جوهرة المنتدى
12-26-2003, 10:52 AM
اليوم نسولف لكم عن مذكرات بنت سهرانة , وجاي دور الشبيبة بالطريج ولايهمكم يابنات راح اطربقها عليهم
ماعلينا حتى لانشتت الموضوع نصلي على النبي محمد وأله وندش على طول ...
نادية بنت دلوعة ومشاكسة ومزاجية تحب السهر في الليل والنوم في النهار .. تعالوا وياي نشوف كيف برنامجها الليلي ..
صارت الساعة السابعة اخذت نادية سماعة التلفون ودقت على صديقتها ندى ترن ترن ترن .. رفع السماعة ابوندى الوووو مين يتكلم ؟
ردت نادية انا صديقة ندى موجودة ولا لا ؟
الأبو من النوع الجرئ واللي يحب يهذر قال ومين اقول لها ؟
قالت انا نادية صديقتها
قال ادري بس اسمك شنهو ؟
قالت نادية في نفسها اووووووووووووووف دمه ثقيل يالله اقول له وامري الى الله ... انا نادية
قال اهلا حياك الله الآن اشوفها اصبري لحظة ..
راح يناديها ياندوووه قومي تلفون نادية تبيچ
نقزت ندى للتلفون واخذت السماعة وقالت هلا حبيبتي نادية حشى من امس ماسمعت صوتك وأمس طول اليوم ادق عليچ وترد امك علي وتقول انك نايمة حشا مونوم هذا احنا اللي سمعناه ان النوم عبادة في رمضان مو على طول السنة الله يغربلش ..
قالت نادية : والله هذي حياتي اليومية وش تبيني اسوي لاشغلة ولامشغلة والاعمال مقدّرة حتى الوجه باهت منظره ..
تصدقين ياندى ان وجهي شابح من السهر وصايره دواويح على عيوني سودا تقولين مالت مخدرات ..
قالت ندى يعلّش ماحد قال لش تسهرين , شفنا الناس تسهر ليلة في الاسبوع مع العائلة وجمعتهم موكل يوم ..
قالت نادية ماعلينا وش اخبارش وشلون العرس اللي رحتين له البارحة ؟
قالت ندى : اوووه فاتش العرس , لو تشوفين ذيك العروس تخبل بس مكياجها موحلو وثوبها بعد شكله موضه قديمة .. بس بشكل عام العرس كان حلو مرة لأن الطقاقات اللي جايبينهم عندهم استيريو ومعاهم رقاصة خبلت اللي موجودين كلهم ولااحد قدر يرقص مثلها .. ويش اقول لش بعد في الآخير جابوا المعرس وصار يرقص مع زوجته تقولين فيلم مكسيكي ..
قالت نادية : الله الله يارب كان زين رحت كان ارقص وياهم وافلها فل !!
قالت ندى : بس انتي ابوش مايرضى ترقصين ولاتروحين من دون امش او اخواتش !!
قالت : ماعليش اعرف كيف اتصرف وش دراه عني , انا ابوي يقول لي لاتروحين صالات فيها موسيقى وهيصة ولاترقصين ترى امصع ارقبتش بس كل هذا يمتحي لما اروح مع امي وامي ماتقول شئ المسكينة وتخاف تقول لابوي وتالي يضربني ويهزئها ويمنعها تروح الاعراس ..
قالت ندى : اما انا ابوي عادي لو اقول له اي شئ مايردني واخواني لاهين ولااحد يدري الا عن نفسه .. ولارقيب ولاحسيب ..
قالت نادية : يابختش من مثلش والله مستانسة عيل مثلي انا ابوي حشري وعصبي وساعات ويش اقول لش ينقلب فرعون ..
واستمرت السوالف ساعتين بعدها راحت نادية تطل على الثلاجة ماشافت شئ يهز بطنها وهي جوعانة مرة ..
اخذت عبايتها ولبست وراحت البوفيه واشترت لها ثلاث سندويشات ورجعت البيت ... اكلت ثنتين وخلت وحدة الى السهرة مع الانترنت ...
صارت الساعة عشر فجات نادية للتلفزيون وبدت تطالع مسلسلها اللي تشاهده كل ليلة وبعد ماخلص راحت الى جهاز الكمبيوتر ودخلت النت وبدت تفر على المنتديات اللي مشاركة فيها .. قالت خليني اول شئ ادخل منتداي المفضل (أوز ) dancte.gif
دخلت أوز وقامت تبقق عيونها اول شئ على اللي ردوا عليها في موضوعها اللي كتبته انصدمت وقالت في نفسها ويش هالحالة انا متعبة حالي بهالموضوع ولاردوا الا خمسة ويش هالحالة , وهذي بعد المنحوسة دائما ارد على مواضيعها وماردت علي
أوذاك بعد فلان مارد عليه وانا بس شغلتي الا حق مواضيعه واقول له شكرا وموضوع شيق وموضوع ممتاز وانا ماادري ويش كتب ... صج ناس ماتقدر ... لكن يالله ان شاء الله الليلة ادور لهم موضوع يخلي الكل ينبهر ويشارك فيه غصب عليه ..
بعدها صارت تطالع بعض المواضيع الجديدة وترد على بعضها بس شافت موضوع ماعجبها وكان يتكلم عن الموضة وشباب هالزمن , قالت في نفسها والله هذول مصخوها بزيادة كل يوم وجايين حاطين لنا موضوع موضة وبطالة بطالة وموضه , واغاني وبلاوي خلاص تعبنا وملينا
مانطول عليكم استمرت نادية على النت مابين منتديات وماسنجر الى الفجر ولما صار وقت الصلاة كانت مشغولة مع صديقتها على الماسنجر وتسولف معاها عن المنتدى واعضاء المنتدى ...
قالت صديقتها خيووه نادية انا تعبت الحين باقوم اصلي وبعدها باغط في النوم ... يالله مع السلامة
قامت بعدها نادية وصلت بسرعة ونقرت الصلاة مثل الغراب ورجعت الى النت مرة ثانية الى أن طلعت الشمس أكلت السندويشة الثالثة
وبعد ماامتلى بطنها بدت عينها تقولب ... سكرت النت وراحت رمت روحها على الفراش وغطت في نوم عميق ..
ان شاء الله عجبتكم ... انتظرواا جديد جوهرة
ماعلينا حتى لانشتت الموضوع نصلي على النبي محمد وأله وندش على طول ...
نادية بنت دلوعة ومشاكسة ومزاجية تحب السهر في الليل والنوم في النهار .. تعالوا وياي نشوف كيف برنامجها الليلي ..
صارت الساعة السابعة اخذت نادية سماعة التلفون ودقت على صديقتها ندى ترن ترن ترن .. رفع السماعة ابوندى الوووو مين يتكلم ؟
ردت نادية انا صديقة ندى موجودة ولا لا ؟
الأبو من النوع الجرئ واللي يحب يهذر قال ومين اقول لها ؟
قالت انا نادية صديقتها
قال ادري بس اسمك شنهو ؟
قالت نادية في نفسها اووووووووووووووف دمه ثقيل يالله اقول له وامري الى الله ... انا نادية
قال اهلا حياك الله الآن اشوفها اصبري لحظة ..
راح يناديها ياندوووه قومي تلفون نادية تبيچ
نقزت ندى للتلفون واخذت السماعة وقالت هلا حبيبتي نادية حشى من امس ماسمعت صوتك وأمس طول اليوم ادق عليچ وترد امك علي وتقول انك نايمة حشا مونوم هذا احنا اللي سمعناه ان النوم عبادة في رمضان مو على طول السنة الله يغربلش ..
قالت نادية : والله هذي حياتي اليومية وش تبيني اسوي لاشغلة ولامشغلة والاعمال مقدّرة حتى الوجه باهت منظره ..
تصدقين ياندى ان وجهي شابح من السهر وصايره دواويح على عيوني سودا تقولين مالت مخدرات ..
قالت ندى يعلّش ماحد قال لش تسهرين , شفنا الناس تسهر ليلة في الاسبوع مع العائلة وجمعتهم موكل يوم ..
قالت نادية ماعلينا وش اخبارش وشلون العرس اللي رحتين له البارحة ؟
قالت ندى : اوووه فاتش العرس , لو تشوفين ذيك العروس تخبل بس مكياجها موحلو وثوبها بعد شكله موضه قديمة .. بس بشكل عام العرس كان حلو مرة لأن الطقاقات اللي جايبينهم عندهم استيريو ومعاهم رقاصة خبلت اللي موجودين كلهم ولااحد قدر يرقص مثلها .. ويش اقول لش بعد في الآخير جابوا المعرس وصار يرقص مع زوجته تقولين فيلم مكسيكي ..
قالت نادية : الله الله يارب كان زين رحت كان ارقص وياهم وافلها فل !!
قالت ندى : بس انتي ابوش مايرضى ترقصين ولاتروحين من دون امش او اخواتش !!
قالت : ماعليش اعرف كيف اتصرف وش دراه عني , انا ابوي يقول لي لاتروحين صالات فيها موسيقى وهيصة ولاترقصين ترى امصع ارقبتش بس كل هذا يمتحي لما اروح مع امي وامي ماتقول شئ المسكينة وتخاف تقول لابوي وتالي يضربني ويهزئها ويمنعها تروح الاعراس ..
قالت ندى : اما انا ابوي عادي لو اقول له اي شئ مايردني واخواني لاهين ولااحد يدري الا عن نفسه .. ولارقيب ولاحسيب ..
قالت نادية : يابختش من مثلش والله مستانسة عيل مثلي انا ابوي حشري وعصبي وساعات ويش اقول لش ينقلب فرعون ..
واستمرت السوالف ساعتين بعدها راحت نادية تطل على الثلاجة ماشافت شئ يهز بطنها وهي جوعانة مرة ..
اخذت عبايتها ولبست وراحت البوفيه واشترت لها ثلاث سندويشات ورجعت البيت ... اكلت ثنتين وخلت وحدة الى السهرة مع الانترنت ...
صارت الساعة عشر فجات نادية للتلفزيون وبدت تطالع مسلسلها اللي تشاهده كل ليلة وبعد ماخلص راحت الى جهاز الكمبيوتر ودخلت النت وبدت تفر على المنتديات اللي مشاركة فيها .. قالت خليني اول شئ ادخل منتداي المفضل (أوز ) dancte.gif
دخلت أوز وقامت تبقق عيونها اول شئ على اللي ردوا عليها في موضوعها اللي كتبته انصدمت وقالت في نفسها ويش هالحالة انا متعبة حالي بهالموضوع ولاردوا الا خمسة ويش هالحالة , وهذي بعد المنحوسة دائما ارد على مواضيعها وماردت علي
أوذاك بعد فلان مارد عليه وانا بس شغلتي الا حق مواضيعه واقول له شكرا وموضوع شيق وموضوع ممتاز وانا ماادري ويش كتب ... صج ناس ماتقدر ... لكن يالله ان شاء الله الليلة ادور لهم موضوع يخلي الكل ينبهر ويشارك فيه غصب عليه ..
بعدها صارت تطالع بعض المواضيع الجديدة وترد على بعضها بس شافت موضوع ماعجبها وكان يتكلم عن الموضة وشباب هالزمن , قالت في نفسها والله هذول مصخوها بزيادة كل يوم وجايين حاطين لنا موضوع موضة وبطالة بطالة وموضه , واغاني وبلاوي خلاص تعبنا وملينا
مانطول عليكم استمرت نادية على النت مابين منتديات وماسنجر الى الفجر ولما صار وقت الصلاة كانت مشغولة مع صديقتها على الماسنجر وتسولف معاها عن المنتدى واعضاء المنتدى ...
قالت صديقتها خيووه نادية انا تعبت الحين باقوم اصلي وبعدها باغط في النوم ... يالله مع السلامة
قامت بعدها نادية وصلت بسرعة ونقرت الصلاة مثل الغراب ورجعت الى النت مرة ثانية الى أن طلعت الشمس أكلت السندويشة الثالثة
وبعد ماامتلى بطنها بدت عينها تقولب ... سكرت النت وراحت رمت روحها على الفراش وغطت في نوم عميق ..
ان شاء الله عجبتكم ... انتظرواا جديد جوهرة