرعة حطيها الساعة 12 بليل لان بكون صار ثاني يوم لوول
Nawarah
06-22-2003, 10:29 PM
لووووووووووووووووووووووووووول الله مير يهديك ويصلحك من جد حمستنييي القصصصه بس ما اعرف كذا يخرب الجو
بليييز كمليها بسرعه خلي الباقي جزء واحد عفييييييه عليك اوكي؟لوول
والقصصصصصصصصصصصه روووووووووعه وانتي اروع :)
غيمة النرجس
06-23-2003, 02:31 AM
هلا والله رنين

ترا ننتظر تكملة القصة على احر من الجمر

أوكية لا تنسينى


الله يعطيج ألف عافية






تقبلوا تحيات
الغيمة النرجسي [/ALIGN]ةboundceboundce
رنين الأحزان
06-23-2003, 04:55 PM
سحرووه .. خلاص صار باجر كاني الحين باحط التكملة :)

فاتن .. العفووو يا قلبي و ابشري بالتكملة :)

قطر الندى .. وجودج زادها حلا .. لووول اقري التكملة الحين :)

نواره .. انتي ارووع حبوبة .. خلاص عشانج كملتها :)

غيمة النرجس .. يعافيج ربي .. افا عليج الحين احط التكملة و اخر جزء بعد :)





تحياتي للجميع
رنين
رنين الأحزان
06-23-2003, 04:56 PM
قووووة ،،

اكمل لكم اليوم القصة :)

محمد فكر شلوووون ياخذ دانة و ما لقى حل الا انه يشيلها (بالعربي الفصيح يحملها) و بسرعة خذاها السيارة و البنات معاه

وصلوا المستشفى و على طوووول جهة الطوارئ و محمد طلع دانة و هو يصارخ help help المهم انتهبت لهم ممرضة و يابوا (احضروا) سرير و حطوها عليه

و نادت معاها جم ممرضة و في وحدة كلمت الدكتور و ودوها غرفة و صكوا الباب

البنات قاعدين ميتين من الصياح و محمد يبي ايسكتهم مو قادر

قال انا اذا تميت قاعدة يمهم باصيح اكثر منهم خل اروح بعيد شوي احسن

و عقب نص ساعة تقريبا الدكتور طلع من الغرفة و على طووول راحوا له كلهم

دكتور بشر

دكتور شفيها دانة

دكتور ما صار لها شي

و من هالاسئلة

الدكتور قال الحمد لله كل شي صار زين و طلب من محمد انه يدخل معاه الغرفة

دخل محمد و قال حق الدكتور كل شي صار و شلون تعورت و جذي

و بعدين ،،

محمد: و الحين يا دكتور قو لي ابصراحة عن حالة دانة

الدكتور: و الله شوف انا مابي اخش (اخبي) عليك بس عضة العقرب اتكون سامه و احنا الحين الحمد لله قدرنا انطلع السم من جسمها بس لازم تقعد عندنا على الاقل يومين عشان ابي اتاكد ان الدم خالي من السموم
محمد هني ما يقدر و غطى ويهه و قعد ايصيح

فياله الدكتور و قاله افا عليك الحين انت ريال و تسوي جذي لو يشوفونك البنات اللي بره بينهارون الحين و من هالحجي

قاله محمد دكتور انت ما تدري دانة شنو بالنسبة لي دانة مو بس بنت عمي دانة حياتي دانة .......... و ما قدر ايكمل !!!!

بس فترة الدكتور قاعد ايهديه فقاله ابي اشوفها قال اوكي بس ما تطول

دخلوا الغرفة و عقب يمكن دقيقتين دانة فتحت عيونها و انحرجت لما شافت محمد و الدكتور خصوصا انها كانت بدون ملفع

الدكتور: الحمد لله على السلامة دانة

دانة (ابصوت واطي): الله يسلمك

الدكتور: الحمد لله ان ولد عمج تلاحقج و يابج اهني ابسرعة قبل ما ايصير شي

دانة: ...........

الدكتور: زين عيل ابوي انا اخليكم الحين لان عندي مرضى ابي اشوفهم

محمد: مشكوور و ما قصرت دكتور يعطيك العافية

الدكتور: يعافيك و لو ما سويت الا الواجب

و بعد ما طلع الدكتور ،،

محمد: الحمدلله على السلامة

دانة: الله يسلمك

محمد: ابي اقولج شي بس ماعرف شلون ابتدي

دانة: شنو قول انا فيني شي ؟؟؟؟

محمد: لا يالشيخة بس ....... الدكتور قال انج لازم اتمين في المستشفى يومين عشان ايجيكون الدم

دانة: لييش و انا شفيني

محمد: دندون حبوبة انتي اتعرفين ان العقرب سام فاهم ما يبون ايخلون أي مجال ايخلي الدم متلوث بالسم

دانة: و امي

محمد: انا باقولها لا تخافين

دانة: اخاف ايصير لها شي

محمد: لا تخافين و انا معاج انشاء الله ما بيصير الا كل خير
دانة: انشاء الله

محمد: انزين باروح انا الحين انادي البنات و اطمنهم عليج

دانة: من معاك ؟

محمد: نور و ريم و مها

دانة: فديتهم حبايبي و اللهل

راح محمد و ناداهم و طمنهم على دانة

و بعدين اتصل في فيصل اخوها و قاله عن اللي صار و طلب منه ايوصل لهم الخبر ابكل هدوء و ايطمنهم انها الحين الحمد لله اوكي و ما فيها شي

و تمت دانة في المستشفى لمدة يومين و بعدها صارت الحمد لله زينة

و عقب ما رجعوا من البر صار شي غير حياة دانة :)

مرة كانوا فيصل و محمد ايسولفون ..

محمد: فصيل باقولك شي

فيصل: قول

محمد: نويت اخطب

فيصل: احلف احلف و اخييييييييييييييييييييييييييييييييرا

محمد: بس شلوون اقولها

فيصل: قصدك دانوه اختي و الا انا غلطان

محمد: لا مو غلطان اهي دانة

فيصل: شلوون يعني شلون اتقولها ،، قول حق امك و ابوك عشان ايكلمون امي و ابوي

محمد: فصووول انا ابيها اهي اتعرف قبل اخاف ما توافق فمابي احد ايعرف

فيصل: شنو ما توافق و اهي بتلقى احسن منك

محمد: لا حبيبي انت ما تدري شنو في نفس البنية لازم اقولها قبل

فيصل: انزين شوف انا ماعرف حق هالسوالف و الا جان قلت لها ،، انا باقولها ان محمد يبي ايكلمج في هاليوم و هالوقت و انت تصرف

محمد: طلعت مو شي صج انك ولد عم وفي

فيصل: ههههههههه قلت لك ماعرف حق هالسوالف

محمد: الهين اقولك ابيك اتساعدني اتقولي انت قولها

فيصل: حموود و اللي يسلمك انا قلت لك ماااعرف فديتني برئ

محمد: اففف زين زين بس انا باقولها

فيصل: متى ؟؟؟؟

محمد: و الله انا ودي اليوم قبل باجر

فيصل: انزين اشرايك اتقولها اليوم في الليل

محمد: اووكي انت قولها و شوف اذا ما عندها شي و رد علي

فيصل: خلاص صار

رد فيصل البيت و راح حجرة دانة ،،

فيصل: قوة دانوه

دانة: هلا

فيصل: هدي النت شوي و كلميني

دانة: شنو آمر شتبي

فيصل: سمعيني ،، اليوم محمد ولد عمي بيتصل فيج

دانة: هااا يتصل فيني ليش ؟؟؟؟

فيصل: لين كلمج بتعرفين

دانة: لا ابي اعرف الحين

فيصل: يا شين اللقافة قلت لج في الليل ،، انتي فاضية اليوم و الا عندج شي

دانة: لا ما عندي شي

فيصل: خلاص عيل على الساعة 8.30 بيتصل

دانة: انزين

تمت دانة مستغربة شيبي فيها محمد اول مرة اتصير

و تمت تتنظر الساعة 8.30 على نااااااار

و يوم طقت 8.30 تمت دانة قاعدة عند التلفون نتنظر و اول ما رن التلفون على طوووول بغت اتشيله بس قالت خل اتم شوي الحين بيقول هذي ميتة تبيني اتصل فيها

و عقب جم رنة شالته

دانة: الو

محمد: الو السلام عليكم

دانة: و عليكم السلام و الرحمة ،، هلا محمد

دانة: هلا و الله شلونج

دانة: الحمدلله انت شلونك

محمد: ابخير الله يسلمج ،، مشغولة ؟؟

دانة: لا ليش ؟

محمد: بغيت اكلمج في موضوع ،، شوفي دانة انا بادش في الموضوع على طوووول ،، دانة انا ابي اخطبج

دانة: ............................

محمد: دانة انتي ما تدرين انا شكثر احبج انتي حياتي و روحي و عمري و كل دنيتي دانة انا من زماااان احبج و يوم قررت اخطبج قلت لازم تدرين قبل ما اخبر اهلي كنت ابي اعرف رايج من قبل

دانة: ............ <<< منصدمة و مستحيه

محمد: اتمنى انج اتفكرين عدل ،، و اذا كان جوابج الرفض و هذا اللي كلش ما اتمناه اوعدج انه يبقى سر بينا و محد بيدري ،، انتي فكري في الموضوع على راحة و انا بانتظار الرد

دانة: ................

محمد: شفيج ساكته انتي معاي ؟؟؟؟؟ معليش انا ادري انج منصدمة فما بانتظر جوابج الحين ،، اخذي راحتج في التفكير ،، مع الف سلامة

دانة صكت التلفون و اهي مو مستوعبة اللي ايصير ،، معقووووولة كل هذا يطلع من محمد

تذكرت وااايد اشياء كان ايسويها و ما كانت تلقى لها تفسير

تذكرت انه ما كا ايخليهم ايروحون ابروحهم حق أي مجمع خصوصا بالعطلة

تذكرت شلون كان ايصر انه اهو الي يمر عليها في كل طلعة

تذكرت و تذكرت اشياء وايد الحين بس لقت لهم تفسير

تمت ساكتة و مو قادرة اتفكر في شي

معقوولة محمد يبيني

معقولة انه يبي يخطبني

!!!!!!

تمت اسبوع كامل سرحانه و ما تدري عن احد حتى النت ما قامت تدخله

اهلها لاحظوا انها تغيرت عن اول بس ما كانوا لاقيين تفسير

فيصل بس اللي كان يدري شفيها ،،

عقب ما مر اسبوعين على السالفة يا لها فيصل ،،

فيصل: سلام

دانة: هلا عليكم السلام

فيصل: ها ما قررتي

دانة: قررت ؟؟ قررت شنو

فيصل: حياتي انا ادري بالسالفة كاملة ،، حراام عليج ذبحتي الصبي اسبوعين و اهو على اعصابه

دانة (متفاجئة ان اخواها يدري): ...........

فيصل: تبين رايي ابكل صراحة ،، محمد خوش ريال ،، يكفي انه ولد عمج يعني من لحمج و دمج و يكفي انه ايحبج دانوه انتي ما تدرين شكثر محمد ايحبج

دانة: مادري بس انا وايد متفاجئة مادري مادري

فيصل: دانة و ربي محمد بيسعدج محمد طيب و حنون و انتي تدرين ابصفاته

دانة: ..............

فيصل: اعتبر سكوتج علامة رضا و الا ؟؟؟؟

دانة (و اهي منزلة راسها): قول له خل ايقول حق ابوه

فيصل ما صدق لانه صج كان ايحب محمد و يتمنى انه ايكون من نصيب اخته

قام لمها و قالها مبروووووووووووك حبيبتي و الله انتي احسن اخت في الدنيا احبج دانووه و الله احبج

الحين باروح حق محمد بابشره

و راح على طوووووووووووول و اتصل على محمد

محمد: الو

فيصل: و الله لو اعرف ايبب جان يببت

محمد: هاا شنو يعني شنو وافقت ؟؟؟

فيصل: مبرووووووووك حبيب قلبي الف الف مبروووووك

محمد: فصول احلف لا تقعد تلعب بأعصابي

فيصل: و هذي فيها لعبة دانة وافقت حموووووود

محمد: ويلي مو مصدق انا

فيصل: صدق يبه صدق

محمد حس ان الدنيا مو شايلته من الفرحة و بدون ما يحس دمعت عيونه و قال لفيصل : فصيل حبيب قلبي باروح اكلم ابوي

فيصل: هههههههههههههههههه ماصدق البنية اتوافق ،، زين يالغالي يلا سلام

راح محمد و كلم ابوه و طبعا ما لقى أي اعتراض مابي اطول عليكم بو محمد كلم اخوه و وافقوا و تحدد يوم الملجة :)

دانة كانت طالعة قمر في هاليوم ،، دخلت معا محمد على اغنية راشد (اغنية الزفه)

و بعدين يوم لبسها الدبله حبها على راسها و قال و الله و تحقق منايا :)

و بعدين و اهم قاعدين قالها محمد: حبيبتي باقولج شي

دانة: سم <<< العن ابو الحيا

محمد: تتذكرين ذاك اليوم اللي عضج فيه عقرب

دانة: ايه

محمد: تدرين اني شلتج يوم كنت باودديج المستشفى

دانة: ............ <<<<<< انحرجت و نزلت راسها

محمد: امووووووت على اللي يستحون و الله ،، لا تخافين حبي كنتي خفيفة مثل الريشة ،، أي صح و بعد شي ترا انا طيب القلب اللي كلمتج المنتدى و الماسنجر

دانة: مقبوله منك هالحركات

محمد: فديتج اكيد مقبولة مو انا ريلج :) <<<<< ثقة

دندون انا احبج

دانة: مو جدام الناس استحي

محمد: و الناس شعليهم منا ،، انتي مرتي و حبيبتي و قلبي و عيوني اللي اشوف فيها و كل شي

دانة: حياتي و الله عساني مانحرم منك

و تزوجوا عقب 6 شهور و كانت حياتهم عسل في عسل

معليش اختصرتها واايد بس عشان احطها لكم اليوم :)

بقى شي واحد ما قلته و اهو ان القصة من خيال رنين الأحزان

و مسامحة اذا كان في تشابه اسماء او احداث

القصة خيال ابخيال

انشا الله اتكون عجبتكم :)




رنين
BnNayA_TKANA
06-23-2003, 05:03 PM
الله خووش قصه والله << ليش ما تصير لي لوووول

يعطيج العافيه رنين الاحزان مشكوره يا الغاليه

كثري من هالقصص الحيلوووووه مثلج


مع احتراماتي :

تكااااااانه
سحر المها
06-23-2003, 05:17 PM
لا ماشالله عليج

رنينووو خيالج طلع خصب

والله اني وايد اندمجت

عاد يلا نبي قصص مو قصه

يعني نبي وايد مثلها حلوين


تسكيو يالغاليه
سحر المها
عاشقة بيكهام
06-23-2003, 05:19 PM
الله...


قصه حلوه مثلج..

والله اندمجت فيها ونسيت روحي..

يالله باااي((عليي معهد واني نسيت روحي))
رنين الأحزان
06-23-2003, 05:28 PM
تكانه .. لووووول انشاء الله اتصير لج ليش لا :) العفووو يالغالية و تسلمين على مرورج :)

سحر .. فلكم بعد عمري :) انشاء الله و لا يهمج انتي تامرين بس :)

عاشقة بيكهام .. فديتج وجودج زادها حلا .. تسلمين على مرورج :)






تحياتي
رنين
نبض الحب
06-23-2003, 11:22 PM
يسلموووووووووووووووووووووووا رنين على القصة الاكثر من روعة

بصراحة ما توقعت ان كتاباتج بهذه الروعة

اثبتي انج اميرة القصص و الروايات
رنين الأحزان
06-24-2003, 05:41 PM
نبض الحب

حبيبة قلبي و الله انتي

لوول خجلتيني <<< اموت بالخجل و الله

ردج اهو الاروع يالغاليية

تسلمين على مرورج

:)





رنين
وردة الخمايل
06-24-2003, 05:57 PM
تسلمين حبيبتي على هذي القصة الحلوة وعلى الاسلوب الحلو والممتع

والله شي يا رنو :)

صج اهي من خيالج بس وايد فلاbubble.gif
رنين الأحزان
06-24-2003, 06:12 PM
وردة الخمايل

يسلمج ربي

مشكووورة فديتج

وجودج زادها حلا يا قلبي

:)
الـزَّهــرة~.
06-24-2003, 06:39 PM
رنونة حبيبتي..
القصة وااااااااايد حلوة تسلم ايدج وان شاء الله تبدعين بقصص أحلى وأحلى لنا حبايب أوز...
يعطيج ألف ألف عافية عالقصة الروعة....

تحياتي:
درة المنتدىclown.gif
بلاك_انجل
06-25-2003, 05:57 PM
لخت رنين القصه حلوه كثير بس لاتتاخري علينا بتكمله بدياعرف شو بسير مع دانه confused.g cool.gif
رنين الأحزان
06-25-2003, 06:07 PM
درة المنتدى ..
حبيبة قلبي وجودج زادها حلا .. مشكورة فديتج على هالرد الحلو مثل صاحبته :)


بلاك انجل ..
تسلم و الله على الرد .. و القصة انا كملتها :) الجزء الثاني موجود ابنهاية الصفحة الاولى و الجزء الثالث و الاخير موجود بالصفحة الثانية :)





رنين
روح الياسمين
06-27-2003, 01:58 AM
قصة كووول رنين و نهاية تجنن خصوصاً بعد سلسلة النهايات الحزينة. و مع انها من خيلاج الا انهـــا روعـــة .

تسلم اناملج رنين.
رنين الأحزان
06-27-2003, 01:26 PM
روح الياسمين

وجودج زادها روعة حبوبة

الله يسلمج

و تسلمين على مرورج

:)




رنين
ne9 elgomar
06-27-2003, 03:05 PM
رنينو....
القصة وايييييييييييييد حلوة
خصوصا الشخصيات الي فيها(لووول طبعا اتعرفين ليش :P)
Ne9 ElGoMar
رنين الأحزان
06-29-2003, 04:33 PM
نص القمر

فديتج وجودج زادها حلا

<<<< مو اصدقين عمرج اجاملج لوول

:)


clever

العفووو و الف شكر على الرد

الجزء الثاني في نهاية الصفحة الاولى و الجزء الثالث و الاخير في الصفحة الثانية

:)






رنين
Shage 7
06-30-2003, 01:34 AM
مشكوووووووووووووورة على القصة وما اتقصرين dancte.gif dancte.gif bubble.gif :mad: boundce boundce

___________________________

تحياتي
رنين الأحزان
06-30-2003, 05:03 PM
shage

العفووووو

و تسلم على مرورك اخوي الغاااالي

على فكرة يا ناس شاقي اهو اخووي

>>>> مبروووووك شنسوي لج






رنين
أميرةالاحزان
07-01-2003, 02:29 AM
يعطيج الف عافيه على القصه الروعه وماشالله عليج ترى امبين ان خيالج واسع ماشالله تنفعين حق كتابه مسلسلات والله يعطيج العافيه حبيبتي bubble.gif
رنين الأحزان
07-01-2003, 07:11 PM
اميرة الاحزان

الله يعافيج حبيبتي

وجودج زادها روووعة حبوبه

تسلميين على مرورج

:)





رنين
قمر الزمان
07-01-2003, 07:39 PM
قصة روعة .. مشكورة حبيبتي ..
fatin
07-01-2003, 08:49 PM
الله يعافيــــــــــج حببتي ..قصــــــــه حلو ة تسلم يمينج
رنين الأحزان
07-02-2003, 03:24 PM
قمر الزمان

انتي الاروع يلا غلا

العفوو

و تسلمين على مرورج



فتونه

وجودج زادها حلا

يسلمج عيوني

و الف شكر على مرورج






رنين
fatin
07-08-2003, 08:28 AM
تسلمين حببتي مشكورة وماتقصرين من طيبج..
وآســــفه على الرد المتاخر..
الروح الميتة
07-09-2003, 10:52 PM
واااااااااااااااو
صج انج تعرفين تالفين قصص
انشالله تصيرين مؤلفة
صراحة اختي رنين قصتج وااايد روعة
اندمجت فيها ولا حسيت بشي
حتى الماما كانت تناديني ولا سمعت احد يناديني
رنين الأحزان
07-11-2003, 07:02 PM
فاتن
يسلمج يا غلا ولو :)


اميرة البحر
ردج اهو الاروع حبوبة .. تسلمين و الف شكر




رنين
chanZEEN
08-07-2003, 01:24 AM
يسلموووووووووو اختي رنين على القصه

بصرااااحه القصه حلووه ومشوقه على القرايه

بس اخرر شي تحطين انها من الخيال :):)

بس والله والله قصه رووووووعه






تحياتي لكم
رنين الأحزان
08-07-2003, 02:11 AM
جان زين

يسلمك يا رب

ردك اهو الاحلى

لوووول شرايك في خيالي مو رهيب

<<< العن ابو الثقة :)

شكرا ع الرد




رنين