أبغى أشتري جوال فأيش أفضل نووووووع ؟؟

[إبتسامة أمل]

هلااااااااا فيكم ..
أنا أبغى أشتري جوال بس أبغى واحد حلو وفيه مميزات فأيش أفضل الأنواع إلي نازلت غير أركسون t68 لأنه هو إلي عندي وأبغى أغيره ..
بشرط يكون شكله بناتي موعفش مرة ....

[حمنـــي]

الله يسللللمج يا اختي اشتري نوكيا كتكات اليديد يسمونه العصفور وبعضهم المسكت ..
هذا حلوو حق البنات واذا انتي كل شوي طايح التلفوون مننج نفس حالي
اخذي 5210 اظن رقمه جذي هذا زين وقوي وصغير :)

تحياتي 0حمني)

[إبتسامة أمل]

مشكور أخوي حمني ...
بس يقولون المسكت دايم يخرب ...ولا أعلم عن صحة هذه المقوله ..
وأنا معرف بالأرقام هو قصدك الفراشة إلي رقمه 5210 .
ماأدري إذا تعرف عن جهاز سامسونج الجديد ؟؟

[حمنـــي]

لا اختي هذا مو الفرااشه هذا جهاز يديد ظد الكسر وظد الماي وحجمه صغير حلووو يعني ..

وبالنسبه لسامسونج اعرف حييل حلو وصغير بس انا ماانصح فيه لان اذا اخترب او شي صعب تصليحه ومو اي مكان بعدين مافي رسايل بالعربي ..

طبعا انا ماني عالم بهالشغلات بس هذا اللي قاعد اشووفه :)

تحياتي (حمني)

[LoVeR_Guy]

امممممممممم انصحك ب7000 الي فيه كاميرا
او سوني اريكسون يديد هم حلو عجييب

[الاجوديه]

اختي انصحك بنوكيا رقم 6510 انا مجربته وهو احدث واحد بعد مسكت ما يخرب بسرعه الان مزايا المسكت الي مو كيسه مصلحينها فيه ويسمونه النورس

[hellcat]

إبتسامة أمل
يمكن اقدر اساعدج
لا تشترين جهاز غير نوكيا
وانا مجربه كتكات اليدي
حلو وصغير وسيرفسه اوكي يعني يكون حلو :)

[وحي القلم]

لكي يا ابتسامة امل تحيه معطره بشذى الورد ،، ما ادري اختي اذا تسمعين بنصيحتي ،،


لكن تبين الأفضل ،، انك تصبرين شوي راح ينزل نوكيا الجديد بمواصفات ولااروع ،،،


لكن اذا مستعجله مره في زي ما قالوا لك في السوني اريكسون وفي النورس ،،



لكن الأفضل انك تصبري شوي ،،


تحياتي لكي،،،

[إبتسامة أمل]

أشكركم يا أعز أخوان لي وصدق المثل إلي قال رب أخ لم تلده لك أمك ..

أخوي حمني إن شاء الله راح أسأل عن الجهاز إلي تقول عليه ...

أخوي LoVeR_Guyأظن إن 7000 مانزل لسه عندنا ...

أختي الاجوديه أنا ماني خبيره مره بالأرقام عطيني أسماء لكن أعرف إن إلي نزل بعد المسكت النورس وهو إلي تقصدينه ..

أختي hellcat هذا الجهاز عندنا إسمه المسكت زي مايقول حمني وهو إلي كنت ناويه أشتريه قبل أريكسون t68 .فأبغى أشتري أجدد شيء نزل بعده.

هلا بابا(وحي القلم) كبرناك وأنت لسه شباب هههههههه
مشكور على التحيه الحلوه وهو في أحلى من عطر الورود .... ماعندي مانع أنتظر بس موكثير ...يالله نسق مع الشركة ينزلونه بسرعة ههههههه

وبالنسبة لسوني أريكسون هو إلي عندي( أريكسون t68 ) بس مليت منه أبغى أغير .
وشكلي راح أسمع نصيحتك وأنتظر زي ماتقول ..

[Sam Boy]

شباب ,, ماهقيتها منكم

بدل هالردود .. واحد فيكم عالاقل يقول جوالك يابتسامه علي !!
هديه مني !!

:)

اوكي ابتسامه انتي حددي الجهاز الي تبينه ,, وانا اجيبه لك
اوكي ؟؟

[lo*soso*ve]

والله انا اخذت سامسونج 620 بالعربي نزل مرررررررره حلو اشتريته قريب وطاح مني كم مره بس ما خرب صحيح الناس كلها تقول نوكيا بس السامسونج مره طيب انا انصح بي........