((مسلسل)). هوازن فوق صفيح ساخن.ادخلو وتمتعوا

[شو الحل]

مسلسل جميل انقله لكم كنت اتابع حلاقاته في احدى المنتدياتbubble.gif(الحلقه الاولى)
هذا سلمكم الله قصتنا اليوم عن البنت الاعجوبه هوازن..بنت حبوبه وطيبه بس عنيده ومتكبره
شوي وياويل اللي يدوسلها على طرف..ماتت امها وهي بالسادس الابتدائي.. ومابقي بالبيت الا هي
وابوها..تخدمه وترعاه وتساعده على احلى مايكون مدة 3 سنوات اي لما صارت بالصف الثالث متوسط
بعدها قرر الوالد انه يتزوج ويشوف له وحده تخدمه وتساعده طول حياته اذ ان البنت ماهي دايمه له
ومصيرها في المستقبل لبيت زوجها..
رفضت هوازن بالبدايه بعدين وافقت لما عرفت ان العروس
جارتها الطيبه نوره..
كانت تحبها مووووت وتعتبرها زي بنتها لانها ترملت وهي صغيره ومارزقها الله
باولاد..فكانت هوازن عندها بالدنيا وهوازن كانت تبادلها نفس الشعور..
مرت الايام وهوازن ونوره عايشين على احلى مايكون
<<<((نادر ماتلاقي حرمة اب طيبه")).
وماكملت فرحتهم الا وفجعوا بعد3 سنوات بوفاة الوالد.
فقدت هوازن الشخص اللي كان يمنحها الحنان والعطف
بس ربي عوضها بنوره اللي ماكنت تدخر اي مجهود في اسعاد هوازن..مما زاد قوة ترابطهم ببعض
وفي يوم جت هوازن لنوره...
يمه..بعد وفاة والدي مابقا لي في الدنيا الا الله وانتي.
فأنا نفسي افتح لك صدري واعبر لك عن اللي بقلبي .. واشاركك باسراري.
نوره..يابعد قلبي..قولي اللي عندك واعرفي ان سرك ببير غميق ماله قرار.
هوازن..تعرفين صديقتي سميره؟؟..
نوره:اي وش فيها..؟؟
هوازن..الصراحه انا احب اخوها وهو يحبني واتفقنا على الزواج.
نوره.طيب حبيبتي هذي الساعه المباركه قوليله يتقدم لعمك وان شالله خير
هوازن:لالالالالالالا مالقيتي الا هالعجوز البخيل:mad: والله لو طلعت الارض ونزلت السما مايرضى
اصلا هو خايف لااتزوج واطالبه بالورث
نوره:شنسوي حبيبتي هاذي الاصول والاعراف والتقاليد وحنا مابيدنا حل الا اننا نمشي عليها.
هوازن:طيب بقله وامري لله
وفعلاً.اتصلت هوازن على بدر وقالتله السالفه..وهو ماكذب خبر وعلى طول جابا ابوه وطوايفه علشان
يخطبوها..
حاول عمها انه يخليهم يتراجعوا ماقدر..غلى المهر وافقوا.. قالهم اوصاف شينه عن البنت
قالوا مايخالف اهم شي الاخلاق..المهم عمل المستحيل..لكن عبث يحاول.
اخر شي طلب منهم مهله علشان يفكر..قالوا مايخالف خذ وقتك..
احتار هالعم شو يسوي..وهو على هالحاله ماشاف الا اللي ينقز فوق راسه ويحبها بقوه..
قوه يبا شلونك
هلا وغلا تروكي حمد لله على السلامه متى الوصول..؟؟
والله يبا دوبني جاي من المطار لراسك سيدا.
قال جيت والله جابك..
ليه وش فيه يبا..؟؟:
بنت عمك هوازن جالها عريس وانا خايف يطالبوا بالورث وياكلوا الاخضر واليابس ومايبقالنا شي ونا ابوك
قام تركي مقهور ويقول..افا بنت عمي تتزوج ونا موجود .. البنت اولا بها ولد عمها وياويل اللي يهوب حداها.
قام العم يبتسم هو سنونه الصفر..((يع)) ويقول هذا ابني اللي اعرفه كفو والله كفو.
راح العم يهز كرشته لبيت هوازن ويقلها:اسمعي يابنت زواج من هادا اللي اسمه بدر مافي::
مالك الا ولد عمك تركي. قلتي ايه قلتي لا بتاخذيه..حنا ماعندنا بنات يتزوجون من غريب..لحمنا وحنا اولا بيه
قامت هوازن تصارخ وتقول مالاقيتلي الا هالهامل حق البنات اللي ماتلاقيه الا بالاسواق يرقم لا والاخلاق ياربي لك الحمد
قال..مو مشكله انتي بتاخذيه وتحاولي تصلحي فيه..
حتى تقدري تخليه زي السنبوسه بيد((قصده العجينه بس قال سمبوسه لانه كان جوعان))
ماااااااااااااااابيه مابيه ماحبه ماطيقه ثقيل دم ..ثقيل طينه..مااااااااابيه
قال لهم هذا انا قلت وقد اعذر من انذر.
واليوم الثاني جاهم تركي بكامل اناقته..هو بيني وبينكم انيق ووسيم وشعره ناعم::p بس غثى.::mad:
هاه حبيبتي هزونه << يدلعها)...ماتبي تشربينا شي من ايدك الحلوه.
طالعت عليه هوازن بحقد..وهي تكز بسنانها من عيوني كم تركي عندنا حنا
وتروح تعمل له شاي وتحط فيه كيلو ملح ليمون. على كيلو ملح انجليزي.وقدمتله اياه..
وما امداه يشفط شفطه الا وبخها..يع وش ذا..؟؟؟؟؟؟؟":
شاي باليمون مو انت تحبه..؟؟ واذا تبيني اوافق عليك اشربه كله.
تغصب ياحرام تركي على هالكاسه وبعدها....الله يعينه مانام يومتها وهو يعمل دوريات روحه جايه على الحمام1q1
جلست تضحك نوره وتقلها انتي عفريته..يمه منك..من وين جبتي الحركات ذي.
ضحكت هوازن بخبث ..انتي لسه ماشفتي شي هذا اول الغيث وراح اخليهم يندموا على الساعه اللي فكروا بيها
ياخذوني لابنهم ..هين..صبر علي..اقول يمه..وش رايك نزور بيت عمي بكره..؟؟
ليه وش عندك هناك..؟؟:
لا بس زياره عاديه اشتقتلهم
اشتقتيلهم هاه..؟؟ والله اني عارفه ان وراكي بلا بس يالله نروح ونشوف وش يطلع بيدك
هوازن:ليه يمه والله اني طيبوبه وحبوبه والحين بتشوفي.((ايه هين))
وهم ببيت عمها جالها تركي..ياحي الله هزون اشرقت وانورت واستهلت واسفرت.(مسكين وجهه اصفر من يوم البارح)
وش رايك حبيبتي اسم انا مخطوبين تروحي معي لحديقة البيت نسولف شوي.
اوكي..ونا بعد عندي كلام كثيييييير حابه اقلك اياه.
جلسو جنب الورد وهو يقول شايفه هزونه هالورد ما احلاه..انا احب الورد الابيض لانه رمز النقاء والصفاء.
<<<< يحاول يستميلها ولا هو وينه ووين الورد
طالعت عليه بابتسامه ساخره وهي تقول وتعرف وش الشي اللي انا احبه..
قولي يابعد قلبي اطربيني.
هذا سلمك الله احب منظر الدم..تقطيع اللحم بالسكين..اموووت بشوفة الافلام المرعبه.الحروب ..الجثث....
تركي ..بلع ريقه بصعوبه وهو يحاول يتميلح ويقول ياااااي اننننتي عنيييفه مرره..
ابتسمت بعنف وقالت ايه علشان تعرف مع مين تتعامل
**********
اوقف لحد هنا واشوف اذا فيه تجاوب اكمل واذا مافيه تكونوا محرومين..
في الحلقه القادمه..
ماذا ستفعل هوازن بابن عمها اللزقه.؟؟
وماذا سيفعل عمها؟؟
وما هو مصير نوره؟؟
وكيف ستتخلص هوازن من كل الصعاب؟؟

[حديثه]

القصه حلوووووووووووووووه وخفيفه
احداثها متسارعه ومتناسقه
لها معااني كثير
بطتنا شقيه وطيبه
ناطرين التكمله
اريد اعرف اش صار
مشكوووووووور اخوي الغااالي شو الحل
اااحــ ورده ــلى

[شو الحل]

الغاليه حديثه
امرك سيدتي انتي تستحقين ^_^

ساكمل

[شو الحل]

هوازن فوق صفيح ساخن



بالبيت هوازن تتفرج على التلفزيون..ونوره تطبخ الغدا.
وشوي يدق جرس الباب تطالع هوازن من العين الساحره وركض لنوره.
يمه هاللزقه تركي جاي عندنا مايتوب هالولد..اسمعي روحي افتحيله الباب ودخليه ونا الحين جايه
نوره:طيب طيب بس الله يستر.
دخل تركي وهو مبتسم وينكت ويقول وين هزونه..
طلعت له هوازن وهي لابسه مريول المطبخ وملطخ بالدم وبيدها ساطور والثانيه سكينه وشعرها منكت على الاخر
قالت يمه كيف تبيني اقطع اللحم اوصال كبيره ولا صغيره ولا افرمها فرم ناعم..تقول كذا وهي شوي تسن بالسكين وشوي تلوح بالساطور.
طالع عليها تركي بدهشه .
ناظرت نوره وهي تحاول تخفي ابتسامه زي ماتحبي حبيبتي
هوازن:والله يمه انا احبها اوصال صغار استلذ واستمتع ونا اقطعها شوي شوي واشوف الدم يسيل بين يدي.ياااااااااي يهبل.
مسكين تركي تغير لونه لسبع الوان حتى استقرعلى اللون الاصفر.
هـ ـ ـ هـ ـ ـ هـووووازن كيييييفككك..
يؤ..هلا والله بولد عمي آسفه مانتبهت عليك بس التهيت بتقطيع اللحم ياهلا والله ترى غداك اليوم عندنا..
قام تركي بسرعه وهو يقول يوووووووه اتاخرت معليش انا مواعد الوالده اوديها الطبيب
مره ثانيه ان شالله
وما امداه يكمل الكلمه الا ومسك طرف ثوبه بفمه واطلق رجليه للريح.((ياروح مابعدك روح))
ضحكت نوره..حرام عليكي اللي سوتيه فيه جبتيله الرعب.
هوازن بمكر..انا سويت شي؟؟؟ بريئه والله يابيه
وجلسو يضحكو ضحك سنه بساعه.
بعده بفتره ماهي بطويله..رجعت هوازن من المدرسه لاقت عمها مرتز عندهم بالشقه ونوره تبكي.
اش بك يمه ..انت!!!!!!! وش سويت فيها؟؟
ولا شي..بس يالله قومي جهزي عفشك بتروحي تسكني عندي بالبيت ولا تحلمي بالرجعه هنا ثاني.
قامت تثور هوازن..مو بكيفك انا ماني جاريه عندك تحركني زي ماتبي.
وما امداها تكمل كلامها حتى سحبها من شعرها للسياره وهي تبكي وتناظر على نوره اللي راح تموت من كثر القهر
هوازن اهم شي بحياتها وهم اخذوها كانهم اخذو روحها.
قررت هوازن انها تنتقم منهم بس بطريقتها الخاصه وتقول صبركم علي وراكم وراكم والزمن طويل
************************
مسكينة هوازن..
ماهو مصيرها؟؟
وكيف ستكون حياتها ببيت عمها؟؟
هل سيعدل تركي عن عناده ويتركها بحالها؟؟
وكيف ستتصرف لتنقذ نفسها..؟؟
كل ذلك واكثر تجدونه في العدد القادم
من كونن المتحري الصغير
محبتي للجميع

[بحرينيه حلوه]

شكرا على القصه بس وين التكمله

[شو الحل]

بحرينيه حلوه تسلمي وهذي الجزء الثالث واسف على اني طولتbubble.gifclown.gif


(الحلقه الثالثه)
هوازن جالسه بغرفتها تبكي بحرقه على فرقة امها الروحيه نوره.وتندب حضها اللي رماها بيد عمها الطماع وابنه التافه.وزوجته الشريره
ينفتح الباب عليها بقوه.
هزون وويعه..انتي للحين جالسه قومي .. يالله انا رايحه عندي مشوار ابيكي تطبخي لنا الغدا وترتبي البيت..
ترانا سفرنا الشغاله البارح ..وانتي ماشالله عليكي مايحتاج ست بيت معتبره لا وطبخك مافيه اطعم منه.
طالعت عليها هوازن بحقد .. طيب ياخاله زي ماتبي انتي تامري امر.
قامت المسكينه للمطبخ وعملت الغدا زي ماوصتها حرمة عمها بالتمام.
جلس تركي وابوه وامه حول الطاوله ويقول عمها الله من زمان ماشمينا الروايح الحلوه هاذي.بس الله يهديكي يابنتي كترتي.
هوازن..عادي ياعمي ولا يهمك اهم شي ان الطعم راح يخليك تولع من الوناسه..
وشوي ولا صريخ مدوي بالبيت
واااااااااااااااع ..ووييييييييييع..وآآآآآآآآآآآآه.واللي يقول وين الحمام
مساكين فضت علب الشطه بالإيدام..ودوا المسهل بالشوربه..وكيلو ملح انجليزي على الرز..
هههههههههههههههههههههههههههههههه
طبعا ماقدرو يسولها شي من كثر التعب اللي حصلهم..لا وكله كوم وقلب عمها انحرق على الاكل كوم.
لانها ساوت كميه ماهي ببسيطه وكله في الاخر للكب..يااااااحرام.
لين ماقرر عمها انه يعاقبها
بانه ممنوع منعاً باتاً دخول هوازن للمطبخ باي شكل من الاشكال
كانت هوازن كل يوم تروح للمدرسه وتشكي لساره عن العذاب اللي شايفته ببيت عمها..
وبنفس الوقت تاخذ اخبار حبيب قلبها بدر وتتطمن عليه.
وكانت توصيها انها توصل اخبارها لنوره وتطمنها عليها اول باول.
****************************************
وبعد تلك الاحداث..
هل ستتمكن هوازن من النجاة من براثم عمها وامراته ؟
هل ستستسلم وترضخ للامر الواقع؟
ماهو دور سميره في حياة هوازن؟
وماهو مصير تركي بين يدي هوازن؟؟
كل ذلك ستعرفونه في الحلقة القادمه من مغامرت سندباد.(ههههههههههه لا تعليق)

مودتتتتتتي

[نور المستقبل]

مشكور أخوي شو الحل

القصة ررررررررررررررررررررررووووووووعه

بس وين التكملة؟؟؟

[RooRoo_love]

وينك يا اخ شو الحل ترى طولت علينا وووووووين التكملة
والقصة روعة وونتظر التكملة على أحر من الجمر :(
لا تطول علينا وكملها بسرعة:mad:

[اجراس السماء]

نور المستقبل

هلا اختي الغاليه

العفو اختي

واسف على تاخري باكمال القصه


ومالكم الا اللي يعوضكم



RooRoo_love

حرام تنزل هالدمعه

اسف والله اسف

ومن عيوني راح اكملها واعوضكم بجزئين

طبعا انا شو الحلdazzddler1

مودتي لكم

[اجراس السماء]

(الحلقة الرابعه)
هوازن تتفرج على التلفزيون..
يدخل عليها المجلس تركي..
آآآآآآخ منك شيطونه..ماتوقعت ان كل هالمصايب تطلع منك.
وهوازن منطنشته ولا كنه موجود..
طالع عليها بقهر..
لا واللي يشوفك جالسه كذا يقول وش ذا الملاك البريئ الجالس..
ولا وش هالبدر اللي منور.
ومايدرو ان تحت السواهي دواهي.
وهي ساكته وماهي معطيته بال.
ولع منها تركي ويقول :..
وش بك تتفرجي والدنيا ظلمه خلني اشغل النور عسى الله ينور لنا حياتنا
طالعت عليه بحقد..
تروك وويعه والله لو ولعته راح تشوف مني اللي مايسرك.
ابتسم تركي وقال اها..اخيرا القمر نطق..
هاه حبيبتي على ايش جالسه تتفرجي..
يااااااااااااااااي وش ذا؟؟...يع ..قرف..
كيف تستحملي تتفرجي على كذا مناظر..يااي انا ماستحمل صراحه
ابتسمت هوازن بعنف..وطلعت القرون براسها..
اقول تروك..اذا تبيني احبك كمل معي الفلم للآخر تراه مره يجنن
باقي لما الوحش يمسك الرجال ويقعد ياكل فيه وهو حي.شوي شوي..
والمسكين يصارخ وماحد يقدر يساعده..
ولما يمسك الحرمه ويفصخها عن جلدها..و..و
قام تركي وهو يرجف ويقول..
حشا منتي بنت..ارهابيه والله..شكلي ببلغ عليكي هيئة الامم المتحده يمكن يشوفوا حل في تفكيرك ذا.
ضحكت بصوت عالي وهي شايفته يرتجف ويصارخ..
قالت انت حر يعني ماتبيني احبك..خلاص ماني متزوجتك..
((بيني وبينكم تركي متمسك بهوازن ماهو حب فيها بس رهان اتراهن عليه هو وابوه وطبعا ابن الوز عوام مايحب يخسر قرش))
وغير كذا وكذا عناد هوازن زاده عناد في عناد انه يكسر لها راسها وخشمها اللي رافعته بالسما.
مسكين..اضطر يتفرج على المجزره اللي بالفلم ساعتين كاملات وهو يبي يصيح من الخوف..
بس مايبي يصغر بعين هوازن..وحكم الأوي على الضعيف.
وهوازن مستانسه على الاخر بس تطالع عليه وتضحك.
راح لفرشته بعد الفلم ينام وكل مافيه يرجف..
واليوم الثاني اتفاجئت هوازن بفرشة تركي منشوره على الشمس وفيها بقعة مويه.
ههههههههههههههههههههههه
ماتت سميره من الضحك وهوازن ترويلها الحكايه..
شيطوووووووووونه والله شيطووووونه ماحد يقدر لك.
الله يعين اللي بيطيح بيدك..اشفق عليهم والله.
ابتسمت هوازن بعد ماتنهدت
وقالت وش اساوي ونا اختك عجزت والله عجزت ونا اعمل المستحيل يفكو عني ماهم راضيين لزقه
اففففف منهم اففففف..
****************************************
الحلقة المقبلهcool.gif
ورطه اتورطتها هوازن ولازم تكملها للآخر..
ياترى وش راح تسوي بتركي اكثر من اللي سوته؟
هل ستحن عليه ويعطف قلبها؟
وماذا ستفعل سميره لتساعد هوازن..

[اجراس السماء]

(الحلقه الخامسه)
هوازن وتركي بالسوق..
غصبها عمها انها تروح معه علشان تجهز للملكه..
طبعاً تركي مكشخ على الآخر..وريحة العطر اللي حاطها تذوب قلوب العذارى..
لا ووسيم بعد..
بس لو كان كملها بالاخلاق الحلوه كان مايعيبه شي..
((سبحان الله الحلو مايكملش))
المهم..كل مامروا من جنب وحده وهو يا يرقمها او يغازلها..
وهوازن راح تموت من الغيض منه..
تراك ابلشتنا انت ووجهك..تتميلح محسب نفسك جون ترافولتا انت وخشتك..
والله والله لو مابطلت حركاتك القرعه لاروح واتركك زي الكلب لحالك وهذا انا حذرتك..
وما امداه يرد حتى تركته وصارت تمشي بخطى سريعه..
لحقها بسرعه واعتذر..وقال خلاص توبه ماراح اعودها بس رقي شوي يابنت الحلال..
طالعت عليه بحقد..طيب نشوف
بس ذبحها..كل ماتروح محل وتب تشتري شي يقول لا لا رجعه هذا غالي مااقدر على ثمنه..
او هذا مو حلو مايلبقلك.صراحه.. زوقه باختيار الملابس مره ماصخ مثله..
المهم مع المعافره هنا وهنا..
قالت خلاص ماني بمشتريه شي ..هونت .. خلنا نرجع ..
ليه طيب ياحياتي ماشريتي شي لعرسك..
ابتسمتله ابتسامه باهته وقلبها يشيط من الغضب..مااااابي شي خلاص؟
مابغى اجهز..
انا كذا ياخي ابي اصير عروس بلا جهاز
فيها حاجه ذي..؟؟؟
ابتسم تركي ابتسامة رضى
وقال حلو يعني كذا وفرتي علي ان شالله تضلي حلوه كذا على طول وتعرفي كيف تتدبري الامور..
ناظرت له هوازن باحتقار وتابعت مشيها..
وفي الطريق كانت فيه حرمه عجوز تشحذ ومبين عليها مسكينه وتقطع الخاطر..
حنت عليها هوازن ومدتلها يدها بمية ريال تب تساعدها..
وما لاقت الا هالطاير اللي يخطف الميه من يد العجوز ويركلها برجله بقوه ويقول..
روحي لا بارك الله فيكي عملالي مسكينه وانتي الفلوس قد كذا على قلبك..
ناظرت له العجوز بدمعه حارقه على وجهها ومشيت بعيد عنه..
هوازن فاض بيها وما عادت تقدر تستحمل اكثر..
وزادت يوم صارخ عليها..انتي مجنونه؟؟؟؟؟
مية ريال مره وحده..!!!!!
نص ريال كثيره على هالاشكال
انفجرت ساعتها هوازن واعطته كف بنص السوق..وخلت اللي مايشتري يتفرج..
وهو واقف ومصدوم..ماتوقع هالحركه منها..
صرخت عليه..
يااااااخي ارحمني..حرااام عليك..انت دافع شي من جيبك..
ارحموني حراااااااام والله حراااااااااااااام..بنجن والسبه انتم
كاااافي راح اموت والله راح امووووت..
حبستوني وجننتوني وش تبي اكثر..
تركته وراحت للسياره وهو مصدوم من الكف اللي اعطته
والدمعه نازله على خده من الفشيله اللي افتشلها قدام الشباب والبنات.
رجعت هوازن على البيت ورمت نفسها على فراشها ودموعها تحرقها ..
وفي نفسها قررت ترد له الصاع صاعين..
رجع تركي للبيت وهو مولع منها..
بس ماكان عنده الجرائه انه يقول لاهله اللي صار ..واكتفى بالصمت.
.
****************************************
آآآآآآآه ياهوازن..
كم انتي تعبه..
مامدى عذاباتك وماذا ستفعلين.؟؟
كيف سترد هوازن على الموقف الذي فعله تركي؟؟
ومالذي سيفعله تركي بعد فشيلته بالسوق؟؟؟
كل هاذا واكثر تجدونه بالحلقه القادمه من
انا راح اغيب يمكن اسبوع وارجع لكم استمتعوbubble.gif

[نور المستقبل]

مشكوووووووووووووووووووووووووووووووووورر أخوي على الأجزاء الحلوه


بس أسبوع مرة كثيرة barf راح تنحرق أعصابي وأنا أستنى

بلييييييييييييييييييييز لاتطول

[اجراس السماء]

سوري اختي نور المستقبل اني طولت وان شاله ما اتاخر تاني مرهgirl.gifclown.gif

(الحلقه السادسه)
هوازن تخطط كيف تنتقم من تركي..وترد له الصاع صاعين..
استغلت ان البيت فاضي ومافيه غيرها.
راحت لغرفته وفتشت اغرضه وطلعت البلاوي المتلتله اللي كان مدكنها..
صور وارقام لبنات ...شرايط تسجيل باصواتهم ... فيديو مصور لبعضهم..
كان يستغل هالاشياء انه يوقع بالبنات ويستغلهم لأجل مآربه الدنيئه.
خلت كل شي على حاله..وقالت طيب طيب..حسابك معي عسير يازير النساء..عامل طيب وشريف..؟؟
بسيطه..يجيلك يوم..
استنت تركي يرجع للبيت بعد ماجهزت مسجل تسجل به صوته..
هلا وغلا تروكي..كيفك حبيبي تفضل.
تركي مستغرب ومندهش بقوه...البارح ضربته كف واليوم تقله حبيبي؟؟
شيئ غريب والله.
وش بك تعال يا حبيبي ابي اسولف معك ولهانه عليك واااااايد يابعد قلبي...
جلس تركي وهو ماهو داري شسالفه..
هوازن..اقول تروك انا والله احبك وايد بس كنت اتثقل عليك ومادام امك وابوك ماهم موجودين الحين
ابي اسئلك كم سؤال وابيك تغازلنلي بكم كلمه لاني اموووووت على كلامك..
تركي:انتي بعد قلبي والله..انتي...
قاطعته هوازن..لا لا مو كذا...
ابي العب معاك لعبه اني اسئلك وتجاوب بكلمات حب اوكيه.
تركي ومعجبته اللعبه..كل شي يجي منك ياحياتي يعجبني
هوازن..طيب اتفقنا..
تروكي انا اعرف انك كنت في الماضي تكلم بنات كثير بس..ولا تنكر لأني عارفه كل شي..بس اللي متأكده منه انه صار من الماضي..بس ابي اعرف اذا رجعت وحده منهم وكلمتك شو تقلها؟؟
تركي: اقلها الو اسمعي يابنت ابي اقلك شي..
هوازن..امممم وش راح تقول
تركي: أقول اقلبي وجهك يالشينه ماناقصني الا انتي شوفي عاد اذا اتصلتي مره ثانيه بقلعلك عيونك
وراح تشوفي شي ماشفتيه..
ابتسمت هوازن بمكر..واعجب تركي بهالابتسامه وهي تقله كمل ابيك تشفيلي غليلي منهم.
قام تركي على حيله ونفخ صدره وهو يقول:
اصلا مين قال لك اني احبك انا اكرهك انا كنت مخليكي لعبه لي..تصبيره يعني..
فهمتي يالدلخه..
كل هذا وهوازن تسجل بالشريط ومبسوووووطه على الاخر..
هوازن: طيب اذا قالت انها تحبك.
تركي وهو نافخ صدره ومكبر راسه على الاخر: حب...!! حب ايه اللي تقولي عليه
اقلها انتي ماتفهمي.. انتي دلخه..اصلا بحياتي كلها مافيه الا بنت عمي حبيبة قلبي
واللي راح تصير زوجتي بعد ايام قليله.
هوازن: طيب اذا بكت على التليفون ماتقطع لك قلبك..؟؟؟
تركي يناظر بعجب:اقلها يالله عاد عن هالافلام الهنديه ماناقصني غثا واصك السماعه بوجهها...
هوازن. بإبتسامه .طيب حبيبي استأذنك الحين.
حاسه اني تعبااااااانه وهلكااااانه مررره
وابي انام.
تركي وين بتروحي لسه السهره بأولها انا ماصدقت انك ترضي علي يابنت الحلال..
هوازن وهي صاعده غرفتها..لا تخاف حتشوف مني بكره شي يخليك تنقز من الفرح
لا تستعجل على رزقك ياقلبي..
تصبح على خير ياروحي.
****************************************
الله يستر من هوازن..
ماذا تخطط له؟؟
ولماذا شريط التسجيل؟؟
وما هو سبب تغييرها المفاجئ؟؟؟

[اجراس السماء]

الحلقه السابعه)
هوزن تشعر بشيئ غريب يخالج قلبها..
تشعر بعدم الاطمئنان..
وان هناك شيئ غريب سيحصل..
امسكت قلبها بشده وهي تسمع خطوات ثقيله فوق السلالم..نظرت الى الساعه..
انها الرابعة مساء..ماهو مصدر ذلك الصوت.
فتحت بابها برفق حتى لا يشعر بها أحد.
لتفاجئ بما تراه..
تركي؟؟!!
هلا ااااااااا حب حب حبيبتي
اش اش تق ت ل ك
تركي وويعه..راجع البيت هالساعه ياللي ما تستحي ..
تركي:هااااااااااااااه ليه تصارخين انتي
هوازن:يالتافه وسكران طينه بعد؟؟؟
انت ماتخاف الله؟؟؟
تركي: شفيكي يابنت الحلال.
انا ماني سكرررران
انا دايخ بس...
هزوونه حبيبتي..اسنديني لغرفتي اخاف اطيح.
هوازن: ياخي طيح موت عسى الله تخلص البشريه من شرك وافتك.....اففففف
وتركض لغرفتها وهي مره حزينه لحال ابن عمها.
وهي تسمعه يجر رجوله جر لغرفته ويغني وحالته مره..الله المستعان.
قررت..خلاص.انا اوريك ياتروك العفن.اما خليتك تندم على كل شي سويته ماكون انا هزونه..
اليوم الثاني :تركي يبي يرقع اللي سواه البارح واللي شافته منه هوازن.
هوازن..وش تساوين.
تناظر له هوازن بابتسامه..ابد ولا شي جالسه ادرس..عندك مانع؟؟؟
تركي..هزونه حياتي فيكي شي؟؟
حاسس انك متغيره اليوم كله علي؟؟
هوازن:ليه انت سويت شي يزعل..؟؟
تركي:لا تكوني زعلانه من البارح..؟؟
هوازن. البارح؟ .. هو صار شي البارح.؟؟
انا اصلا حطيت راسي من العشا ماصحيت الا من ساعتين..ومادري شلي صاير..هو صار شي مهم ونا ماني داريه؟؟؟
تركي يحك براسه هااااااه!!!!.
لا لا حياتي ابد ماصار شي شكلي كنت بحلم..
ياله حياتي تامريني بشي انا مواعد واحد من الربع ومابي أتاخر عليه.
هوازن.ابد مابي الا سلامتك.
طلع تركي من البيت وهو مستانس على الاخر..
الحمد لله كان حلم ولا لو شافتني هزون كانت بتخلي فضيحتي بجلاجل.
ابتسمت هوازن وهي تقول..واحد من الربع هاه؟
أي واحد اسمه مها.الله يجيرنا.ويعدي السالفه على خير..الله يستر.

(الحلقة الثامنه)
سميره:هوازن وش راح تساوي.؟؟
هوازن:والله مادري سميره فكرت كثير بالخطوه الجايه.
سميره: وايش اللي وصلتيله؟؟
آآآآآآآآآآآآه ياسميره والله مادري..
لو قلت لعمي راح يقول بكره تتزوجيه ويتعدل معاكي..بس تعرفي...
اصلا هو ماراح يهمه..
اصلا هو مايهمه الا العماير والاراضي اللي كاتبها لي ابوي باسمي..
ولا على الورث فهو شافطه من زمان .
سميره:طيب ايش الحل اخاف مع كثر الضغط بتوافقي..
هوازن:يخسون..والله ماراح يطولو مني شي .. لا فلوس ولا زواج..حتى لو اضطريت اني اذبح نفسي.
سميره: والله قلبي معاكي حبيبتي.
هوازن بابتسامه: قلبك انتي بس.
تبتسم سميره:وش تبيني اقول؟؟؟
هوازن: يلا عاد بلا بياخه قوليها وريحيني.
سميره: انا ماراح اقول شي..
افتحي الرساله واقري بنفسك.
تنط هوازن بسعاده وتنزل دموعها زي النار على خدها وهي تقرأ رسالة بدر لها..
كان يعزيها وينصحها بالصبر وان شاء الله ماراح يخليهم ويجمعهم بالخير.
سميره..هوازن..خلاص يكفي بكا حتلمي علينا البنات لا تنسي حنا بمدرسه وش راح يقولوا عنك..
هوازن تطوي الورقه وتبوسها وتحتضنها بقوه بعد مامسحت دموعها..
معك حق..سميره..خبي الرساله معك مابيها تطيح بيد احد ونا ماني ناقصه.
سميره..الله يكون بعونك حبيبتي..ماتبي تقوليله شي؟؟؟؟
هوازن..قوليله اني احبه وراح اعمل المستحيل بس ان احنا نكون سوا..وصدقيني اذا عجزت بعد محاولاتي كلها..ممكن اهرب من البيت ونتزوج زي ما قالي بالرساله.
.لكن تعرفي..قوليله خليها اخر المحاولات..
مابي اعمل شي يلحقني به العار بعدين..فاهمتني سميره..؟؟؟
سميره..الله المستعان حبيبتي وان شالله الله بينصرك عليهم ويفك عنك..
يالله خلنا نمشي لا تجي جازورا..(المديره)
وتكتبنا تعهد وتقول حنا هربانين من الحصه.
رجعت هوازن للبيت وهي تفكر وش راح تساوي بالمصيبه ذي...
اهلاً وسهلاً. ببنت العز...ليه اتأخرتي.
افففففف ولا شي ياخالتي بس كان عندنا اليوم جمعيات واضطرينا نتأخر.
طيب طيب عن الكلام الزايد..
اسمعي ترى الغسيل مليان على الاخر مابقي لنا ملابس..والبيت يضرب يقلب شدي حيلك ورتبي..
و انا رايحه عند ام صالح..ابي ارجع الاقي البيت يلق من النظافه فاهمه.
هوازن بانزعاج..يعني ياخالتي دوبني راجعه من الدوام وبعدني ما فصخت عبايتي .على طول شغل.خلني استريح على الاقل.
تستريحين...؟؟؟هذا اللي ناقص اللي يسمعك يقول
واقفه على كعب رجولها من الصباح..يالله وبلا دلع..باي.
هوازن..باي والألب دعيلك.
طيب يالفيل المتحرك هين حسابك عندي انتي وابنك..اما ربيتكم ماكون انا بنت ابوي.
(الحلقه التاسعه)

تقررت هوازن انها تنتقم من حرمة عمها بالبدايه
وتقوم تلم كل الغسيل وترش على الملون كلوركس والابيض بويه زرقه.
وتروح للقبو وتجيب المصيده حقة الفيران وقلبها يناقز من الخوف..بس لزوم الشغل..
وتفتح المصيده وتنزل الفيران الموجوده داخل الدولاب حق ملابس مرت عمها.
قالت كذا خلصت من وحده.
هين بس.
وتدخل غرفة تركي تلم كل شي يوقع بيدها وكل بلاويه اللي مخبيها..ومن حسن حضها ان تركي نسي جواله ..
هوازن..حلو كملت الشغله.. ماباقي الا التنفيذ.
اخذت التليفون لغرفتها بعد ماجهزت المسجله..
ضربت اول رقم..
ريم:الو...
هوازن تشغل المسجل بصوت تركي..
..الو..
ريم هلا حبيبي..
اسمعي يابنت ابي اقلك شي..
بنت؟؟؟..اش بك حبيبي وش هاللهجه.
أقول اقلبي وجهك يالشينه ماناقصني الا انتي شوفي عاد اذا اتصلتي مره ثانيه بقلعلك عيونك
وراح تشوفي شي ماشفتيه
ريم..وهي تبكي بغزاره تركي حبيبي ايش بك ليش تكلمني كذا ؟؟؟هذا كلام واحد يحب
اصلا مين قال لك اني احبك انا اكرهك انا كنت مخليكي لعبه لي..تصبيره يعني..
فهمتي يالدلخه..
ريم:تركي حرام عليك..تكسر قلبي ويهون عليك حبي..ليه تقسى علي بالكلام؟؟فهمني!!!
حب...!! حب ايه اللي تقولي عليه
انتي ماتفهمي.. يا الدلخه..
ريم:انا دلخه.؟؟ حرام عليك تركي؟؟لاتكون فيه وحده ثانيه داخله بحياتك وقلبتك علي؟؟
يتقطع قلب هوازن على البنت وهي تسمعها الشريط .. بس هدفها كان انها تنقذ هالبنت من هالي مايخاف الله ويبي يستغلها.
ريم..الو..الو..تركي رد...في احد ثاني بحياتك؟؟؟
اصلا بحياتي كلها مافيه الا بنت عمي حبيبة قلبي
واللي راح تصير زوجتي بعد ايام قليله.
ريم تبكي بحرقه وتقول بتتزوج بعد... وانا؟؟؟
يالله عاد عن هالافلام الهنديه ماناقصني غثا .
ريم....
تصك هوازن السماعه بوجه ريم..وقلبها يحرقها عليها بقوه..
رجعت اتصلت عليها وكلمتها.
هوازن..ريم.
ريم..من انتي بعد؟؟
انا بنت عم تركي..؟؟
ريم..تبكي بشده..
حاولت هوازن بقدر الامكان انها تهدي ريم وتخبرها بحقيقة تركي وانه رجل ماله أمان وخبرتها عن الصور والشرايط والبلاوي اللي عنده..وقالت لها اننا نعرف الشر منذ البدايه ونعالجه احسن من انه يستفحل بينا صح ولا لا..
ريم..بس امانه أي شي عني احرقيه..
هوازن..لا توصي حريص حبيبتي..
انا ماارضى عليكي ولا على غيرك هالشي بس انتي ابعدي عن هالدرب وان شالله خير.
سكرت هوازن مع ريم وهي تشعر بالرضى عن اللي سوته..
وقامت تتصل على كل وحده من البنات وتعمل فيها زي ماعملت بريم.
ولما انهت كل شي..حرقت كل ماوقع بيدها من صوروافلام وكاسيتات..
وحطت رجل على رجل وجلست تتفرج على التلفزيون

(الحلقة العاشره)
هوازن تتفرج على التلفزيون وهي راضيه كل الرضى عن الشي اللي ساوته...رغم انها عارفه انها راح تتعاقب. بس المهم انها ارضت نفسها
تركي..مرحبا هزنزن..شلونك ياروحي..
طالعت عليه هوازن من فوق لتحت وتركته..
تركي:وش بلاها ذي..الله ياشين الغرور..
وبنفس الوقت رجعت ام تركي من عند ام صالح.
تركي..غريبه ترجع بهالوقت.
وش اساوي يمه ولهت عليك..
يانصاب ولهت علي وعلى على هالمقروده..
الا هي وينها؟؟؟
والله مادري عنها يمه اول ماجيت ناضرتني وراحت لغرفتها.
ولا يهمك حبيبي اصلا هي خجلانه لانها بعد يومين بتصير زوجتك.
صحيح يمه؟؟
أي والله ابوك قرر انه يعجل بالعرس .
اقول حبيبي..روح بدل ملابسك خلني اشوف مقصوفة الرقبه وش سوت باللي قلتلها عليه.
هزووووووووووووون هزووووون وويعه.
وين راحت ذي؟؟
آآآآه منها خلني اروح ابدل ملابسي احسن وبعدين اراويها شغلها.
تركيييييييييييييييييييييييييييي
آآآآآآآآآآآآآآآآآآآآآه
وااااااااااااااا
الحقنيييييييييييييييييييي
تركييييييييييييييييييييييييييي
يمه بلاكي وش فيه..؟؟؟
يممممممممممه
فااااااااااار
فااااااار
على طول هرب تركي بره البيت وجاب الزبال اللي بالشارع وشال لهم كل الفيران اللي بالغرفه.
بس بعد ايش..؟؟
مسكينه ام تركي كل ملابسها راحت وطي..هذا اذا بقي ملابس ما تأكلت.
ضحكت هوازن من قلب وراحت لغرفتها.
هذي الاولى ..باقي الثانيه.
.ولسه ياما حتشوفوا..
راح تركي لغرفته يبي يكلم ريم..
تركي:آآآه ريومه اليوم يومك خلني اتصل عليها واسمع كم كلمه تنسيني الفيران وسنينهم..
يمسك تركي بسماعة الهاتف ويضغط على رقم ريم
الوووو..ريومه..يابعد قلبي وطوايفي..ولهان ياغناتي..مشتاقلك مووووت..و.
قاطعته ريم ببرود..نعم وش تبي؟؟
تركي:هاه..!!!!!!
ريم بلاكي ياحبيبتي؟؟؟
ريم:اقول خلصنا وش تبي؟؟؟
تركي:صراحه..نفسي اشوفك ياحياتي واكحل عيني بالقمر الوحيد اللي ساكن قلبي وخيالي.
ريم:هذا لو تشوف حلمة ودنك..
وصكت السماعه بوجهه...
تركي:وش بلاها هالخبله؟؟؟متغيره اليوم علي كثير
بس يمكن علشان طلبت الشوفه؟؟؟
يس مادام الخطه (أ) فشلت
انتقل الحين للخطه (ب)
تركي:الو ريم اسمعي ابي اقلك شي.
ريم: بعصبيه..تكلم وش عندك؟؟؟
تركي : انتي شكلك بايعه ونا مادري شلي غيرك علي..اكيد حب جديد..انا فاهمك اصلاً..
ريم..انا ياوجه القرد..حب جديد..اقول...
تركي يقاطعها:لا مدام وجه القرد..اسمعي اذا ماقابلتيني اليوم بعد العشا جنب السوق لا أخلي فضيحتك بجلاجل..وترى معي صور لك وشرايط بصوتك..
ريم:اعلى ما بخيلك اركبه..
تركي:يعني مانتي خايفه..
ريم: لا ماني خايفه وترى اذا دقيت على هالرقم مره ثانيه اعلم ابوي ونت داري من هو ابوي وش يقدر يسوي فيك..
تركي:......
ريم:اووووف يالله عاد غثيتني باللي مايحفظك
وتصك السماعه بوجهه.
تركي منغاض بقوه..:طيب ريموه انا اراويكي.بس صبر.علي..
ويمسك الجوال ويتصل بالثانيه والثالثه والرابعه....
وكلهم نفس الكلام اللي قالته ريم..
تركي باستغراب:وش بلاهم البنات كلهم منقلبين علي بهالشكل ماهم خايفيين على نفسهم وسمعتهم؟؟؟؟؟
بس حسابهم معي عسيييييير ..
يقوم تركي وهو مولع من الغضب يدور الصور والرسائل والشرائط مايلاقي شي..
نكت الغرفه كلها زي المجنون يدور على أي شي مايلاقي..جلس كذا يفكر..
.....هوازن....
مافي غيرها..وركض لغرفتها يدق عليها الباب زي المجنون..
هزووووووون وصمخ ان شالله..
افتحي الباب.
هزووووون وعله..
هزووووون وبلا..
فكي الباب لا أكسره.
تفتح هوازن الباب بكل ثقه.
خير وش عندك ترى اذيتنا والصمخ والبلا والعلا تجيك انت ان شالله.
تركي وهو يلهث بسرعه من القهر :
هزون وين الاوراق والصور والشرايط.
هوازن تطالع عليه بتعجب ماكر:
وش بلاك تلهث زي الكلب كذا..؟؟
وبعدين أي صور واي شرايط واي اوراق..؟؟
انا ماني فاهمه عليك بشي!!
تركي: ترى هزون والله ان ماطلعتيهم اذبحك.
هوازن:يمه خرعتني..اذا انت ولد ابوك سوها وبكذا اكون انا الكسبانه.
تركي:كسبانه!!!!
هوازن: أي كسبانه.اولها بفتك منك وما بتزوجك..
ثانيها اموت شهيده على يد واحد كافر مايصلي..
ثالثها ياخذوك السجن وبترتاح منك البشريه.
يطالع عليها تركي بحقد وعيونه تضرب شرار..
والله ماراح تتخلصي مني وراسي يشم الهوا..
يبااااااااااااااااااااا..يبااااااااااااااااااااااا اا
يجي العم مسرع وكرشته تضرب يمين وشمال من كبرها..
وش فيك ياولدي عسى ماشر..
تركي:أبد والله يابوي.
بس انا الليله ابي اتزوج هوازن
تطالع هوازن بخوف..
ابو تركي:والله هذي الساعه المباركه خلاص اليوم اليوم..واقلك يابني بلاش الحفله والمصاريف خليها مقتصره علينا حنا الاربعه حلو.
تركي:اصلا يبا هذا اللي افكر بيه..وطالع على هوازن بمكر وحركلها بحواجبه.:
الليله ليلتنا ياحلو...
راح تركي وابوه وهوازن مصدومه من السالفه..
ياترى كيف تتخلص منهم ..وش الدبره.
استنت هوازن لين العصر..
وراحت غرفة تركي لقته بسابع نومه ..
وابتسامة النصر تعلو وجهه.
قالت طيب انا اوريك يالدلخ ان شالله نومه بلا قومه..هين انا براويك...
راحت ركض لغرفتها وجابت كريم مزيل للشعر..وكريم مهيج للبشره.
وهي عارفه لا نام تركي مايقومه من النوم ولا شي حتى اذا جابوا عنده الطبل البلدي.
قامت تبتسم هوازن وهي تفرغ عصارة ازالة الشعر على راسه وحواجبه وشنبه..
وكريم المهيج وزعته على بشرته ويدينه..
ابتسمت بعمق..الحين نشوف عريس الغفله كيف يبي يساوي..اجل انا يغصبوني على واحد هامل مثل هذا؟؟..بعدين طالعت على وجهه.. والله ان شكله حلو..بس الحلو دوم مايكمل..يالله بكره حنشوف هالجمال وين يروح..!!!!
عقب ربع ساعه.. صحي تركي بعد ماحس بحرق شديد بوجهه..
قام يصارخ وركض لحمام غرفته وحط راسه تحت المويه البارده لين ماشعر ان الحراره اختفت..
رفع راسه وطالع على نفسه بالمرايه..
مايحتاج اقول وش الصدمه اللي انصدمها...
الراس قرعه وملساء وناعمه على اللآخر..
الوجه..كله حبوب حمره ضخمه ومورم الوجه بتشويه ماهو بسيط..
قام يصارخ ويبكي..على حاله
دخلت امه عليه وهوبهالحاله وصرخت بصوت عالي ومفجوع..جا الأب بسرعه وانصدم..
جت هوازن وهي تمشي بخفه وثقه..وبكل براءه تقول وش فيه...؟؟؟
ناظر عليها تركي يبا اطردها بره ..خلاص مابيها..ماااااااااااابيها..
هذي جلست عندنا شهر وصار فينا كذا...كيف لا جلست العمر كله..ماااااااابيها..
اكرهك يااااااااهوازن اكرهك
وصار يبكي بشكل يقطع له القلب..
ناظرت ام تركي لهوازن بحقد روحي لا بارك الله فيكي..شوهتي ولدي حسبي الله عليكي..
ولا هذا تركي اللي الكل يشهد بجماله
.صار الحين للكب..
ولا وش نسوي حنا بمسخ بالبيت الحين.
ابوتركي والدمعه بعينه خلاص روحي مانبي منك شي بس فكينا من شرك وابعدي عنا وانسينا للأبد..
هوازن:عمي..انا ماراح اطلع الا اذا رجعت حقوقي انا وامي نوره..
ولا غير كذا راح تجيكم مني مصايب ثانيه..
وانتم ادرى الناس فيني
وتعرفون وش بسوي..
عمها وهو صاير زي الخروف يبدها: كل حقوقك وزياده توصلك..بس واللي يرحم والديكي فكينا واطلعي بره.

(الحلقة الأخيرة)

هوازن تعود لبيت نوره..تستقبلها بالاحضان والدموع والأفراح..
نوره: يابعد قلبي والله هوازن..
وحشتيني ياقلبي..والله والله كل يوم ينقطع قلبي عليكي ونا عارفه انك بتتعذبي ببيت عمك.
هوازن: قلتلك من قبل يمه..انا ماينخاف علي..
بس تعرفي...
عمي وزوجته كاسرين خاطري..
والأكثر منهم تركي..
نوره: كاسرين خاطرك؟؟؟؟ بعد اللي سووه فيكي؟؟
هوازن..بلاكي يمه ماتعرفين انا ايش سويت فيهم.
وجلست هوازن تحكي لنوره اللي حصل لها في بيت عمها..وكيف انهم ضيقوا الخناق عليها..حتى انها ما قدرت تستحمل...وكيف عملت بولد عمها..
وكيف تخلصت من كيدهم للأبد.
نوره..بس ياهوازن..ماتحسي انك بالغتي باللي سويتيه..تشويه مره وحده..
ضحكت هوازن ..يمه لا تخافي..
المرهم اللي حطيته بوجهه ماهو الا قناع على شكل حبوب ضخمه للوجه..
ما تبين الا اذا جتها مويه بارده
اشترته لي سميره من محل الخدع البصريه .
يعني لا راح على الطبيب راح يضحك عليه وينزع القناع ويرجع وجهه طبيعي مثل ماكان..
ضحكت نوره بصوت عالي وهي تتخيل منظره كيف كان..
ابتسمت هوازن..وقالت اما الشعر فراح ينبت لان الكريم اللي حطيته مفعوله انه يزيل الشعر القديم ويطلع شعر جديد ناعم وغزير..
تراني ماني شريره بالحيل..لسه فيني حنيه.
ابتسمت نوره..وقالت آآآه منك..
اموت واعرف انتي جايبه المخ الشيطاني هذا منين..
والله صار ينخاف منك..
قامت هوزن لحضن نوره..اصلا يمه انتي لو تذبحيني ذبح ماقول شي..تفداكي هزون وعم هزون وطوايف هزون كلهم..
******
ماقدرت هوازن توقف سميره عن الضحك بوسط الصف وهي ترويلها اللي صار..
هوازن:خلاص والله فضحتينا الحين الأبلات يطردونا بره المدرسه ..اسكتي
سميره:هههههههههههههههههههه
ساههههههه سامحيني هوازن ههههههه
اصلاً انا ههههههه قاعده اتخيل المنظر هههههه
وتركي هالمغرور بجماله وجهه منفخ ههههههه
لا وأمرد بعد ههههههههههههههه
هوازن : اقول خلاص عاد.. ماسمحلك مهما كان هذا ولد عمي.
سميره:ههههههههههههه
سلامات ياولد عمي..
الا اقلك..
في رساله حلوه بشنطتي..بس ماراح اعطيكي اياها.
هوازن: سموووور..هاتيها..ولا تخليني ازعل انتبهي.
سميره: لا يا ام الرعب خلاص خلاص خذيها انا ناقصه هزون وشرها..خذي حبيتي.
هوازن بابتسامه:أي ناس ماتجي الا بالتهديد والعين الحمرا.
*********
اليوم الخميس..موعد زفة هوازن على بدر..
هوازن..مثل البدر بالفستان الأبيض.
سميره والبنات بجنبها كانوا مثل النجوم يتلألأون حول القمر.
كانت ليلتهم من اجمل الليالي وبصدق
ليله كانت من الف ليله وليله.
عاشت بعدها هوازن حياتها بفرح وسرور.
انجبت خلالها 4 اولاد و3 بنات.
بعد ماتخرجت واصبحت مدرسة اجيال.
وهم على هالحال من البسط والسرور الى أن جائهم هادم اللذات ومفرق الجماعات وخارب البيوت وهادم القصور
.
****************************************
هذه هي هزونتنا الجميله..
وجدنا كيف عانت...
وكيف صبرت ونالت مرادها..
وكيف انها ضربت اكثر من عصفور بحجر واحد..
انها تنتصر على الظلم وعلى عمها وولده..
انها اخذت حقوقها كامله دون نقصان..
ان بدر عايش معاها وماهو مسترجي يزعلها بكلمه
وتوته توته..خلصت الحتوته.
*********
محبتي..ومودتي

[اجراس السماء]

للرفع

[نور المستقبل]

مششششششششكووووووووووووووووووووووررررررررررر أخوي على

التكملة الحلوة و آسفه تأخرت بالرد كنت مشغولة

بصراحة عجبتني شخصية هوازن بصبرها وبدهائها قدرت تتخلص من ولد عمها التافه وتتزوج من حبيبها بدر اللي يقدرها ويصونها

ومشكور مره ثانيه على القصة والأسلوب الرائع في سردها ونتمنى منك المزيد :mad::mad:



تحياتي
نور المستقبل

:5:::

[اجراس السماء]

هلا اختي نور المستقبل
تسلمي على كلماتك
واعجباك بالقصه اسعدني

مودتي لك

[اجراس السماء]

للرفع