ومازال الامل موجود!!

[التركية الغشيمة]

بسم الله الرحمن الرحيم..
السلام عليكم ورحمة الله وبركاته..
اعزائي اعضاء منتدى اوز اكتب لكم قصتي وانا على فراش الموت..
بدئت قصتي قبل سنه شي زي كده.. كنت بأتكلم مع صاحبي بالمسنجر وكان يعرف شخصيتي كويس وكنت احبه زي اخويا ... في مره قال انه يحبني وردت فعلي كانت زي اي بنت خايفه على مستقبلها وخايفه على نفسها وبعدها افتكرت قصه حكاني هيا ملخصها انو واحد مو لاقي حنان في الدنيا فاقلت له من بابا الشفقه قفط اني احبه وفي الحقيقه انا ما احبه ولا شي بس عشان حاولت اخلي جزء من حياتو فرح وفضلنا على دا الحال الين ما اقنعني اني اكلمو بالجوال... وانا لسى ماحبه بس ما كنت ابغا اجرحه لاني كنت واثقه انو يحبني .. واكيد ما حأحب اني اكون نقظه سوده في حياة انسان كن لي بدي المشاعر
وبعدها.. بتفره ... حبيته... عششقته...وفي يوم 20\10\2006 كان يوم عيدميلادي وكان اغلى هديه ربني رزقني بيها فدا اليوم. وعدني بالزواج والله ما انسى كل كلمه قلي هيا في داك اليوم..
عشت احلى قصص الحب عشت ايام ماتتنسى ولا تتكرر في حياتي القصيره..

وفدا الوقت ماما كانت تشك بيا اني بألكم ولد بالجوال؟؟ وسحبت جوال وماسار عندي وسيلة اتصال بيه غير النت... ومن المشاكل اللي في البت نفسيتي كانت تتعب كتير دا غير بعاده عني. في يوم كلمته بالنت وقعد يتنفخ فيا .. ماحسيت اني وحشتو بعد فتره غياب اسبوع... سكت لا عاتبته ولا زعلت منه.. بعد ما سكيت منوسرت ارسل له مسجات ولا يرد عليا.. لا تصال يردو ولا مسج يرد ولا ايميل يرد...
احترت..فأضريت اني اسوي ايميل جديد واضيفه فيه عشان اعرف ايش حكايته.. اضفته وكلمته وعرف اني انا.. قلي انو انا سويت له مشاكل .. وهزء ومسح بكرامتي الأرض وماخلى كلمة كلمه تجرح وماقالها ليا وماخلى دمعة الم مانزلها من عيوني... وحط بلوك وانتهى كل شي بكل بساااطه....

عشت ايام مريره ادعي ربي بأنه يجيني ويخليه من نصيبي... وكل ما ابكي اقول في نفسي ..لسى في امـــل

وفي يوم.. اول يوم عيد الاضحى.. اشتد مرضي..وفي داك اليوم الفضيل دعيت ربي انه يجيني.. وجاني لقيت اضافه منه طبعا بدون تفكير قبلتها.. وبسرعه قالي..كل سنه وانتي طيبه.. وماتشوفي شر.. انفجعت انو يعرف اني تعبانه قلت له مين قلك.. مارضي يقول..؟؟

المهم انه رجع وتأسف لي ما اقول انو سوى المستحيل عشان يطلب راضايا لا ماسوى شي بس اتاسف كذه مره.. الين ما رجعت له.. لا تقولو هبله ولا غبيه.. كل االموضوع اني حبيته حب جنوني.. كنت مستعده انذل بس عشان يوفي بوعده

رجعت وماكنت عارفه االلي باسويه صح ولا لا...؟!
قلت له مره ..خايفه انك ازا هنت عليك مره اهون مرتين وتلاته واربه قال:لا مو هادا اللي حيصير انتي عارفه كويس اني احبك واعشقك..ومح اسيبــك

ورجعت له رغم ترددي..ودي الفتره كنت مره اعصب كتير ..عشان كنت خايفه يسيبني ..مره ماكنت ابغا افرط فيه..وهوا كان عنده دراسه فاما كان يقدر يتحمل لضغط دا كلو.. وفي يوم الاثنين:19\2\2007 لقيت مسج الفراااااق السمج اللي كنت خايفه منه طووول مدة حبي لييه.. المسج اللي حطم حلم زواج بنت نفسها تعيش مع حبيبها..حاولت احبس دمعي واقنع نفسي انو مايستاهل..ساعه اتنين بعدها انفجررت بكااااا بكيت من كل قلبي .. خلالاص مــــــــــاااات كل شـــي ..اللي كان يحبني مـــااااااااات اللي كان يقووول ما اقدر استغنى عنك استــــغنى عني....اللي وعدني بحلم حياااااااااااااتي ماااااااااااااااااااااااااااااااااااات ..كل شي ماااااااات.. وسبب موتو.. هوا سبب محياه..

كرهت كل شي.. افتكر كيف اتنفخت عيوني من البكا ..كنت ابكي على حالي .. ماسبت القران .. ماسبت ربي.. قعدت ادعي بكل قلبي... واقول... لســـى في امـــل

ماتحملت بعده كل كلمة قلي هيا تدور في راسي..مانسيت ولا كلمة كنت حاطه في بالي انو ملاك رغم كل اللي سواه فيا..كنت حاطه امل انه حيرجع لي في يوم كنت حاطه في بالي اني لسى في قلبو انه يحبني.. كنت احط في بالي اشياء مهي صح عشان احلم واغيب عن الواقع التعيس..
وحاولت ارجعه ليا حوالي 6 مرات وكل مره اتحطم اكتر واكتر.. مره قال اني وهم في حياتو بعد كا دا ويقول اني وهم؟؟!! مره قال انا سبب فشلو في دراستو مره قال انو يكرهني .. مره قال اني انا اللي حأخليه اخش النار.. تتوقعو بعد كل الكلام الجرح دا في قلب؟؟في احساس؟؟
لمن تسمع احد تحبه وتعشقه ويقولك كل الكلام دا..في قلب؟؟؟

ومره ارسلت له مسج.. على امل انو يحبني..رد عليا قال انا صاحبو هوا سافر امريكا يكمل دراسه هناك.. طبعا عرفت انها كذبه.. قلت له.. هوا قلك تقولي كده??قال تبغي الصراحه ايوا.. قريت المسج من هنا...
اغمى عيلا من هنا وماصحيت الا في المستشفى واول ما افتكرت اخر شي حصل لي بكيت ياللللللللللللللله لدي الدرجه انا رخصيه عندو؟
واشتد علي مرضي رغم اني صغيرره على كل دا وعملت وتحاليل وبلاوي زرقه وكل ما اروح لدكتور يتفاجأ ويقول انتي لسى صغيره على دا كلو حرام عليكي تسوي في نفسك كدا... الين ماعرفت .... عرفت انو عندي سرطان...
تتوقعوا لسى في امل دحين؟؟؟؟
؟؟
؟؟
ايوا في ..عمرو الامل ماينتهي رغم كل العذاب اللي عشته وانا لسى عمري 15 ,,والدنيا لسى ماوقفت
عشت لوحدي ماسرت اكلم احد ماسار عندي صحبات ماعندي حبايب..امي وابويا كرهو الدنيا بسببي.. كل يوم اذان الفجر ادعي ربي انه ياخذني واريح امي وابويا واختي وهــوا حبيبي....مايبغاني هوا سبب اللي انا فيه.. ايش استفدت؟؟ جبت لنفسي الكلام .. جبت لفنسي المرض.. كل الكلام اللي قالي هوا في يوم كذب؟؟
طب ليش كل دا؟؟ عشان حبيته؟؟
اخذته انسان تعيس ؟؟ ودحين يسوي فيا كل دا؟؟هادي جزاة الطيب في الدنيا؟ جزاة الانسان اللي يبغا الخير للناس؟؟

كتبت لكم قصتي...

لكل بنت..
لاتدي ولد فرصه انو يلعب بمشاعرك لانو مستحيل نهايتك معاه تكون الزواج.. خليكي تقيله ولا تفكري ترفعي السماعه تكلمي ولد؟؟ ولا تديه فرصه ..لاتقولي هادا صادق معايا ولا يحبني..كلهم واحد.. ماعندهم قلب..

ونصيحتي للأولاد..حرام عليكم اللي بتعملوه في بنات الناس توعدو البنات هشانهم عاطفيين.. وفي النهايه تسيبوهم ؟؟ ليش؟؟ لا تنسى انو عندك اخوات ولو ماعندك ,, في يوم حيسر عندك بنات ... وكما تدين تدان..

وعني اناسرت عايشه.. سرت عايشه بلا مشاعر...
فقدت كل شي.. الضحك... فقدت صحتي..فقدت مستقبلي..فقدت اني انام بلا هموم.. وكبرت نفسي 20 سنه.. واللي اكبر مني ماذاق نص اللي ذقته..
والله لو اشوفه دحين..امووت.. لاني عارفه انو كرهني..وانو ماكان يحبني اصلن..
لو شفته والله رغم انو سبب كل شي دحين انا فيا..لمن لو شفته حأحضنه واوووت في احضاانه..عشان هادا اللي انا ابغاه.. بس انا متاكده اني لو قلت له انو دا المرض الخبيث فيا مح يأثر فيه بشي..مح يسوي شي... مح يسافر..400 كيلو متر تقريباَ عشان يشوفني وانا مرميه في المستشفى زي الكلبومحد داري عني.. ما اقول غير ... لســى في امــل


توقيع... الممـــيزه...(التركية الغشيمه)

واتمنى تكونو عرفتو يا اعضاء اوز سبب غيابي

وادعولي .. لانو القصه دي قصتي انا..