سحرالعيون
06-24-2003, 02:13 PM
سحر واقفه عند الدريشه تطالع برا والكل يطالعها....سحر ركدي وانا امج
سحر: يما لو انا رايحه اشوف النتيجه مو احسن بدل ولدج البارد
ام سعد: يعني ما تعرفين اخوج ...لازم يبشر حبيبة القلب اول بنتيجتها ....وو
سحر(تقاطع امها):يما يبشرها على شنوووووووو .....راسبة بامتياز مع مرتبة الشرف....ما همها لا الزواج وبس
ام سعد:سحروووووو الله يقطع ابليسج ....حرام عليج يا يما تقولين عن بنت عمج جذي...هذي مهما كان....
سحر_معصبه حدها_ : حرام علي ....مو حرام على ولدج قاعده باعصابي ...ضامنه النجاح بس ابي اعرف النسبه
فيها تحديد مصير الكلية اللي راح ادخلها....انتوا شنوا فهمكم...كل عبقري لازم يشوف المر من ورا اهله
ضريبة النجاح والتفوق والعبقريه........ووو
الجده:عقرب اللي يشيل راسج ...تدعين على امج بالعقربه......بنات ما يستحون قليلات حيا
سحر:هذي شنو يفهمها الحين ...لحووووووووووول ...انا جبت طاري العقرب...انا اقول العبقريه الذكاء يا يما العوده
الجده: لا تقولين لي هذي ما ني اصغر عيالج ...لازم يكون بينا احترام عيب وانا امج
سحر:يما العوده مو قصدي ...مياااااااااااااااااانه يا الحبيبه.....اقول لين يرجع ولدكم المصون ...يما قولي لي قصة.
اعصابي متوتره حدها
الجده:ابشري بالخير يا يما ولا تحاتين ...ان شاءالله تجيبين العلامة اللي تبينها وانا راح اقولج قصة الحين
صلوا على سيدنا محمد ...اللهم اصلي واسلم عليه
سحر و امها : اللهم اصلي عليه
الجده:اليوم راح اقول لكم عن واحد عاش طول عمره وهو ما يدري شنو يبي .....عنده الصحه وعنده المال وعنده العيال...وعنده الزوجة الصالحه....بس فوق هذا كله ....ما يحمد ربه ولا يشكره
كله متبرطم=ماد البوز شبرين=....ومو عاجبه شي....بيوم وهو يمشي قابله ابليس والعياذ بالله بالدرب....وقال له
تدري شنو ناقصك ...قال الرجل :لا والله ما ادري ....متملل من كل شي
ابليس: انت محتاج الخلود
الرجل:؟؟؟؟؟ الخلود؟؟؟
ابليس:اي الخلود : انك ما تموت.....تخيل نفسك عايش بالدنيا هذي تمر عليك اجناس وبشر تكبر وتموت وانت خالد بشبابك؟
الرجل :والله هذا اللي انا ادوره بس شلون احصل عليه؟؟
ابليس: انا راح اعلمك على شغلات تسويها راح تخلدك بالدنيا....اول شي لازم تكفر بربك...ما تعبد احد غيري
ثاني شي ...تذبح عيالك ....ثالث شي تزني....رابع شي تعامل بالربا والقمار ....تسلى مع البنات انت راح تكون خالد بالدنيا...زوجة وحده ما تكفيك ....حط لك عشقيات....سو كل شي يغضب ربك عليك
استغفر الله العظيم .....سحر تقول لامها العوده....يما هذا الكفر بعينه وعلمه....يما كملي شنو صار
الجده:الريال ما صدق خبر ...راح ذبح عياله....انتهك حرمة الله وزنى مع الغير من المحرمات....تعامل بالربا
كثرت فلوسه...زادت سلطته....تجبر ازيد وازيد...حس بالقوة والعظمة...حسب انه خلاص صار خالد بدنيته
بيوم وهو طالع مع ربعه رحلة قنص....طاح من على الفرس ماله...وتعور حيل.....زاد عليه المرض
نادى ابليس
الرجل:ابليس ...ابليس...وينك انت قلت راح تخلدني بالدنيا...وانا من اقل طيحة ما قدرت اقوم
ابليس:شنو تبي مني ...مو تبي الخلود بالدنيا...انا راح اخلدك بالدنيا باعمالك السيئه...عشان الله يخلدك بالاخره بجنهم
انا ابليس اسجد لواحد من طين...انتوا يا البشر ...الله عطاكم كل شي بس ما عرفتوا قيمته...ركضتوا ورا شغلات تافهه.
وخليتوا الاساس...خلك تتعذب بدنيك ....وراح تذوق عذاب الاخره ازيد وازيد
مات الرجل وهو على كفره...ما نفعه كفره بربه ولا نفعته فلوسه.....ولا كثره عشيقاته...مات ولا اخذ الخلود معاه.
غير انه تخلد بالسمعه السيئه بالدنيا...الكل يدعي عليه ... والكل يذكره بالسوء ...وتخلد بالاخره بالاعمال السيئه اللي سواها
ها يما سحر عسى عجبتج القصة.....سحر سحر وين راحت هذي
ام سعد:كاهي عند الباب
سعد:السلالالالالالالالالالالام عليكم
سحر:بشرررررر....قول ....اف ما تتكلم....ليش ساكت.....يووووووووووووووووه بسرعه
سعد:انتي صكري هالحلج ...ماكله لسان طير والا بالعه راديوووو
سحر: عن المصاخه ...تكلم...يلا الله حبيبي سعودي....عمري حياتي
سعد يمد يده حق سحر:بوسي ايدي.. والا اقوا بوسي راسي...والا تدرين...رقصي شوي خلني اضحك عليج من زمان ما ضحكت
سحر:شوف تكلم نفس الاوادم احسن لك لا اضحك الناس عليك....وتشوف شي ما شفته
سعد:ول ول ...جبريت مو سحر...اتغشمر...اقول النتيجه.....نتيجه حياتي قلبي عمري....(يطالع الكل )
مريومه....هي ........؟؟؟
سحر: يمااااااااااااااااااااااااااااااااا شوفي ولدج......انا شكو بمريوم ساقطه يبا ساقطه....فكني...قول جم نسبتي
الجده:سعد...عورت قلب اختك يما قول لها وريحها
سعد:عشان قوات التحالف انا راح اتكلم....سحرووووووووووووووو ...مريم ساقطه
سحر: ووووووووووووووووووجع ادري ادري ادري
سعد: وانتي ناجحه..........تبين شي ثاني .....يلا باي...!!
سحر:هدوني عليه اذبحه...لا حد يمسكني...ميت ميت اليوم
سعد وهو يضحك: انتي سحر والا محمد علي كلاي...لا عرفتج نسييييييييييييم
سحر :نسيم بعينك...تتكلم عدل...والا انادي ابوي واقول له عن هذاك اليوم .....ترى اهدد؟؟؟
ام سعد:اي يوم ....؟؟!!
سعد:يما سحر تتغشمر...ايام الله وايد وحلوه مو كذا يا سحروتي
سحر:تعدل وقول ...لا اتكلم ...وافضحك؟؟
سعد:زين....ابتزاز عيني عينك....يبا نتيجتج...96% ارتحتي الحين...مبروك يا احلى اخت
واللي اخرني هذا
راح سعد عند الباب ... وجاب من وراه بوكيه ورد مجفف من النوع الغالي
سعد:ماحبيت ابشرج يا اغلى اخت من غيرما اجيب لج هدية النسبة الحلوة هذي....وابشري اليوم بعزيمة العشا باحلى مطعم
تحياتي
سحرالعيون
سحر: يما لو انا رايحه اشوف النتيجه مو احسن بدل ولدج البارد
ام سعد: يعني ما تعرفين اخوج ...لازم يبشر حبيبة القلب اول بنتيجتها ....وو
سحر(تقاطع امها):يما يبشرها على شنوووووووو .....راسبة بامتياز مع مرتبة الشرف....ما همها لا الزواج وبس
ام سعد:سحروووووو الله يقطع ابليسج ....حرام عليج يا يما تقولين عن بنت عمج جذي...هذي مهما كان....
سحر_معصبه حدها_ : حرام علي ....مو حرام على ولدج قاعده باعصابي ...ضامنه النجاح بس ابي اعرف النسبه
فيها تحديد مصير الكلية اللي راح ادخلها....انتوا شنوا فهمكم...كل عبقري لازم يشوف المر من ورا اهله
ضريبة النجاح والتفوق والعبقريه........ووو
الجده:عقرب اللي يشيل راسج ...تدعين على امج بالعقربه......بنات ما يستحون قليلات حيا
سحر:هذي شنو يفهمها الحين ...لحووووووووووول ...انا جبت طاري العقرب...انا اقول العبقريه الذكاء يا يما العوده
الجده: لا تقولين لي هذي ما ني اصغر عيالج ...لازم يكون بينا احترام عيب وانا امج
سحر:يما العوده مو قصدي ...مياااااااااااااااااانه يا الحبيبه.....اقول لين يرجع ولدكم المصون ...يما قولي لي قصة.
اعصابي متوتره حدها
الجده:ابشري بالخير يا يما ولا تحاتين ...ان شاءالله تجيبين العلامة اللي تبينها وانا راح اقولج قصة الحين
صلوا على سيدنا محمد ...اللهم اصلي واسلم عليه
سحر و امها : اللهم اصلي عليه
الجده:اليوم راح اقول لكم عن واحد عاش طول عمره وهو ما يدري شنو يبي .....عنده الصحه وعنده المال وعنده العيال...وعنده الزوجة الصالحه....بس فوق هذا كله ....ما يحمد ربه ولا يشكره
كله متبرطم=ماد البوز شبرين=....ومو عاجبه شي....بيوم وهو يمشي قابله ابليس والعياذ بالله بالدرب....وقال له
تدري شنو ناقصك ...قال الرجل :لا والله ما ادري ....متملل من كل شي
ابليس: انت محتاج الخلود
الرجل:؟؟؟؟؟ الخلود؟؟؟
ابليس:اي الخلود : انك ما تموت.....تخيل نفسك عايش بالدنيا هذي تمر عليك اجناس وبشر تكبر وتموت وانت خالد بشبابك؟
الرجل :والله هذا اللي انا ادوره بس شلون احصل عليه؟؟
ابليس: انا راح اعلمك على شغلات تسويها راح تخلدك بالدنيا....اول شي لازم تكفر بربك...ما تعبد احد غيري
ثاني شي ...تذبح عيالك ....ثالث شي تزني....رابع شي تعامل بالربا والقمار ....تسلى مع البنات انت راح تكون خالد بالدنيا...زوجة وحده ما تكفيك ....حط لك عشقيات....سو كل شي يغضب ربك عليك
استغفر الله العظيم .....سحر تقول لامها العوده....يما هذا الكفر بعينه وعلمه....يما كملي شنو صار
الجده:الريال ما صدق خبر ...راح ذبح عياله....انتهك حرمة الله وزنى مع الغير من المحرمات....تعامل بالربا
كثرت فلوسه...زادت سلطته....تجبر ازيد وازيد...حس بالقوة والعظمة...حسب انه خلاص صار خالد بدنيته
بيوم وهو طالع مع ربعه رحلة قنص....طاح من على الفرس ماله...وتعور حيل.....زاد عليه المرض
نادى ابليس
الرجل:ابليس ...ابليس...وينك انت قلت راح تخلدني بالدنيا...وانا من اقل طيحة ما قدرت اقوم
ابليس:شنو تبي مني ...مو تبي الخلود بالدنيا...انا راح اخلدك بالدنيا باعمالك السيئه...عشان الله يخلدك بالاخره بجنهم
انا ابليس اسجد لواحد من طين...انتوا يا البشر ...الله عطاكم كل شي بس ما عرفتوا قيمته...ركضتوا ورا شغلات تافهه.
وخليتوا الاساس...خلك تتعذب بدنيك ....وراح تذوق عذاب الاخره ازيد وازيد
مات الرجل وهو على كفره...ما نفعه كفره بربه ولا نفعته فلوسه.....ولا كثره عشيقاته...مات ولا اخذ الخلود معاه.
غير انه تخلد بالسمعه السيئه بالدنيا...الكل يدعي عليه ... والكل يذكره بالسوء ...وتخلد بالاخره بالاعمال السيئه اللي سواها
ها يما سحر عسى عجبتج القصة.....سحر سحر وين راحت هذي
ام سعد:كاهي عند الباب
سعد:السلالالالالالالالالالالام عليكم
سحر:بشرررررر....قول ....اف ما تتكلم....ليش ساكت.....يووووووووووووووووه بسرعه
سعد:انتي صكري هالحلج ...ماكله لسان طير والا بالعه راديوووو
سحر: عن المصاخه ...تكلم...يلا الله حبيبي سعودي....عمري حياتي
سعد يمد يده حق سحر:بوسي ايدي.. والا اقوا بوسي راسي...والا تدرين...رقصي شوي خلني اضحك عليج من زمان ما ضحكت
سحر:شوف تكلم نفس الاوادم احسن لك لا اضحك الناس عليك....وتشوف شي ما شفته
سعد:ول ول ...جبريت مو سحر...اتغشمر...اقول النتيجه.....نتيجه حياتي قلبي عمري....(يطالع الكل )
مريومه....هي ........؟؟؟
سحر: يمااااااااااااااااااااااااااااااااا شوفي ولدج......انا شكو بمريوم ساقطه يبا ساقطه....فكني...قول جم نسبتي
الجده:سعد...عورت قلب اختك يما قول لها وريحها
سعد:عشان قوات التحالف انا راح اتكلم....سحرووووووووووووووو ...مريم ساقطه
سحر: ووووووووووووووووووجع ادري ادري ادري
سعد: وانتي ناجحه..........تبين شي ثاني .....يلا باي...!!
سحر:هدوني عليه اذبحه...لا حد يمسكني...ميت ميت اليوم
سعد وهو يضحك: انتي سحر والا محمد علي كلاي...لا عرفتج نسييييييييييييم
سحر :نسيم بعينك...تتكلم عدل...والا انادي ابوي واقول له عن هذاك اليوم .....ترى اهدد؟؟؟
ام سعد:اي يوم ....؟؟!!
سعد:يما سحر تتغشمر...ايام الله وايد وحلوه مو كذا يا سحروتي
سحر:تعدل وقول ...لا اتكلم ...وافضحك؟؟
سعد:زين....ابتزاز عيني عينك....يبا نتيجتج...96% ارتحتي الحين...مبروك يا احلى اخت
واللي اخرني هذا
راح سعد عند الباب ... وجاب من وراه بوكيه ورد مجفف من النوع الغالي
سعد:ماحبيت ابشرج يا اغلى اخت من غيرما اجيب لج هدية النسبة الحلوة هذي....وابشري اليوم بعزيمة العشا باحلى مطعم
تحياتي
سحرالعيون