اسمعوا حكاية ديوان الخدمه المدنيه

[الفاضي]

كان ياماكان .. بنت تحلم انها تكبر وتصير مدرسه..
كبرت البنت وصارت بالثانوي... واجتهدت الين جابت نسبة 92% ودخلت الجامعه ..


اختارت قسم مرغوب وعليه الطلب...
بعد اربع سنين من التعب والغلب وتحمل شوفة نفس الدكاترة والاساتذه السعودين.. اتخرجت..

وقعدت اربع شهور تنتظر الديوان يفتح.. ولما فتح ابوابه... شالت ملفها اللي كان يحمل وثيقة تخرج من قسم الرياضيات وبتقدير ممتاز مع مرتبة الشرف...

قالت اكيد بيشوفوا الوثيقة وعلى طول راح يفبلوني... وراح يعينوني داخل المدينه..

دخلت المبنى راح تسلم الملف... قالوله تخصصك: رياضيات....


لا والله حبيبتي ... احنا نبي 7 معلمات انجليزي بالقرى..
ومدري كم معلمة حاسب الي...
و2 معلمه احياء..

وهذا كله بالقرى..

البنت: طيب خذوا الملف شوفوا..
الديوان: من غير ما نشوف اتوكلي على الله واعطيني مقفاك..

بهذا الاسلوب..
البنت: طيب بقدم بمدينه غير مدينتي..
الديوان: روح ذيك المدينه وقدمي فيها احنا مو فاضين..
البنت: طيب وش اسوي بالشهاده..
الديوان: انت اشفيك لصقه ... افهمي مافي تعين ... بروزي شهادتك..
ولا بليها واشربي مويتها..

طلعت البنت من الديوان .... وهي كل احلامها وطموحاته انهارت..
راحت تشوف بالمدارس الخاصه...
قالها راعي المدرسه: احنا نعين اجنبيه وتمسك الفصول من اولى ابتدائي لثالث ثانوي .. براتب الف وميتين... تقبلين تكوني مثلها .. هلا بيك .. ما تقبلين مع السلامه..
منتهى التحطيم...



وبعد كم سنه ... وبعد الف واسطه واسطه.. اتعينت بقريه تبعد عن مدينتها 500 كيلوا... وعلى بند 105..
ويوم جا تحسين الاوضاع رسموها على المستوى الثاني...
والمشكله ان زميله لها معاها دبلوم بس اقدم منها مترسمه على المستوى الثالث... وهي اللي بكالوريس رياضيات .. واللي المفروض تترسم على المستوى الخامس.. مرسمه على الثاني... وهذا كمان لانها بقريه.. لو انها داخل المدينه كان رسموها على الاول..


وبكذا تكون انتهت الحكايه...

وتوته توته... خلصت الحدوته...

[بو غازي]

مشكوووووووور
ويعطيك العافيه

تحياتي:)

[روح الحيــاة]

بو غازي



تسلم عزيزي على هذه المشاركه
والله يعطيك العافيه،،،وارجو لك كل التوفيق
وشكرا عزيزي،،،،،،،،،،،،


اختكم روح الحياة