المساعد الشخصي الرقمي

مشاهدة النسخة كاملة : بات باي

تاتوتي
06-02-2007, 11:17 PM
بصراحه يا جماعه هذي الوصفه لها قصه ولازم تعرفونها

هذي الوصفه مو انا الي سويتها

زوجي الي بدع فيها

وبعد مو اهو الي اخترعها

اكلناها من مطعم وقعدنا نفكر في محتوياتها

وذيك اليوم اهو جوعان وانا نايمه

وما قعدت الا مجهز ذاك الطبق الي اتمناكم تجربونه

بس اول شي وقبل المقادير جهزو الاسعاف واحنا جهزنا حتى المطافي

المقادير

500 جرام او نصف دجاجه مقطعه الى شرائح

كوب سوتيه ( خضار مشكله )

بروكلي (نوع من الخضار)بس لذيذذذذذذذذذذه حيل

نصف علبة مشروم

علبه قيمر (كي دي دي)

ملعقتين ما يونيز

ملعقتين جبن كرفت

فص ثوم مطحون(حسب الرغبه)
الطريقه : -

نجهز الخلطه وهي عباره عن القيمر و المايونيز و جبن الكرفت و الثوم المطحون

ويخلط في الخلاط ( يترك على جنب )

نغلي الدجاج الى النضوج

وايضاً نغلي السوتيه مع المشروم والبروكلي الى النضوج

ثم نقلب الدجاج مع الخضار مع قليل من البهارات والملح (حسب الطلب)

طبعاً عن نفسي لا احب استعمال الزيت في القلي (انا استعمل زيت الزيتون او الزبده)

طبعاً التقليب مجرد دقائق بسيطه

ثم نضيف الخلطه الي جهزناها قبل على الدجاج وهو على النار ببطئ

واذا حسيتو بأنها ثقيله وايد ممكن نضيف شوية ماي (قليل جداً)

ومجرد دقيقتين على النار وتكون الطبخه جاهزه

وهني وعافيه على قلوبكم

وعطوني رايكم لان ريلي ذبحني بهالطبخه وجنا اول واحد سوا طبخه
like_sugar
06-02-2007, 11:23 PM
الله يعطيج العافية شكلها لذيذة أنا أحب الخضار والبروكلي
Sawarbena
06-03-2007, 01:22 AM
تاتوتي

تسلم ايدك وايدين زوجك
بعدين حرام عليكي >> تنامين وتخليه جوعان !!
اكيد الاكلة شكلها لذيذ بس احس القيمر ثقيلة> >>لو كريما لباني مو يكون احسن
عموما مشكورة على الوصفة ان شالله جربها
ويلله السهرة الثانية خليه يخترع لنا اكلات خفبفة
تحياتي لك وبإنتظار جديدك
تاتوتي
06-03-2007, 02:40 PM
عافيه على قلوبكم

بالنسبه للكريما ممكن تجربينها وتعطينا رايج

لان بصراحه احنا سوينها بالقيمر واطلعت خفيفه

وعلشانج راح اجوعه كل يوم

علشان يبدع لنا ولكم

تحياتي
thequeenoflove
06-04-2007, 02:43 AM
ميرسي علي الوصفة وعلي القصة
تحياتي لكي ولزوجك
بانتظار جديدك
جنات الورد
06-04-2007, 01:46 PM
فعلا وصفة سهلة وجميلة واكيد لذيذة
مادام فيها كريمة وجبن وخضار
مشكورة عزيزتي وربنا يهنيكي على طرحك للطبخة

ويعطيكي الف عافية وناطرين جديدك