TOXICO
06-19-2007, 04:46 PM
•••
السلام عليكم ورحمة الله وبركاته
انا اول مرة بدخل على هالقسم وبحط موضوع :)
بصراحة عجبني الفسم وبعض القصص اللي فيه
وحبيت اشاركم بقصة قصيرة صارت معي
مابدي اطول عليكم بس بتمنى اشوف ردودكم واشوف لو كنت مكاني ايش راح تعمل
القصة:
راح اسردلكم القصة بشكل نقاط عشان ماتملو منها :
1. في يوم من الايام كان يوم عصيب علي ومن اسوأ الايام اللي مرت بحياتي
كان علي امتحان في الجامعة وكنت ادرس بالليل وتأخرت بالسهر بالدراسة
صحيت الصبح متأخر ولبست بسرعو وجهزت حالي وشغلت السيارة ورحت عالجامعة
المهم وصلت متأخر عن الامتحان نص ساعة ولما اجيت ادخل على قاعة الامتحان
الدكتور مارضي يدخلني وترجيته وشرحتلو الوضع بس مااقتنع ورفض بشده
طبعا انا كتير ادايقت وزعلت لانو راح علي الامتحان
وغير هيك ماكان عندي محاضرات بس هالامتحان
طبعا الدنيا سكرت بوجهي وقررت اني اروح عالبيت ...
2. وانا مروح بالطريق بالسيارة كنت مسرع شوي وتفاجأت بحجر كبير بنص الشارع
طبعا خبطت فيه واثر في السيارة من تحت شوي
3. كملت مشوراي على البيت وانا بالطريق اتصل في صاحبي بحكيلي انو محجوز بالشرطة
لانه عمل حادث رحت على مركز الشرطة عشان اشوف شو ممكن اعمله بس طبعا مالحقت اكمل
لانو انا كمان صار معي حادث بس حادث بسيط الحمدلله
4. بعد هالنكد كلو رحت عالبيت ومارحت اشوف صاحبي وبالبيت تمشكلت معي اهلي
وطلعت زعلان وكل هموم الدنيا فوق راسي ومشيت ومشيت ومشيت
لحد ماوصلت مكان فاضي مافي ولا بني ادم ووقت السيارة وقعدت افكر وافكر وافكر
الا فجأه بيجيني شرطي بيقولي ايش جيبك هون مش عارف انو هالمنطقة ممنوعة
طبعا انا مابعرف وين انا كنت المهم طلعت قريب من القصور الملكية
وطبعا بعد ساعة او ساعتين و100 ترجايه لحد ماتركني الشرطي
كان مفكرني ارهابي ولا بفكر اعمل اشي :)
5. بعد المغرب قررت اطلع مع 2 صحابي نتمشى ونلعب بلياردو عشان انسى هاليوم النكد
بس وين لسا بدري واحنا رايحين برضو انا اللي كنت بسوق بالسيارة
علقت معي دعسة البنزين والبريك تصلب مش راضي يوقف وكنت ماشي تقريبا على سرعة 70
وانا بشارع عام بس الحمدلله كان فاضي طبعا بطل في عقلي تفكير
ايش بدي اعمل وكيف بدي اوقف السيارة المهم صاحبي رفع ال HandBreak والله رحمنا
ووقت السيارة بعد مالفت لفتين بنص الشارع
وبعدين شغلت السيارة ورجعت طبيعية ولا كأنو فيها اشي طبيعية
6. المهم رحنا لعبنا بلياردو وبعد ماخلصنا رحنا على مطعم نتعشا وطلنبا اكل
وطلبنا مع الاكل شاي ولما اجا العامل (الجرسون) يوزع الاكل على الطاولة
وماكان ماسك الصينية منيح ووقعت كلها والشاي كان يغلي غلي ساخن
انكب علي وكمان فوق الشاي صحن حمص مليان زيت :)
7. خلص انا يومتها طار عقلي وقرتت انو احسن حل اروح انام بالبيت احسن لي
المهم روحت واخدت دش (تحممت) ورحت على سريري انام
وطبعا لسا كنت زعلان من اهلي ومابحكي معهم
ونمت وبدت الاحلام المزعجة (حتى بالنوم مارتحت) طبعا مابذكر الاحلام
بس كان من ضمنها اهلي وكان في بسس (قطاوه) بالموضوع
وفجأه صحيت من الحلم المزعج وكانت المفاجأه
تخيلو ايش لقيت ؟؟؟
لقيت بسه سودا جنبي عالارض وانا عالسرير (اعوذ بالله من الشيطان الرجيم)
طبعا انا خفت وارتعبت وبديت استعيذ بالله من الشيطان
وهربت البسة طلعت من الشباك
طبعا ماعرف انام خلص طار النوم من عيوني
رحت على غرفة ابوي وبست راسو وقلتلو ايش اللي صار معي
قلي روح توضى وصلي ركعتين واستغفر ربك وتوكل على الله ونام
وفعلا عملت متل ماقلي وارتحت شوي
ونمت نوم عميق والحمدلله وصحيت تاني يوم العصر ورجعت لحياتي العادية
وبهيك خلص اليوم المأساوي اللي عمري ماعشت متله
وان شاء الله مايمر مثل هاليوم علي ولا عليكم
واسف كثير على الاطالة او اذا كان في كلام مش مفهوم
بس ياريت تعطوني شو ممكن تعملو لو صار معكم هالاشياء بنفس اليوم
يعني لو كنت مكاني ايش راح يكون موقفك ؟؟؟
وتقبلو تحياتي
•••
السلام عليكم ورحمة الله وبركاته
انا اول مرة بدخل على هالقسم وبحط موضوع :)
بصراحة عجبني الفسم وبعض القصص اللي فيه
وحبيت اشاركم بقصة قصيرة صارت معي
مابدي اطول عليكم بس بتمنى اشوف ردودكم واشوف لو كنت مكاني ايش راح تعمل
القصة:
راح اسردلكم القصة بشكل نقاط عشان ماتملو منها :
1. في يوم من الايام كان يوم عصيب علي ومن اسوأ الايام اللي مرت بحياتي
كان علي امتحان في الجامعة وكنت ادرس بالليل وتأخرت بالسهر بالدراسة
صحيت الصبح متأخر ولبست بسرعو وجهزت حالي وشغلت السيارة ورحت عالجامعة
المهم وصلت متأخر عن الامتحان نص ساعة ولما اجيت ادخل على قاعة الامتحان
الدكتور مارضي يدخلني وترجيته وشرحتلو الوضع بس مااقتنع ورفض بشده
طبعا انا كتير ادايقت وزعلت لانو راح علي الامتحان
وغير هيك ماكان عندي محاضرات بس هالامتحان
طبعا الدنيا سكرت بوجهي وقررت اني اروح عالبيت ...
2. وانا مروح بالطريق بالسيارة كنت مسرع شوي وتفاجأت بحجر كبير بنص الشارع
طبعا خبطت فيه واثر في السيارة من تحت شوي
3. كملت مشوراي على البيت وانا بالطريق اتصل في صاحبي بحكيلي انو محجوز بالشرطة
لانه عمل حادث رحت على مركز الشرطة عشان اشوف شو ممكن اعمله بس طبعا مالحقت اكمل
لانو انا كمان صار معي حادث بس حادث بسيط الحمدلله
4. بعد هالنكد كلو رحت عالبيت ومارحت اشوف صاحبي وبالبيت تمشكلت معي اهلي
وطلعت زعلان وكل هموم الدنيا فوق راسي ومشيت ومشيت ومشيت
لحد ماوصلت مكان فاضي مافي ولا بني ادم ووقت السيارة وقعدت افكر وافكر وافكر
الا فجأه بيجيني شرطي بيقولي ايش جيبك هون مش عارف انو هالمنطقة ممنوعة
طبعا انا مابعرف وين انا كنت المهم طلعت قريب من القصور الملكية
وطبعا بعد ساعة او ساعتين و100 ترجايه لحد ماتركني الشرطي
كان مفكرني ارهابي ولا بفكر اعمل اشي :)
5. بعد المغرب قررت اطلع مع 2 صحابي نتمشى ونلعب بلياردو عشان انسى هاليوم النكد
بس وين لسا بدري واحنا رايحين برضو انا اللي كنت بسوق بالسيارة
علقت معي دعسة البنزين والبريك تصلب مش راضي يوقف وكنت ماشي تقريبا على سرعة 70
وانا بشارع عام بس الحمدلله كان فاضي طبعا بطل في عقلي تفكير
ايش بدي اعمل وكيف بدي اوقف السيارة المهم صاحبي رفع ال HandBreak والله رحمنا
ووقت السيارة بعد مالفت لفتين بنص الشارع
وبعدين شغلت السيارة ورجعت طبيعية ولا كأنو فيها اشي طبيعية
6. المهم رحنا لعبنا بلياردو وبعد ماخلصنا رحنا على مطعم نتعشا وطلنبا اكل
وطلبنا مع الاكل شاي ولما اجا العامل (الجرسون) يوزع الاكل على الطاولة
وماكان ماسك الصينية منيح ووقعت كلها والشاي كان يغلي غلي ساخن
انكب علي وكمان فوق الشاي صحن حمص مليان زيت :)
7. خلص انا يومتها طار عقلي وقرتت انو احسن حل اروح انام بالبيت احسن لي
المهم روحت واخدت دش (تحممت) ورحت على سريري انام
وطبعا لسا كنت زعلان من اهلي ومابحكي معهم
ونمت وبدت الاحلام المزعجة (حتى بالنوم مارتحت) طبعا مابذكر الاحلام
بس كان من ضمنها اهلي وكان في بسس (قطاوه) بالموضوع
وفجأه صحيت من الحلم المزعج وكانت المفاجأه
تخيلو ايش لقيت ؟؟؟
لقيت بسه سودا جنبي عالارض وانا عالسرير (اعوذ بالله من الشيطان الرجيم)
طبعا انا خفت وارتعبت وبديت استعيذ بالله من الشيطان
وهربت البسة طلعت من الشباك
طبعا ماعرف انام خلص طار النوم من عيوني
رحت على غرفة ابوي وبست راسو وقلتلو ايش اللي صار معي
قلي روح توضى وصلي ركعتين واستغفر ربك وتوكل على الله ونام
وفعلا عملت متل ماقلي وارتحت شوي
ونمت نوم عميق والحمدلله وصحيت تاني يوم العصر ورجعت لحياتي العادية
وبهيك خلص اليوم المأساوي اللي عمري ماعشت متله
وان شاء الله مايمر مثل هاليوم علي ولا عليكم
واسف كثير على الاطالة او اذا كان في كلام مش مفهوم
بس ياريت تعطوني شو ممكن تعملو لو صار معكم هالاشياء بنفس اليوم
يعني لو كنت مكاني ايش راح يكون موقفك ؟؟؟
وتقبلو تحياتي
•••