جـــــــــروح قلبـــــــــي ( قصه رووعه بمعنى الكلمه )

[قمـرهم كلهـم]

السلام عليكم ورحمه الله وبركاته

شخباركم ان شاء الله تماام ؟


اليوم حبيت انزل لكم قصه مرة عجبتني وقلت بشوف رايكم فيهاا

وهي عباره عن 12 جـــزء >> ادري كثير بس اذا قريتوهاا ماتبونهاا تخلص ^^

وانا رتبتهاا على ان كل يوم انزل لكم جزئين اعتقد حلو كذا صح ؟

( يعني لاتخافون الاجزاء كامله عندي وبحطهم متى ماقلتو لي )

والحين بحط لكم شخصيات ابطال القصه وجزء بسيط بس

واذا عجبتكم قولولي عشان اكملهاا




نبـــذهـ عن شخصيات القصة::

هديل 19سنه متخرجه من الثانويه ولا كملت دراستها بسبب مرت ابوها برغم نسبتها قويه..
انسانه حساسه وخوافه بالحيل و دايم تحط كل شئ بقلبها لكن عيونها تفضحها ..
ابوها ابو وليد(ابراهيم)كان متزوج من ام هديل(ليلى)ودام هذا الزواج حوالي سنه وعاشووا بسعاده اي زوجين بس حصل شئ عكر جو الاسره السعيده وراح تعرفونه مع احداث القصه
هديل تربت بعيده عن امها من يوم كانت في المهد انحرمت منها ومن حنانها وتربت على يدين عمتها(نورة)طبعا ابو هديل تزوج من شيخه(ام وليد)بعد طلاقه بـ5 شهور لان ابو هديل عاش بنفسيه صعبه من بعد ماطلق زوجته ليلى وصار انسان عزولي وغير مسؤول عن البيت يعنى زوجته هي المدبره فيه ولا يحب ان يجتمع مع الناس الين ماقرر هو بنفسه يتزوج وينسى الماضي..ولهديل 3 اخوان واخت من الاب وليد الاخ الاكبر لهديل ومابينه وبين هديل الا اشهر يدرس بجامعه الملك سعود قسم هندسه اول سنه حنون وخاصه على اخواته..
عبدالله 15 سنه يدرس ثالث متوسط وهو الثاني يحب هديل ولا يزعلها وتطلع منه حركات هبال
احمد 3سنين وهذا اكثر واحد متعلق باخته هديل ونجي لاخر العنقود ريمي اللي هي ريم سنه وشهرين وهذي الثانيه متعلقه باختها ..
ابو وليد له اخوين عبدالعزيز وصالح واختين نورة وسارة...
العمة سارة (ام نواف)وهي الصغيرة لها ولدين وبنت ولا كتب لها ربي تنجب غيرهم بسبب انها نسبه الاجهاض عندها كبيره مما سبب لها خطوورة عليها..فعشان كذا حمدت ربها على اللي معطيها واكتفت فيهم ...نواف يدرس مع وليد بنفس التخصص وطول عمرهم مافارقوا بعض .. فواز بعمر عبدالله وطاق الصحبه معه ونجي لاخر العنقود نوف 18سنه صديقه هديل ولسانها طويل مثل مادايم امها تقول يعنى ماتستحي من احد بالعكس ماخذه كل شئ ببساطه ؛؛
العمة نورة وهي الكبيرة كانت متزوجه وتطلقت بسبب الانجاب..سبحان الله ربي رزقها بزوج حنون
وعوضها اولاد زوجها يحبونها زي امهم واكثر..فتزوجت من ابو محمد(مبارك)وهو صاحب شركة مقاولات كبيره لها اسمها.. و كان متزوج من قبل ولكن توفيت زوجته وله 3 اولاد :
محمد 28 سنه هو الابن الكبير ويشتغل بشركتهم له 3شهور متزوج من اسماء وهي بنت ابو سعد اللي داخل مع ابو محمد بشركته يعنى شريك معه عقله كبير ويوزن بلد ...
خالد 26سنه وهذا الابن الثاني وتوه متخرج من جامعه الملك سعود قسم ادراه اعمال ويشتغل مع ابوه بالشركه طيب ولكنه اذا عصب لاحد يجي يكلمه وعلى طول يتدراك الخطاء ويعتذر بطريقته الخاصة وهذا اللي محبب الناس فيه ناصر الابن الثالث 23سنه يدرس بالجامعه قسم محاسبه اختار هذا القسم عشان يشتغل مع ابوه يعني مع الخيل يا شقراء..عليه حركات وسوالف تحرج الواحد وراح تعرفونه..طبعا العمه نورة هي اللي مربيتهم من كانوا صغار فعشان كذا يسمونها يمه ؛؛
اما الاخوان العم عبدالعزيز(ابوسلطان)وهذا اكبرعمام هديل له 3 اولاد 4 بنات وكلهم متزوجين ماعدا بنته منال وهي بعمر هديل تدرس بالجامعه قسم انجليزي..
والعم صالح(ابوحمد)عنده ولد و4 بنات البنات كلهم متزوجات ماعدا حمد لانه اخر سنه بالجامعه قسم اداره اعمال مثل صديقه الروح بالروح خالد بس هو تاخر في الدراسه عشان كان يحمل مواد معه فحب يعيد سنه عشان يطلع بشئ حلو.....

***************************************
::الــــــــقـــــــــــصـــــــــــــــــــــة::

::::الجزء الاول::::


ام وليد:هديل هديل وصمخ ان شاء الله
هديل نازله من فوق:هلا خالتي بغيتي شي ؟؟؟؟
ام وليد:بدري ...انتي صمخه او تتصامخين
هديل:كنت.....
قاطعتها ام وليد
ام وليد:كنت ما كنت اسمعي روحي سوي الشاهي والقهوه بعد شوي بيجون اهلي يله تحركي
هديل:ان شاء الله..وراحت تسوي اللي قالت عليه وخلصت تبغي تطلع فوق..
ام وليد:هديل ...؟؟؟؟
هديل واقفه على الدرج:نعم خالتي ..!!!
ام وليد:روشي ريمي وحماده ولبسيهم و نزليهم عندي يله بسرعه
هديل:ان شاء الله..طلعت لفوق وشافت عبدالله يركض ويضحك وقفت بوسط الدرج تناظره باستغراب وهو حاط اصبعه على فمه يقول اووووووووووش.....
لانها تعرف هبال اخوها جلست على الدرج تترقب وش يسوي..وفجاءه انفتح باب غرفه وليد بقوه وطلع منها وليد وباين عليه معصب مره ويتلفت يمين وشمال يدورعلى احد ولما شافها هدأ..
وليد واقف عند اخته:هدوووله ..
هديل تبتسم:هلا وليد...
وليد:بسالك شفتي احد دخل غرفتي؟؟
وقبل ما تجاوب تذكرت اخوها عبدالله فعرفت انه مسوي شئ فحبت تكمل اللعبه...
هديل:لا ماشفت احد ...ليش؟؟....
وليد يعرف ان هديل ما تكذب فعشان كذا صدقها
وليد:لا بس احد رشني بمويه وانا نايم ومالحقت عليه..وبعدين انتي وش مجلسك هنا ؟؟
هديل:هاه ...امممم لا بس حسيت رجلي نملت وجلست اريحها ليش..حرام الجلوس بالدرج؟
وليد يمشي عنها بيروح لغرفته:لا مو حرام بس انتي نسيتي انه مايجوز وانه ...
قاطعته هديل بخوف:بس بس خلاص لاتكمل..على طول قامت وراحت غرفه حمادة وجلس وليد يضحك عليها وعلى خوفها..وعلى دخلته للغرفه هاجمه عبدالله برشاش المويه وهو فاطس ضحك
وليد بقهر:هييييييييه وجع انا كنت حاس مايسوي الحركات الا انت شله عبوووود
عبدالله فاطس ضحك عليه لانه تقريبا تسبح..فقام على اخوه اخذ الرشاش لان عبدالله ماقدر يتمالك نفسه هو يرش على اخوه...
وليد بعصبيه:انا اوريك يا الثور..وجلس وليد يرش على عبدالله اللي ميت ضحك
وليد معصب:وجع ضحكت من غير سنون احر ماعندي ابرد ماعندك صدق ان ما عندك سالفه
عبدالله وهو يضحك:هههههههه ياخي وش اسويبك ههههههههههه مو راضي تقوووم قلت ياولد استعمل معه الخطه رقم 11ههههههههه..
وليد:وفرحان حظرتك وبعد مسميها خطة11 يا فلاحتك بس
عبدالله:اكيد مسميها عشان يا شاطر ماتتلخبط مع باقي الخطط يعنى كل طريقه لها خطة ورقم
وليد:اقول لاتكثر ..وش تبي انت الحين زاعجني
عبدالله:ابد والله اشتقت الى اخي الغالي الى اخي الحبوب الى...
وليد قاطعه:اخلص وش تبي سيارتي ماراح اعطيك اياها..وبعدين وين تبي تطس ؟؟
عبدالله:والله بروح انا وفواز بنتمشي شوي وبرجع والله ياوليد ماراح اتاخر ..
وليد:طيب..عطيت امي خبر؟؟ او مثل كل مرة...!!!
عبدالله:لا تخاف قبل ما اروح بقولها انت هات المفتاح الحين والله ابلشني ولد عمتك بسرعه
(عبدالله ماعنده سياره عشان كذا ياخذ سياره وليد برغم انه يعرف يسوق ويدل كل الاماكن اللي ماتخطر على البال بس حكم سنه ودراسته..رفضت امه تجيب له سياره عشان ماتشغله عن الدراسه )
وليد:خذ الاذن من امي وتعال كلمني ....OK
ودخل الحمام اللي بغرفته عشان ياخذ له دش

هديل تحاول تصحي حماده اللي مو راضي يقوم فراحت تدغدغ فيه عشان يصحى وكانت ريمي عندها وفاطسه ضحك من هديل وحماده
هديل:يله حماده حبيبي قوم يله..وتدغدغ فيه هو يصارخ من الضحك وشافت ريمي اللي كان الوضع جايزلها ...
هديل بخبث:هاه ريمي تبين اجرب فيك..هزت ريمي راسها بالنفي وهي تبتعد عنهم بس ماخلتها تنحاش على طول مسكتها وهي تضحك بصوت عالي وشالتها وحطتها بجنب حماده فجلست تدغدغ بالاثنين وهم فاطسين ضحك
حماده:ساني ساني ...هزيل
ريمي:اني اني هزيل...(يعني ثاني ثاني هديل)
هديل :لا ماراح اسوي لين ماتقومون و اروشكم وبعدين اسوي لكم اللي تبونه يله قدامي
سحبت يد حماده وعلى طول قام اما ريمي معروفه بالعناد الا الحين او مافيه..فرضت تقوم
هديل:يله حبيبتي الحين عبووود بيروح البقاله وبيجيب حلاوة لحماده وانتي لا..
لما سعمت طاري حلاو وبقاله قمزت من السرير تتسابق على الحمام ضحكت عليها وهي تقول بنفسها ياحب الاطفال للبقاله والحلاوه ..
جلس عبدالله بغرفته وهو يفكر وشلون يقنع امه لانها ماراح ترضى بالسهل وقطع عليه حبل افكاره الجوال ولما شاف مين رد على طول
عبدالله:ياخي ترى ازعجتني مافيك صبر..
فواز:بسم الله ..طيب سلم بالاول مو تهب فينا
عبدالله هو يبتسم:ولايهمك السلام عليكم..زين كذا
فواز:ايه توك تصيرعبود اللي اعرفه هاه وينك فيه ساعه انتظرك
عبدالله مستغرب:اي ساعه الله يهديك مالي الا ربع ساعه مقفلين ومتفقين على كل شئ
فواز:المهم تجي او لا ..؟
عبدالله:اكيد بجي بس ابي خطة اقنع امي فيها...!
فواز:حنا نبي موافقه وليد وش دخل امك بالموضووووع .؟
عبدالله:يا ذكي انت وش فيك وليد طول عمره ماقال لا..المشكله الكبيرة امي !!!
فواز مستوعب:اهاااااا قلتلي امك طيب يا حلو وش رايك تقولها انك تبي تروح تجيب من ناصر اغراض...
عبدالله يضحك:هههههههههههه اقول كثر منها انت ماتعرف امي زين تحب تعرف كل صغيره وكبيره...
فواز:طيب امممممممممممم قولها اني غايب اليوم وتبغى تعطيني جدول الاختبارات والملخصات وغيره
عبدالله:والله فكرة ..اثاريك داهيه وانا اخر مايعلم طيب واذ قالت ان اليوم الاربعاء او اتصل عليه
فواز بدء يعصب:وش فيك دلخ انت دبر نفسك بنفسك يله انا انتظرك..باااااي
عبدالله مستغرب :باااااي ..طرار ويتشرط..
وطلع عبدالله من غرفته يبغى يروح لامه وتقابل هو هديل بالممر ..

هديل:اشوفك طالع على وين ..؟
عبدالله:هديل طلبتك قولي تم ..؟
هديل :يوه ياعبود من متى وانا ارفضلك طلب من غير ماقول وش عندك امرني ..؟
عبدالله:مايامر عليك عدو..امممم ابيك تقنعين لي وليد يعطيني سيارته لمده ساعتين..؟
هديل مستغربه:الله ساعتين وين تبي تروح ؟ وبعدين ماعتقد وليد يصبر على سيارته ..
عبدالله:انتي اقنعيه تكفين هدوووووله طلبتك..
هديل:بحاووول معه واذ رفض بقوله ساعه ..؟
عبدالله:زين اهم شئ اطلع شوي مواعد فواز بطلعه...
هديل وهي تناظرة بخبث وتبتسم:طيب بشرط
عبدالله مستغرب يقول بنفسه غريبه هديل تطلب او تتشرط لانها ماتطلب شئ دايم تقتنع باللي عندها ..
عبدالله يبتسم:آمري هدووووله كم هدووووله عندي...
هديل مبتسمه:اممممممممم دامك طالع ياليت تمر على ستاربكس وتجيب فربتشينوا ..
عبدالله يناظر فيها بمكر:وانتي وش عرفك فيه..؟
هديل مستغربه:تموت على بلاغه الشف ..نوف ذاقته وتقول جربيه
عبدالله:ماخربك غير نوف هذا ام الدوابير..
هديل:حراااام عليك والله مافي مثل هالبنت ..
عبدالله:ايه دافعي عنها بس بكرة تقووولين عبود ماقال المهم ماطلبتي يا الغاليه بس قولي لوليدووووه لاتنسين بروح اخذ الاذن من امي وبجي ..OK
هديل:ولا يهمك انت روح جيب الموافقه وراح تحصل اللي يسرك..
عبدالله وهو ماشي عنها ولف عليها ويطير لها بوسه على الهواء ابتسمت من حركه اخوها..
دخلت غرفه وليد لقته بالحمام ياخذ دش جلست تنتظره وبعد ربع ساعه طلع وكان لابس فنيله وسروال طويل وحاط الفوطه على راسه واستغرب ان هديل تنتظره اكيد في شئ مهم مو من عوايدها تنتظرني اما هديل كانت ميته من الحياء "وش خلاني انتظره بغرفته كان انتظرته برا"وقطع عليها افكارها
وليد:هاه هدوووووله وش عندك ؟
هديل مستحيه:كل خير بس ابي منك طلب ولا تردني ..
وليد:افاااا يا هديل متى رديت لك طلب امريني وش طلب الغاليه ..؟؟؟
هديل تعرف ان اخوانها يحبونها بسبب امهم وطريقه معاملتها وكل ماتقارن بينهم وبين مرت ابوها تخنقها العبره وتسكت وتحاول تكون طبيعيه واكره ماعليها الشفقه وكانت دايم تحذر اخونها من ان يشفقون عليها بس وضحولها انهم يحبونها على انها اختهم الحبوبه...قطع عليها وليد
وليد:هدوووووله وش فيك..؟
هديل تبتسم:مافي شئ اممممممممم ايه صح عبدالله يبغى ياخذ سيارتك لمدة ساعتين ؟
وليد:نعم نعم ساعتين وين يبي يطس هذا .؟
هديل:والله مدري بس مسكين خله يروح يتمشى ترا اليوم الاربعاء و خله يفرله شوي
وليد:وانا اجلس مثل الحريم احط يدي على خدي انتظره لالالالا قوليه I'm sorry
هديل تضحك على طريقه اخوها:طيب هو طلبني وانت تقول ماقد رفضتلك طلب
وليد:هدووووله حبيبتي والله مقدر مواعد نواف وصديقاني وصعبه اخلف الوعد..
هديل:طيب خذه معك وربي يكسر الخاطر عشاني حطه عند فواز وهم يدبرون اعمارهم..
وليد:ماطلبتي يا الغاليه اوامر ثانيه..
هديل تبتسم:لاسلامتك يالله انا استاذن بروح اشوووف اخوانك الصغار..
وطلعت من غرفه وليد وراحت لغرفه اخوانها الصغاروشافت حماده محتاس بلبس الجزمه وريمي مثل براءه كل طفل تناظر فيه جلست هديل عند حماده تبتسم كملت لبسهم وشالت ريمي ونزلوا تحت


عبدالله:يمه تكفين والله ماراح اطول ساعه وبرجع ..حب راس امه
ام وليد:لاتطول والا والله يا عبووود اذ مارجعت بعد ساعه راح احبسك مع هديل انت تسمع..
كانت هديل واقفه تسمع الحوار حكم القوي على الضعيف ما قالت شئ اكتفت بتنزيل راسها وانتبه عبدالله لنظرات امه اللي متجه لهديل وشاف هديل واخوانه الصغار ولاقال شئ لانه لوحاول راح يخسرالطلعه ففضل السكوت
ام وليد:بس ماتطلع الا اذا جت امك موضي وخالتك هدى وحنان تسلم عليهم..
عبدالله مستغرب:متى بيجيون ؟؟
ام وليد:بعد المغرب ...تعال يمه حماده انت وريمي اشوف لبسكم
راح لها حماده واخته ريمي ..كل مايسوي شئ حماده تسوي مثله كانهم تؤام وقف عند امه وهو يبتسم
ام وليد:والله عندك ذوق ياهديل تعرفين تختارين المهم روحي نادي وليد خليه ينزل وانتي بعد روحي تعدلي وتزيني تعرفين امي تحب تكونين معنا ...
وراحت هديل لفوق وتقابلت مع اخوها بالممراللي توه طالع وقالت ان امه تبغاه
ودخلت هديل غرفتها وقفلت بابها وتسندت على الباب وتطالع لفوق تستنجد ربها:يارب يارب لمتى وانا صابره اخاف يجي يوم وانفجر ساعدني يارب وزدني قوه من عندك يارب ..واستغفرت ربها ودشت الحمام تاخذ لها شور..
لما نزل وليد شافهم مجتمعين وحب راس امه وقال انه بيطلع
ام وليد:وين تروح وامي بتجي بعد شوي مع خالتك...
وليد:والله مادريت يمه وانا مواعد نواف وصديقاني بس احاول ما اتاخر عليكم ان شاء الله
ام وليد:لايايمه اجلس وسلم وبعدين توكل ماابيهم يقولون شيخه ماعرفت تربي
وليد يبتسم:ماعاش من يقول ذا الحكي ولا يهمك بجلس اوامر ثانيه يا الغلا
ام وليد:انت الوحيد اللي تحن علي عسى ربي يوفقك ...
عبدالله متغاظ من اخوه:لاوالله الحين هو اللي يحن وحنا بالطقاق
ام وليد:والله كلكم سوا يمه وش فيك زعلت انت عاد اطيبهم كلهم
عبدالله متشقق من الوناسه وخاصه اذ احد يمدحه يروح فيهااا..
عبدالله:وبعدين وين تروح ماقالتلك هديل شئ..!
وليد:الا قالت لي عشان كذا تجهز عشان اوصلك لفواز ....
عبدالله انبسط من الاقتراح لان موقع بيت عمتهم سارة ممتاز يعنى اي شئ يبونه مو شرط يرحون بسيارة
ام وليد بعصبيه:الحين من امكم انا او هديل اشوفكم تقررون معها ولا كني موجوده..
وليد بارتباك:محشومه يمه بس هديل طلبتني لاني كنت رافض على عبدالله وهي تتوسط له..
ام وليد بعصبيه:عبووود تروح للغريبه تتوسط لك وانا امك ماتجيني ماقول غير الله يخسك من ولد قوم عني ومافي روحه لفواز ولا مكان ثاني واجلس فوق ولا اشوووفك قدامي ...
عبدالله متضايق من اسلوب امه:يمه لا تفهمين غلط الله يهديك مو تتوسط ..يمه الله يخليك لاتاخذين الامور بزعل وبعدين هديل مو غريبه هديل اختي .تكفين يمه طلبتك لاتردين بكلامك وهديل كانت رافضه تقول لي لازم اشاورك وتاخذ الاذن منك وكانت معارضه ان تكلم وليد بس انا اقنعتها يمه تكفين عاد وافقي.."طبعا اللي قاله ماصار بس يبغى ينقذ اخته من الموقف"..
ام وليد مفوله على الاخر:وش رايك ماتتوسط عندها عشان اوافق..
وليد:يمه انتي رضيتي وانا رضيت وخلاص يا الغلا هذا المهم ولاتدخلين هديل بالموضوع ..هديل مالها ذنب يعني هذا جزاتها انها رافضه من الاول وعبدالله اقنعها يعنى فكرت فيك خلاص هالمرة سماح والمرة الثانيه وريه شغلك زين..
ام وليد بزعل:طيب هالمرة بس سماح عشان وليدي وليد والا المرة الثانيه يا عبيد ماتلوم الا نفسك ..قامت عنهم عشان تشوف الخدامه وش قاعده تسوي بالمطبخ...


وفي الساعه 11 بالليل دق التلفون وكان جالس بالصاله ابو وليد وزوجته وريمي كانت نايمه بحظن امها وحماده جالس يلعب مع عبدالله....
ام وليد:عبدالله رد على التلفون ماقدر اقوم معي اختك..
قام ورد على التلفووون
عبدالله:الوووو
نوف:الوووو...السلام عليكم.."عرفت انه عبدالله لانه هو الوحيد اللي يرد على التلفون"
عبدالله:وعليكم السلام...
نوف:اففففففف انت دايم بس تنط بوجهي وترد ياخي احد مشغلك سنترال بهالبيت
عبدالله مستغرب:بسم الله الرحمن الرحيم..الواحد توه بيقول ياهادي وانتي تاكلينه اكل ..
خير وش تبين احد يتصل بذا الوقت ..؟
نوف:والله اذا اتصلت وطلبتك تعال وعاتبني انا مابيك ابي حلوة البيت
عبدالله:ايه والله حلوة البيت غصب عنك يعنى تعترفين انك ولا شئ عند هدوووووله سبحان الله كل واحد يعرف قدر نفسه ههههههههههههههههههه
نوف بدت تعصب:وين هديل ليجيك كف بوجهك..
عبدالله مبسوط لانه رفع ضغطها:بسالك انتي بنت والا لا ماقد عمري شفت بنت ناعمه كثر اختي
دامك تماشين حلوة البيت ليش ماتصيرين مثلها نعومه ورقه وحلى
نوف:تناديها والا اسكره بوجهك ياالشين..
عبدالله يضحك:انا شين ههههههههه تتمنين ربع جمالي يا الشينه هههههههههههه..
نوف:ويييييييييييييييييييييييع عليك والله ماخذ بعمرك مقلب اقول روح نادى عمتك هديل
عبدالله يضحك:ان شاء الله ولا تنسين انها عمتك بعد يا ...الشينه هههههههههههههههههههههه
وترك السماعه عشان ينادي هديل ولما وصل عند غرفه هديل سمع صوت انين وتقرب من عند بابها عشان يقدر يميز اذا انه صادر من غرفتها او لا .."يالله ليش هديل تبكي وش صارلها اليوم"..وطق الباب وحاط اذانه على الباب يتسمع الصوت وفجاءه سكتت وطق الباب مرة ثانيه ولا فيه اي جواب وطق للمرة الثالثه ...
عبدالله:هدوووووووله نايمه او لسه..؟
ماحصل جواب وطق مرة رابعه ولما يأس مشى بيروح عنها انفتح نص الباب ولاحظ ان الغرفه مظلمه
هديل بصوت مبحوح:هلا عبدالله بغيت شئ؟
عبدالله ونظرة حنان بعيونه:لا مو انا اللي ابي لو ابي منك شئ بطلب سلامتك ورضاك..
هديل تنهدت:اكيد خالتي تبي شئ ؟
عبدالله:لا..هذه الخبله نوووفوووه تبيك على التلفووون بس شكلك نايمه وازعجتك صح؟
هديل تحاول تكون طبيعيه:ايه كنت نايمه بس دامني صحيت بكلمها دقيقه ونازله..
عبدالله عرف ان اخته فيها شئ ولا حب يستفسر لانها ماراح تقول شئ ابتسم وراح عنها وجلس يفكر فيها نزل تحت يكمل اللعب مع حماده وبعد دقيقه جت هديل منزله راسها ماتبي احد ينتبه عليها واخذت السماعه وكانت حاسه ان عبدالله يراقبها عشان كذا لفت عنهم....
هديل:الووووووو
نوف بصوت خايف:هديل وش فيه صوتك..؟
هديل:هلانوف وش اخبارك واخبار عمتى واخوانك.؟
نوف:هديل ترى الحركات ماهي علي تقولين وش فيك او شلون؟
هديل بصوت واطي عشان تدري ان مرت ابوها قاعده تحاول تتسمع لها: بعدين اقولك
نوف:طيب اقوووول هدووووووووله لاتنسين تجين بكرة ترى عمامي وعمتى نورة بيجون وياليتك تجين
هديل:مدري يانوف تعرفين مابيدي شئ وبعدين خالتي معزومه بزواج وماظن تخليني اجي ..
نوف وهي تكلم امها:يمه تقول هديل ماتقدر تجي لان خالتها معزومه بزواج
ام نواف:قوليلها جمعه بيننا ومافيها شئ خالتها تروح للزواج وهي تجي ..
نوف:سمعتي عمتك يعنى لامحال تجين تجين Ok واذ ماخلتك خالتك تجين حاولي معها تكفين هدوووووله وربي من زمان ماشفتك لك وحشه اخر مرة تذكرين متى بزواج محمد ولد عمتي ولا شفتك يعنى كم شهر امممممممم ثلاث شهور يالظالمه حرام عليك حاولي..
هديل تبتسم على خبال بنت عمتها:ان شاءالله بحاول
نوف بصوت حنون:هدوووووله اكيد الغوله مزعلتك صح
هديل:...........
نوف:هدوووووله انتي معي؟
هديل:هلا..ايه معك ان شاء الله بكرة اردلك خبر اول مااقوم حلو كذا..
نوف تبتسم:حلو وانتي احلى يا حلوة
هديل:طيب ماابغى اطول تعرفين انتي
نوف :ok تامرين شئ ياقميييييل...
هديل تبتسم:لاسلامتك ..بااااااي
نوف:الله يسلمك بااااياااات

سكرت هديل السماعه ولما تبي تطلع فوق نادتها ام وليد وقالت بخاطرها الله يستر
هديل:هلا خالتي..وقفت مقابلها
ام وليد:خذي ريمي خليها تنام عندك وبالمرة خذي حماده
ولما تقدمت تاخذ ريمي انتبهت على عبدالله يناظر فيها ونزلت عيونها وشالت ريمي
ابو وليد:هديل وش فيها عيونك متنفخه..؟
هديل ارتبكت:هاه ......كنت نايمه وقمت مفجوعه على طقت الباب
ابو وليد معصب:ليش تصحي اختك دامها نايمه متى تتعلم انت هاه..
عبدالله:..........
هديل:لا يوبه عادي اصلا نوف كانت تبيني ضروري ...ونزلت راسها لان عيونها تفضحها
ام وليد تناظرها من فوق لتحت:وش كانت تبي بنت سارة؟
هديل:تقول ان عندهم جمعه وتبينا نكون معهم بس انا قلتها انك معزومه على زواج ومااظن نجيكم
ام وليد:ايه والله نسيت بكره زواج ولد ام صالح قوليها مانقدرنجي يوم ثاني..
عبدالله تدخل:طيب وش فيها يمه انتي روحي وخلي هديل تروح لهم وبالمرة انا بعد بروح لهم تكفين يمه ترى الساعه اللي جلست فيها مع فواز ماتكفى وبعدين بكرة خميس وانتي تطلعين وحنا محبوسين
والا وش رايك يا بو وليد..؟
ابو وليد:صادق الولد خليهم يروحون لبيت عمتهم ينبسطون وانا معهم دامهم جمعه زي ماتقول اكيد امي بتكون فيه والله هالاسبوع مازرتها واكيد زعلانه وانا بنفسي بوديهم وبجيبهم
ام وليد وتناظر ولدها بعصبيه:دامك معهم على كيفكم ..قامت ام وليد وراحت فوق وهي متضايقه من ولدها وخاصه باللي قاله (ام وليد ماتحب تكون عند زوجها المرأة الظالمه دايم تظهر عنده المرأة الطيبه اللي ترضى بكلامه بس من داخلها بركان وده ينفجر )...
طلعت هديل فوق لغرفتها ومعها ريمي وكان حماده يلعب وراها وكانه يسوق سياره وقاعد يفحط وطلعت ام وليد عليها وهي ميته من القهر..
ام وليد:يكون بعلمك لاتحسبين اني راضيه عشان تروحي لحالك وتنبسطين هالمرة بس بعديها والا مرة ثانيه مابعديها لو على قطع رقبتي فاهمه..
هديل خافت من تهديد مرت ابوها نزلت راسها وتكمل دربها بس الغوله مثل ماتقول نوف
ماخلتها جرتها من قميصها...
ام وليد:كأن الكلام مو عاجبك تروحين وتمشين..
هديل:لا ياخالتي ماقلت كذا بس ريمي اخاف تقوم واذ قامت ماراح تنام
ام وليد بعصبيه:هالمرة ريمي رحمتك بس والله العظيم ماحد راح يرحمك مفهوم..وراحت عنها
دخلت هديل غرفتها وهي متضايقه بالحيل حطت ريمي على فراشها وغطتها وجلست على الفراش تفكر انا وش سويت؟؟
حماده:هزيل ..هزيل
هديل:..............
حماده بعصبيه :هزززززززيل ..
هديل :هاه حماده وش عندك؟؟؟
حماده:وين انام ؟
هديل تبتسم على براءه اخوها:وين ودك تنام عندي او بغرفتك ؟
حماده منزل راسه ويحرك رجله كانه يشوت:ابي انام عندك..ابتسم...مايحلى ويزين حماده ابتساماته اللي يوزعهم على قولت عبدالله..
هديل وهي تضم اخوها:خلاص ياسيدي تنام عندي ولا يهمك امممممممم وش رايك الحين نروح لغرفتك نغير ملابسك وملابس ريمي وننام ..تبتسم له
هز حماده راسه بالايجاب وهو يبتسم وراحوا لغرفته ولبسته بجامه نوم واخذت ملابس لريمي وكم غرض لهم وطلعووا وهي تبي تدخل غرفتها شافت عبدالله طالع وهو يغني ولما شافهم جاء عندهم
عبدالله:وش تسووون ليش مارقدتوووا..؟
هديل تبتسم:الحين بنرقد ..انت ليش مارقدت ؟
عبدالله:مافيني نووووم اقول هدوووووله وش رايك تنومين ابو راس هذا ونسهرعلى فلم انا وانتي ..؟
هديل:والله فكرة ولا يهمك شوووي واجيك..
حماده برطم:انت ابو راس ومابي انام ابجلس معكم...
عبدالله:حبيبي حماده انت راسك اكبر من راسي عشان كذا اقولك ابو راس بس انا راسي صغير مثل راس ريمي هههههههههههههه
حماده:لالالالالا ريمي راسها كبير بعد صح هزيل
هديل تضحك على اخونها:لاحبيبي مو صح كلنا روسنا كبيرة مو بس انت وريمي يله حبيبي نروح ننام عشان بكرة بنروح لعمتي سارة وعمتي نورة يله لازم تنام عشان تقوم بدري شوف ريمي نامت قبلك
عبدالله:خلاص خليه ينام عندي هاه بو حمود تنام عندي او لا ..؟
حماده انبسط على الفكرة:ايه بنام عند عبوووود..وراح معه وهو ينطط من الفرحه
دخلت هديل لغرفتها وهي تفكر باخونها وعماتها وعمامها كلهم يحبونها حتى ابوها مرات يكون حنون وطيب ومرات يكون انسان اول مرة تعرفه بس على كلام عماتي انه عانى من طلاقه كثير ويمكن اللي يسويه يعاقب امي فيني انا آآآآآه يا يمه وينك ؟ وشلون تتركيني من غير تسالين عني وشلون؟؟ وشلون طاوعك قلبك ؟؟ وقطع حبل افكارها عبدالله اللي شايل حماده ..
عبدالله:وين احطه لارميه من النافذه...
هديل ماهي مستوعبه :بسرعه هذا نام وش سويت فيه ؟
عبدالله:اي سرعه الله يهديك معانه انا وياه وطقاق الين مانام بس شكلك بعالم ثاني.."يالله كنت سرحانه من غير مانتبه للوقت الحين الساعه 2 وربع وماحسيت بعمري"حست بالاحراج لان عبدالله كشفها..
هديل:هاته عنك كل شئ ولا حماده ترميه اذ رميته انا ارميك ..اخذت منه
عبدالله:الله كل هذا عشان ابو راس طيب يا هدوووووووله نشوف مين بينفعك انا او هو
هديل وهي تحط حماده على السرير وتغطيه:والله كلكم بتنفعوني ماراح ابدي احد على الثاني ترى اطالع الله ثم اطالعكم مالي غيركم بالدنيا ..تغير صوتها
عبدالله:هدووووووووله ترى مهما اللي يصير انتي اختي حبيبتي واللي يرشك بمويه ارشه بدم كل شئ ولا هدوووووله يله بتروح علينا السهر وحنا جالسين نسولف..ابتسم لها
طلعت هديل وعبدالله وراحو لغرفه وليد ياخذون كم فلم وراحوا لبيت الشعر اللي بالحوش لانه فيه كل شئ فتحوا الانوار والمكيف وجلست هديل وعبدالله راح يشغل التلفزيون ويعيد الفلم من الاول
هديل:عبووووود وش رايك نجيب شئ ناكله او نشربه...
عبدالله:ايه والله صادقه روحي سوي شاهي وجيبي فصفص...
هديل مطيره عيونها:لالاوش فصفص وشاهي بالليل بروح اجيب عصير او ببسي ومكسرات حلو
عبدالله :ok
قامت هديل تجيب اللي قالت عنه وعبدالله يضبط الالوان والصوت وفجاءه جاهم وليد وشاف بيت الشعر مفتوح وطل براسه..
وليد:السلام عليكم...وش تسووووووي لحالك..!!!!
عبدالله:وعليكم السلام تفضل حياك..دخل وليد وجلس وهو مستغرب من اللي قاعد يسويه
عبدالله:ابد جالس انا والغاليه بنتفرج على اخر الافلام اللي عندك
وليد مستغرب:ليش هديل بعد مانامت ؟؟؟.." هديل معروفه عند اخوانها الغاليه"..
عبدالله:لا مانامت وليد بقولك شئ قبل ماتجي هديل
وليد باهتمام:وشو عندك..!!!
عبدالله:سمعت هديل تصيح اليوم وتعرفها لو بسالها ماراح تتكلم عشان كذا انت شوف وش فيها يمكن تقدر تتكلم معك..!
وليد جلس يفكر وش فيها هديل اكيد في شئ يخليها تبكي بصوت مسموع اجل وش عرف عبدالله انها تصيح هي صح كانت تصيح بس ماكن يدري عنها احد الا من عيونها باليوم الثاني بس دام عبدالله سمعها اكيد في شئ كبير..
وليد:انت وش عرفك انها تصيح؟
عبدالله:دقت نوف تبيها ولما رحت اناديها وقفت عند بابها قبل مااطق الباب سمعتها..
وليد:زين انك علمتني والحين قفل على الموضوع شكلها جت..وابتسم
هديل:هاه ابو خالد مشرفنا ..
وليد:احرجتيني ابو خالد مرة وحده هههههههههههههههههههه خليني اخلص دراسه واشتغل بعدين قولي ابو خالد..
هديل:اجل اذا نويت ترى العروس عندي...
وليد:دامها من عندك راضي يكفي انها من عند الغاليه...
هديل مستحيه:انت انوي وماراح تحصل الا اللي يسرك..
وليد:اجل مشتغله خطابه هههههههههههههههههههههههههههههههه
هديل:ههههههه ابركها من ساعه اذا صرت خطابه لخواني عسى ربي يخليهم لي.
وليد:الله على الكلام الحلو المهم تبون شئ بروح انام لاني مانمت زين اليوم...يناظر لعبدالله
عبدالله ويتذكر شكل اخوه:ههههههههههههههههههه نوم العوافي
وليد:تصبحون على خير
هديل+عبدالله:وانت من اهل الخير
بدوا الاثنين سهرتهم وهم متحمسين على الفلم لين ماخلص وطلعوا فوق دخل عبدالله وهديل غرفهم
فتحت هديل الابجوره اللي عند راسها عشان تشوف اخونها حصلت ريمي ماعليها غطى وحماده معتفس نومه يعنى كل شئ فيه بجهه ضحكت عليهم وعدلتهم وباست كل واحد ولما شافت الساعه لقتها 3 ونص الفجر ولسه ما اذن وقالت ماراح تنام الين ماتصلي وجلست تفكر باحداث اليوم وتنزل دمعتها وماحست الا وقت اقامه الصلاة وقامت تتوضى وصلت وحطت راسها على المخده.....

[قمـرهم كلهـم]

::::الجزء الثاني::::



اليوم الخميس الساعه 11 وثلث قامت هديل على اصوات اخونها حماده وريمي وتذكر كيف كانت ليلتها امس من محزنه الى سعيده وشافت حماده يحرك يدينه وكانه يشرح لريمي شئ معين تقربت منهم بكسل ماشبعت نوم..
هديل:صباح الخير على الكتاكيت الحلوين
حماده وريمي :صباح النور
هديل:وش عندكم قايمين بدري.؟
حماده ببراءه:هزيل...انا...نايم...عند عبووود....ليس انا عندك..؟
هديل ابتسمت:حبيبي انت امس نمت عند عبوووود بس انا اخذتك منه.
حماده برطم:ليس؟
هديل:عشان ماقدر اصبر عنك وانت نايم بعيد عني ليكون ماتبي تنام عندي ..
حماده:لالا انا احبك هزيل ..وقام ونام بجنبها وباسها على خدها وسوت بالمثل ريمي ماقلتلكم تؤام
قامت هديل روشت حماده وريمي ولبستهم وخلتهم ينزلون تحت اما هي فاخذت لها دش ونزلت تحت
هديل:السلام عليكم
ام وليد+ابو وليد:وعليكم السلام..حبت راس ابوها ومرت ابوها..طبعا هي ماتبغى هذا الشئ بس موصيه هديل بالشئ هذا عند ابوها بس عشان تكون زوجه المحبه قدامه
ام وليد:بدري تو الناس كان نمتي حتى الظهر ..
هديل:نسيت اركب الساعه ..
ابو وليد:هديل تجهزي انتي واخوانك بوديكم العصر لعمتك سارة لان عندي مشوار المغرب واخاف اتاخر عليكم...
هديل:ان شاء الله يوبه..وباللحظه ناظرت خالتها اللي مفوووله على الاخر
ام وليد:الله من العصر بتوديهم لا مايطلعون الا عقب صلاة المغرب وزين مني خليتهم يرحون المغرب
ابو وليد:انتي وش فيك احد يروح لناس اخر الليل لاانتي رايحه معهم ولا شئ لو رايحه معهم بكيفكم لو تروحن اخر الليل روحوا بس انتي معزومه مافيها شئ اذ راحوا من العصر وبعدين ماراحو لبيت اغراب
ام وليد تحاول تكون طبيعيه:انا ماقلت شئ بس فشيله يروحون بدري انا اقول وليد يوديهم بعد صلاة العشاء احسن يكونون مجتمعين كلهم..
ابو وليد:انا قلت انا بوديهم وانا بجيبهم وانتهينا ..
ام وليد صدت لصوب الثاني وهي تحوس بشفايفها وتقول بعديها هالمرة بس المرة الجايه ماراح تخليهم
حماده:ماما زوعان..
ريمي:حتى انا زوعانه..(يعنى جوعانه)
ام وليد بنرفزة:هديل اشوف قمتي ولا فطرتيهم قومي اشوف فطريهم ياحبيلك لتسمع السواليف
قامت هديل ولا قالت شئ وعلى روحتها سمعت ابوها يقول
ابو وليد:خفي على البنت وش بلاك عليها لاتنسين تراها بنتي مو شغاله عندك..
ام وليد تتصنع البراءه:يوه يا ابراهيم والله ماقصد شئ وهذولا بعد عيالك وانا اذ صرت مع هديل كذا عشاني ابيها تكون حرمه سنعه ويقولون ان شيخه عرفت تربي بنت زوجها ...
ابو وليد ماقال شئ لانه يعرف انه زوجته على حق ..



ام نواف:نواف وين اختك نوف ؟
نواف:اعتقد انها نايمه..
ام نواف:يوه الى الحين نايمه قوم طق عليها الباب يله تقوم تسوي الحلى اللي صاجتنا فيه من اسبوع
نوف تطل عليهم:انا هناااا كاني سمعت اسمي ينذكر..تبتسم
ام نواف:ايه ذكرناه تعالي الحين وش ناويه تسوي حلى القهوة
نوف تستهبل:جبتو اسمي خير او شر..وبعدين اي حلى قهوة مااذكر اني قلت بسوي حلى قهوة
ام نواف:يومي ماراح يجي الا على يدين ام لسان هذي...
نوف وعلامات الاستغراب :ليش يمه عسى عمرك طويل ان شاء الله وش قلت الحين
ام نواف معصبه:نووووفووووه قومي عني الشرهه مو عليك على اللي يتكل عليك
نوف تحتضن امها وتبوس راسها:لالا خلاص ولا يهمك الحين اسويك صنفين من الحلى كم سارة عندي هي وحده ويالله قادرين عليها..
ام نواف تمسكها من اذنها:ياللي ماتستحين على وجهك صدق انك ام لسان الحين انا يالله قادرين على طيب يانويف تبين شئ مني يصير خير روحي عني .وانت(تكلم نواف اللي فاطس ضحك عليهم) بدل ماتضحك قوم ادب اختك ام لسان طويل يبيله قص ..قصه وريحني منه..
نواف:يمه انتي ماقدرتي عليها تبيني انا اقدر لها والله لو اني عايف نفسي هههههههههههههههههههههههه
نوف بعصبيه:هييييييييييييييه احترم نفسك وش شايفني عفريت قدامك"تقلد بصوته"والله لو اني عايف نفسي مالت عليك وعلى نفسك ..
نواف:هههههههههههههههههههههههههههههههههههههههه صدق ماكذبت امي ام لسان طويل
نوف:على الاقل احسن من اللي ماله صوت بالبيت وجوده مثل عدمه..
ام نواف:نوووفووووه قومي يله طسي عني للمطبخ من على الضحى صاجتنا
نوف تحب على راس امها:ان شاء الله يا ام نواف ولا يهمك كل شئ ولا زعل الغاليه الحلوة ام نواف اللي طالعه علي انا وبس ..
نواف:ههههههههههه وربي ماخذه على عمرك مقلب هههههههههههههههههههههههههههههههه
نوف:يازينك ساكت انت بعد..
ام نواف بعصبيه:نوووفوووه لا احترمتيني ولا احترمتي اخوك قدامي اشوف رفعتي ضغطي
نوف:طيب طيب لاتعصبين يالغاليه بروح see you
نواف:هههههههههههههههههههه بنتك هذي رهيبه ماا قوول الا الله يعين زوجها
ام نواف:عسى ربي يهديها ويثبت عقلها
نوف تطل من المطبخ:اميييييييييييييييييييييييييييييييين ... ضحك اخوها نواف وامها فتحت عيونها..."وين تعقل وهي لسانها طويل"....
ام نواف اللي هي العمه سارة حنونه وطيبه وتحب الناس اجتماعيه مع الكل تزوجت ولد خالتها ابو نواف يحب زوجته وعياله وخاصه نوف لانها البنت الوحيده قلبه كبيره يسامح.. اما نواف هذا صديق وليد الروح بالروح خفيف دم وطيب بس انه خجول ومتسامح اما نوف هذي زي ماشفتوها لسانها طويل وتاخذ حقها بالسانها زي مايقولون واما فواز اخرهم صديق عبدالله ودايم مع بعض بس فواز عكس نواف يحب يتناقر مع اخته مو يسكت مثل نواف..
دق التلفون وقام نواف رفع السماعه
نواف:الوووووووو
هديل بحياء:السلام عليكم ..
نواف:وعليكم السلام..
هديل:ممكن اكلم نوف .؟
نواف:طيب لحظة..راح للمطبخ ينادي نوف
نواف:Noof you are wanted on the phone
وطلعت نوف تركض من المطبخ عشان تكلم واخوها يضحك على خبالها
نوف:hlleo,Noof is speking
هديل تبتسم:هلا نوف وش اخبارك..
نوف:هلاوالله بالصوت هاه بشري؟
هديل:بسم الله انتي دايم كذا عجله يابنتي اركدي..
نوف برطمت:حتى انتي اليوم قايمه علي مو يكفي اللي عندي..نواف فاطس ضحك على اخته وامها مسكت راسها عشان ماينفجر زي ماتقول..
هديل:عسى ماشر وش مسوينلك؟
نوف:ماشر ..هاه بشري وش صار؟
هديل حبت تستهبل على بنت عمتها:مدري وش اقولك اكيد لا
نوف بضيق:اهااااا طيب حاولي قولي لوليد يجيبك ..
هديل:حاولت تقول مين يجلس يالبيت ومافيه احد وانتي ابخص عاد...مسكت ضحكتها
نوف وخلاص وصلت معها:طيب خلاص الله مو كاتب نشوف بعض ...سكتت
هديل ميته ضحك على نبرة صوت نوف وقالت ياويلي انا وش قلت
هديل تضحك:هههههههههه نوف وش فيك هههههههههههههههههههههههههههههههههههههههههه
نوف بعصبيه:لا والله ماتدرين وشفيني ليش الغوله كذا تسوي معك لييييييييييييش؟وانتي مبسوطه حظرتك اجل مو الغوله اللي رافضه انتي اللي رافضه ماتبين تجين....
هديل:هههههههههههههههههههههههههههههههههههههههه ههههه ههههههههههههههههههههههههههههه
نوف بعصبيه:هديلوووووووووه ووجع احر ماعندي ابرد ماعندها احسن لاتجين حنا اصلا مانبيك تجين
هديل تحاول تتكلم:ههههههههههههههه نوف لحظه هههههههههههههههههههههههههههه خليني اتكلم
نوف بعصبيه:تكلمي من ماسكك انتي اتركي الضحك وتكلمي ....
هديل ميته ضحك عليها مو قادره تسكت
نوف وهي تصرخ :هديلوووووووووووووووووووووووووووووووووووه وعمى تكلمي
هديل:ههههههههه طيب طيب لاتعصبين ههههههههههههههههههه بنجيكم ان شاء الله هههههههههههه وازيدك من الشعر بيت بنجيكم بدري يعنى العصر حنا عندكم انبسطتي ...
نوف مو مصدقه:احلفي هديل قولي والله بتجووون ولا العصر يااااااااااااي طيب بروح اخلص اللي بيدي عشان اتجهز لكم بس حسابك معي عسير يالدبه...
هديل:هههههههههههه خلاص بكنسل الجيه...
نوف:لالالالالالالالالالا خلاص ماراح اسوي شئ اهم شئ تجين الللللللللللله وناااااااااااااااااسه
هديله:يله ماطول عليك روحي خلصي اللي بيدك بااااااااااي
نوف:بااااااياااات..سكرت نوف من عند هديل وهي تدور بالصاله وكانها تطير..
نوف:يمه ياحلى ام بالدنيا هدوله بتجي واخيرا بنشوفها..
ام نواف:اشوا والله هالبنت كاسره خاطري ماتطلع زين جت عندنا ..ماقالت تجي خالتها
نوف:ماقالت شئ يمه وش تبين فيها الغوله ياربي ماطيقها خيرشر...
ام نواف:انا مادري متى بتعقلين وتلمين هالسان الطويل ياام لسان استحي على وجهك تقووولين للحرمه غوله عيب عليك ياربي منها هالبنت..مو اسمعك تقولينها عند امي وعمتك نورة والا عند اي احد والله لجيب يومك تسمعيني انتي..
نوف:وانا صادقه ماتشوفين وشلون ماتخلي هديل تروح معنا مكان عشان ماننفرد فيها وتقول عمايلها معها بس هديل الغبيه ماتتكلم ..
ام نواف:ياليتك بس يصير عندك نص عقل هديل
نواف:هههههههههههههههههههههه يمه كثير منها هههههههههههههههههههههههههههههههههههههه
ام نواف:لا اذا جلست عندكم انتم الاثنين بيجيني شئ منك خلوني اقوووم احسن لي ..وقامت عنهم وطلعت فوق تشوف ابو نواف وفواز ليش ماقاموا
نوف تقلد بصوت اخوها:يمه كثير منها هههههههه مالت عليك ..ورمت عليه المخده
نواف:هههههههههههههههههه تراى والله اذا قمت تعرفين وش اسوي..
نوف:والله خوفتني ياعنتر زمانك يعنى وش بتسوي هااااااااااه
ولما شافته قام وجاء صوبها خافت وانحاشت للمطبخ وقعد يضحك عليها...


*
*
*
*

خلصت هديل الصلاة وكانت الساعه 3 ونص ..حماده متجهز من بدري وراحت لـ ريمي شافتها بسابع نومه فتركتها واخذت ملابس احتياطيه ورتبت كل شئ بشنطه صغيرة معها ولما طلعت من غرفه حماده شافت وليد طالع فوق ابتسمت له ..
وليد:هلا والله بالغالية..
هديل مبتسمة:هلا بك من وين جاي..؟
وليد:كنت ببيت الشعر الا صح ماقلتيلي صدق بتروحون لعمتي سارة؟
هديل:ايه محد قالك ماتشوف عبدالله مبسوط ومتنشط بغرفته فرحان..ولا تنسى تجي لان الكل مجتمع
وليد بجديه:هديل ابيك بكلمه راس ممكن..!
هديل تبتسم:افاااااا عليك هديل تحت امرك ..
وليد:اجل تعالي لغرفتي احسن..
هديل مستغربه:OK.. ومشت ورا اخوها لغرفته وسكر الباب عشان محد يزعجهم
وليد:اجلسي هدوووووووله ليش واقفه..
هديل تجلس على السرير :خير وليد اشغلتني وش فيك..؟
وليد بتردد:احم احم ..هديل امممممم ليش ...ليش..امس تبكين؟
هديل نزلت راسها:عبدالله قالك؟
وليد:ايه..واعرفي انه ماقالي الا خايف عليك مثل ما انا خايف عليك وكان بيسالك بس يعرف انك ماراح تقولين له شئ فعشان كذا قالي ..هديل انا اخوك صارحيني وش فيك؟
هديل:..........
وليد رفع راسها وشاف عيونها مليانه دموع:هديل احنا سندك بالدنيا بعد الله ثم ابوي عسى ربي يطول بعمره اذا ماقلتي لنا لمين تقولين...؟
هديل تحاول تمسك نفسها:مافي شئ ياوليد لاتشغل بالك..
وليد بنظرة حنان:اذ ماشغلت بالي على اختي حبيبتي اشغل بالي لمين ..هاه قولي وش مضايقك؟
هديل:..........
وليد: كلنا نعرف ان امي وشلون تعاملك بس صدقني قلبها طيب وماتقصد شئ ..
هديل:وليد ما اقدر اتاخر على الساعه 4 لازم نكون جاهزين ..قامت تبغى تطلع
وليد مسكها بكتفها:توعديني انك تقوليلي اللي مضايقك..؟
هديل ابتسمت:اوعدك بس مو الحين..
هز راسه بالايجاب وطلعت وهي ماسكه نفسها تخاف تنفجر باي لحظة ودخلت غرفتها على طول وسكرت الباب وتسندت عليه ورفعت نظرها لفوق تستنجد ربها مثل كل مرة ولما هدت شوي راحت تقوم ريمي اللي مو راضيه تقوم اخذت لها دش سريع وتتجهز قبل ماتقوووم..


دخلت العمة نورة في بيت الشعر اللي بالحوش تدور على ناصر عشان يوديها لبيت اختها يوم عرفت ان هديل بتجي من العصر من زمان ماشافتها وهي ماتحب تروح لبيت اخوها كثير عشان زوجته شيخه تترصد حركاتهم وكلامهم ولاتتركهم على راحتهم..طبعا انتم عارفين ان نورة ماعندها عيال وربي رزقها اولاد زوجها ومعتبرينها امهم واكثر عشان كذا يسمون نورة(ام محمد )..
ام محمد تطلقت من زوجها الاول بسبب الانجاب ماقسم لها ربي وجلست مطلقه 3سنوات وكان عمرها 27سنه ولما طلق ابو هديل امها جابها عند اخته عشان تربيها من غير ماحد يعرف وش هي الاسباب وابتعد ابو هديل عنهم ولاحد يعرف وينه بس قبل مايبتعد قال لخته نورة وامه...

"ابو هديل:اللي يجيب طاري امها..(ياشر على هديل الطفله)راح تتضرر وانتم بكيفكم وطلع "..
عشان كذا خافوا على هديل انها تضرر زي مايقول ابوها وفضلوا السكوت لانهم يعرفون وش بيسوي اذ عصب وهي مالها ذنب..ونورة من النوع اللي يفوووول بسرعه بس على طول تهدي لان قلبها طيب ومتسامحه ..ولما تزوجت من ابو محمد كان عمر هديل سنه وشهرين فاخذت هديل معها لبيت ابو محمد والكل انهبل على الطفله الصغيرة ...



دخل خالد البيت وشاف امه طالعه من بيت الشعر.....
ام محمد:يمه خالد اشوا انك جيت ..
خالد باهتمام:عسى ماشر يايمه وش فيك..؟
ام محمد:لايمه مافي شئ بس ابيك توديني لبيت خالتك سارة.."طبعا دام امهم نورة اكيد اخوانها يكونون خوالهم" ..
خالد يبتسم:الحين عاد يمه خليني ارتاح شوي وبعدين من الله خير ولاحقين على خالتي سارة وبعدين مو انتي قايله تبين تروحين من المغرب وش اللي غير رايك الحين..؟
ام محمد:ايه انا قلت بس عشان هديل واخوانها بيجون الحين وانا ودي اجلس معها واخذ علومها وانت تدري هالبنت قليل ماتجتمع معنا ..
خالد مستغرب:هديل بنت خالي ابراهيم ..؟
ام محمد بعصبيه:ايه هديل بنت خالك وش فيك مستغرب كانك اول مرة تدري بهديل ليكون نسيت اني مربيتها بعد ..
خالد يبتسم:لا والله مانسيت بس من زمان ماسمعت عنها ..
ام محمد:والحين سمعت هاه توديني او اشوف غيرك..؟
خالد يحب راس امه:ماطلبتي يا ست الحبايب انا جاهز بس خليني اخذ كم ورقه من مكتبي واكون جاهز ..
ام محمد:خلاص انا بكون جاهزه بعد ربع ساعه زين كذا يكفيك ..؟
خالد:على راحتك يايمه وترى هديل ماراح تطير ..راح وهو يبتسم على امه

راحت نورة المطبخ عشان تشوف الشغالات وش سوو بالاكله اللي مسويتها...
ام محمد:انتي سوي الحين واذ خلص اتصلي علي عشان اقول مستر خالد او ناصر ياخذه .
الشغاله:تيب مدام ..
وراحت عنها ام محمد عشان تتجهز مثل ماقالت لولدها قبل شووي..



طلعت هديل من الحمام ولاحظت ان ريمي مالها نيه تقوم على طول فتحت دولابها وطلعت منه تنورة جينز لونها مرة حلو مو الجينز الكحلي..كان الازرق الي مو غامق ولا فاتح وكانت مخصرة من فوق ومن عند تحت وسيعه بس مرة حلوة واختارت بلوزة من نفس درجات الجينز مقلمه بخطوط عرض وكمها طويل ولما لبستها شافت انها متناسقه وتذكرت كلام خالتها ان عندها ذوق وابتسمت قالت غربيه احصل مدح منها وهي دايم تنتقدني..على طول راحت للتسريحه عشان تعدل نفسها ولما رفعت للميك اب وحطت شوي على وجهها لان لاحظت شحوب فيها بشره هديل من النوع الحنطي الفاتحه المايلة للبياض ولما خلصت من الميك اب حطت شدو خفيف مرة مناسب للالوان ملابسها وحطت كحل وغلوس ثم سحبت الفوطه اللي على راسها وعلى طول طاح شعرها ميزة شعر هديل انه اسوووود بقوة مثل ماتقول جدتها منيرة مثل سواد الليل وكان ناعم بس فيه تموجات خفيفه يعنى لو تتركه على الطبيعه يصير مجعد بس كان مرة حلو ولا يحتاج للاستشوار ابدا ويوصل لنصف ظهرها قامت نشفته بالاستشوار عالسريع عشانه مبلول ومافي وقت ..وفكرت هالمرة تتركه مفتوح لان دايم ترفعه وخذت خصل من على جوانب شعرها وشبكته بشباصه صغيرة من الوسط وطلع شكلها جنااان..
وناظرت لنفسها بالمرايه لقت شكلها بسيط جدا لانه هديل تقتنع بالموجود وتحب البساطه..هديل على قدر من الجمال ولاهي بطويله ولاقصيرة يعنى مثل طول بنات الوقت مناسب..تحركت ريمي على صوت الاستشوار وفتحات الادراج فانزعجت وقامت تبكي على دلع راحت لها هديل وهي تبتسم
هديل:هاه حبيبتي قمتي يله خليني البسك عشان بروح الحين والا بتجلسين عند ستي..(اسم الشغاله)
ريمي هزت راسها بالنفي وحاطه يدها على عيونها تبي تطرد النوم فضحكت عليها وشالتها وغسلت وجها ولبستها وحطتلها شوي عود مخلط جابته عمتها نورة وتعطرت هي منه ولما خلصت سمعت صوت عبدالله ينادي عليها عرفت انه الحين بيروحون..
سكرت بابا غرفتها وقفلته لان ماراح احد يكون بالبيت ولما مشت في الممر طلعت مرت ابوها وهي تناظر فيها من فوق لتحت..
ام وليد:اشوفك ماصدقتي خبر متزينه ومتعدله..المهم لاتتاخرون بعد ماتتعشووون على طول تجون للبيت مفهوم..وراحت عنها مرت ابوها من غير ماتسمع رد من هديل واصلا ماراح تقول شئ غير
ان شاء الله..نزلت هديل بسرعه وشافت عبدالله وابوها جالسين ينتظرونها ..
هديل:انا جاهزة....وين حماده..؟؟؟
عبدالله:الحين بيجي يقول بيشرب مويه..
ابو وليد:هاه جاهزين او لسه لان عندي موعد بعد ساعه ..؟
هديل:لايبه جاهزين..عبدالله شيل الشنطه ..
عبدالله:تامرين امر لو تبيني اشيلك انتي وريمي ماعندي مانع..وابتسم لهديل اللي انحرجت من كلام اخوها وتقول بنفسها مايترك حركاته وجاهم حماده وهو يبتسم..
وركبوا بالسيارة هديل طلبت من عبدالله يركب قدام لانها ماتعودت تجلس قريب من ابوها بس عبدالله عدا الموضوع ولا حب يناقشها ..
وصلوا لبيت العمه سارة وكان الباب مفتوح هذي عوايد بيت ابو نواف عمر بابهم ماتسكر الا اذا سافرووا
ودخلت هديل الصاله وهي شايله ريمي اللي كانت نايمه وحماده وراها مستحي وقلبها يدق بقووووة كانها اول مرة تدخل البيت يمكن لأنها من زمان ماشافتهم..اول مادخلت للصاله وقفت مكانها عجزت رجولها تتحرك ماتدري خوف او حياء ماكانت تدري وش السبب..استهدت بالله ومشت للكنب اللي بالصاله ونادت ..
هديل:عمتى سارة ..نوف ..؟
ولاحصلت رد جلست على الكنب لانها تعبت من ريمي وحماده مبتسم ووقف عندها وشوي ودخل ابوها وعبدالله وحصلوها لوحدها...
ابو وليد:وينهم مانديتي عليهم..؟
هديل:الا بس محد رد اكيد هم فوق..!
عبدالله:اجل بروح فوق اشوف فواز وبنادي عمتي مرة وحده..وراح فوق
(عبدالله متعود على بيت عمته وكانه بيته ونفس الشئ فواز بس مايطلع فوق لان يعرف هديل تستحي ومايحب يحرجها )..

ام نواف فرحانه:اسفرت وانورت تو ماتبارك البيت هلا والله باخوي وعيال اخوووي وحبت راس اخوها وراحت عند هديل..
ابو وليد:متبارك باهله وش اخبارك ياسارة وش اخبار ابونواف والعيال..
ام نواف لامه هديل:كلنا بخير نسال عنكم انت وش اخبارك واخبار شيخه والعيال؟
ابو وليد:بخير وشيخه بخير وتسلم عليكم وكان ودها تجي بس تعرفين معزومه على زواج نسايبهم بس مثل ماتقول الجايات اكثر من الرايحات..
ام نواف التفتت على هديدل وتبتسم :وانتي يمه هديل وشلونك عساك بخير ؟
هديل تبتسم:بخير الحمدلله ..
ام نواف شافت ريمي وهي نايمه بحظن اختها وباستها
ام نواف:ياربي عليها ماكبرت هذي البنت سبحان الله تبي تصير مثل عودك ياهديل ..هديل نحيفه مرة مو محرومه بالعكس كل شئ متوفرلها بس النفسيه والتفكير وش تسوووي
هديل انحرجت من عمتها وتعرف ان عمتها ماتقصد شئ :والله ياعمتي هي ماتاكل الا بطلوع الروح ولاتنسين انها عنيده على عمتى نورة ..
بهالوقت دخلت نورة وولدها خالد للصاله وهو يبتسم على امه وعصبيتها ..
ام محمد بعصبيه:وش فيها عمتها نورة هااااه هي تطول تصير مثلي ...السلام عليكم
الكل:وعليكم السلام..على طول هديل من لمحت زول رجال داخل مع عمتها تغطت وام محمد راحت تحب على راس ابو وليد
ام محمد:وشلونك ياخوي عساك بخير وشلون شيخه والعيال؟..عاش من شافك.
ابو وليد:عاشت ايامك..بخير الحمدلله..
ام محمد وهي تحتضن هديل وكل هذا قدام عيون خالد:هلا يمه هديل وشلونك يمه وين ماتسالين على عمتك ولا شئ ..
هديل وهي تحاول تتزن بوقفتها ومحتاسه بعبايتها وباختها:هلا عمتي بخير عساك بخير..انتي وشلونك وشلون عمي ابو محمد والله مشتاقه لكم..ام محمد تضرب هديل على كتفها بخفه..
ام محمد:والله لو اني ماربيتك بقول تكذبين علي..مشتاقه طيب اسالي عني مو شرط تجين كلمي بالتلفووون على الاقل اطمن عليك وعلى اهلك ..
خالد:هلاخالي شلونك عساك بخير..وحب على راسه لان ابو وليد ماانتبه لخالد اللي واقف وراه
ابو وليد:هلا بوليدي خالد..بخير انت شلونك وشلون دراستك..؟
خالد:الحمدلله بخير..ودراستي خلصتها والحين اشتغل مع الوالد بالشركه..
ابووليد:ماشاء الله ياسرع الدنيا تركض الله يكفينا شرهااا.
الكل:امييييييييين


^^^^^^^^


الحين ابغاكم تقولون رايكم فيها

يعني عجبتكم ولا لا

عشان اكملها لكم

تحيــــ111تي

[Busted - Salomy]

أكيد كمليها قصة حلوووووووووووووووه يعطيك العافية

بلييييييييييييز التكملة

[قمـرهم كلهـم]

ان شاء الله خيوو بكملها ومايصير خاطرك الا طيب

بس انتظر احد ثاني يرد عشاان اشوف الي متابعين

اذا كثيييييير كملتها

تحيـ111تي

[ونـ العسولة ـات]

ثينكس عالمعلومات المفيدة
يسلمووووو
ماقصرت
انشاء الله تعم الفايدة للكل
يلا
مع السلامة

[mmlo07a]

اكيد كملييهااااااااا قصه اكثر من حلوه
حدي ناطرتج :)

[قمـرهم كلهـم]

ثينكس عالمعلومات المفيدة
يسلمووووو
ماقصرت
انشاء الله تعم الفايدة للكل
يلا
مع السلامة

يسلمووو ع المرور الحلووو مثلك

ربي يعطيك الصحه والعافية

ماننحرم من هالطله ،،

[قمـرهم كلهـم]

اكيد كملييهااااااااا قصه اكثر من حلوه
حدي ناطرتج :)

والله مرورج الي اكثر من حلووو

وبكملهاا بأقرب وقت ان شاء الله

بس شنوو هذا مافيه نااس وايد تشجع :(

[مدمنة الافلام]

روووووووووووووووووعه


كمليهاااا

[قمـرهم كلهـم]

روووووووووووووووووعه


كمليهاااا

الاروع مرورك حبيبتي

ان شاء الله التكملة تصير بالليل لان الجهاز الي قاعده عليه ماحافظه القصه فيه

آسفه حبآيبي

[شوق حياتي]

هلا وغلا

القصه رووووووعه


بس نبي التكمله بسرعه بلييييييز

[حنو 333]

الفصة روعة تسلمين وكملي بليززززززززززززززززززز

[شوق حياتي]

هلوووووووو حبي وين التكمله

[قمـرهم كلهـم]

شوق حياتي

هلا فيك حبيبتي

تسلمين ع المتابعه والحين بكملها عشان خاطرك وخاطر المتابعين ،،

حنو 333

ربي يسلمك وان شاء الله اكملها لكم ،،

[قمـرهم كلهـم]

::: الجزء الثالث :::

جاء المغرب وكانوا البنات فوق يصلون والكل كان موجود الجده منيرة ومرت ولدها عبدالعزيز وام سلطان وبنتها منال..اما ام حمد زوجه ولدها صالح ماجت لانها معزومه على زواره من جماعتهم..
كان بالصاله الجده منيرة وعيالها فواز وعبدالله وحماده اما ريمي فكانت مع هديل وين ماراحت ويوم نزلت هديل تحت وكل شوي تناظر وراها لان ريمي متمسكه بالدرازين خايفه تطيح ومرة بطيئه وهديل تبتسم لها ماتبي كل شوووي تشيلها تبيها تتعود..وقبل ماتنزل وقفت مكانها لما سمعت فواز وعبدالله يضحكون مع جدتهم رفعت الجلال اللي على كتفها وحطته فوق راسها لان فواز بعمر عبدالله ولاحبت تتغطى عليه اكتفت بالحجاب ونفس الشئ مع البنات..وكان موقع درجهم في وسط الصاله الكبيرة اللي مجتمعين فيها وينزلك على طووول لها..

هديل:السلام عليكم..
الكل:وعليكم السلام..
الجده:هديل وين عماتك والبنات ؟
هديل تناظر وراها وتبتسم:الحين يجون يمه ..فواز شلونك وشلون الدراسه؟
فواز:بخير الحمدلله واذ على الدراسه اسالي اخوك عني وش يقووولك..
عبدالله يرفع ضغطه:ترى دااااج بالدراسه ولا يدري عن شئ وكله نايم بالفصل ههههههههههههه
الجده بعصبيه:فووووززززوه تنام بوقت الحصة يا البليد..وترفع العصى عشان تبي
تضربه..هي ماراح تضربه بس تخوفه
فواز يدافع عن نفسه:لا والله يمه منيرة والله انه يكذب عليكم اصلا هو اللي ينام مو انا ولا ينحاش من الحصص بعد..عبدالله كان فاطس ضحك عليه و لما سمع الجمله الاخير طير عيونه...وهديل تضحك على هبالهم وجلست على طول وجلست ريمي بحظنها..
الجده:هاه يا اللي متستحون على وجيهكم ياللي ماتخيلوووون تنامون بالحصص وتنحاشوون الشره مو عليكم على امهاتكم اللي مخلينكم تفرفرون بالليوول لارقيب ولا حسيب بس هين دواكم عندي ..ورفعت عليهم العصى عشان تضربهم بس تقامزوووا الاثنين وطلعوا للحوووش..
هديل تضحك:هههههههههه يمه منيرة وش فيك عليهم تراهم يمزحون معك..والا فواز وعبدالله ماشاءالله عليهم شاطرين بدراستهم..
الجده معصبه:يمزحون مالت عليهم وعلى مزحهم اللي مثل خششهم انا مادري ليش مايضربونهم عشان يتادبوووون ويصيرون رجاجيل ..
هديل تهدي جدتها:يمه منيرة الله يهديك عمر الضرب ماجاب نتيجه وانتي لاتزعلين عشان اثنين مهبل
الجده:ايه والله صادق مهبل ولاتربووووا بعد..
نزلووا البنات بذا الوقت وجلست منال عند الجده منيرة ونوف جلست بجنب هديل وتسالها..
نوف بصوت واطي:وش فيها امي منيرة شابه نار...
هديل:عشان الثنائي المرح اخوك واخوي..
نوف مشمئزه منهم:اسكتي الله يعافيك لاتجيبين طاريهم يسدون النفس هالاثنين...
منال:انتم وش عندكم تتساسرووون..
نوف:وانتي وش دخلك يا الملقوووفه..وطلعت لسانها
هديل تسال منال:وش اخبارك مع الانقلش..؟؟؟؟
الجده:وش العنشليش..
البنات:هههههههههههههههههههههههههههههههههههه هههههههههههههههههههههههه
الجده مفوووله:تقووولون مثل العالم والناس والا والله اكسر هالعصى على روسكم..
منال كانت اقرب وحده منهم وخافت على عمرها:خلاص خلاص يمه هههههههههه بقولك هذا يا طويله العمر ماده اسمها انجليزي ادرسها بالجامعه هههههههههههههههه
الجده:يابنتي وش الله حادك على الدراسه والغثاء اجلسي بالبيت وادرسي المطبخ من امك مو اللي قلتي عنها مدي وش هي ...
نوف:لا يايمه وش تبي تتعلم الطبخ وريحت البصل والزفره ويييييييييييييع اللهم لك الحمد لازم تدخل الجامعه عشان تصير معها بكالوريوووس....
الجده:وش يطلع بعد هذا البكوولوروكس..وش يطلع هذا بعد.؟؟؟؟؟
البنات:هههههههههههههههههههههههههههههههههههههه ههههه ههههههههههههههههههههههه
الجده:هاه ياوسيعات الوجيه بلاك متربيات زين لو انكن متربيات كان صرتن مثل حريم اول يطبخن وينفخن مو تدورن على بكوووولوووركس ومدري وش الثاني ..
دخلن العمات الصاله ويشوووفون البنات فاطسات من الضحك وامهم مفوله عليهم ..
ام نواف:ياحافظ وش فيكم تضحكون ؟وش مسويه فيهم يمه؟
الجده:انا مسويه فيهم ليش ماتسالين بناتكم وش مسوين فيني..بنات الوقت هذولا يبيلهن تاديب وتربيه من اول وجديد بس ماقول الا الله يخلف على امهاتهم..

ودخلت عليهم ام سلطان وهي نفس الشئ مستغربه من الصاير في الصاله..ويدق جوال ام محمد وطلعت من عندهم للحوش ..ناظرت الجده منيرة لشعر هديل المفتوح
الجده:هديل يمه ليش فاتحه شعرك يله اربطيه لايجيه شئ وتقصينه بعدين..تغدين مثل الجخاخه المنتوفه...وهي تناظر نوف لان نوف ماتحب تطول شعرها يعنى تحب تبدع فيه من قصات وصبغات ونفس الشئ مع منال بس منال تحب تصبغ من غير ماتقص لو تقصه تختار موديلات بسيطه وناعمه..هديل تضحك على جدتها ونوف اللي مفوله على جدتها
نوف بعصبيه:وش فيه الشعر القصير هذي موضه الوقت واتحدي تحصلين احد مطول شعره..
الجده بنرفزة :ماقول مالت عليك من وين طلعت علينا هالموضه..شوفي هديل بسم الله عليها وشوفي شعرها اسود اصلي مثل سواد الليل مو انتي اللي كل يوم لون كانك علبه الوان تتنقل بكل مكان وهذي منال بسم الله حارسها شعرها طويل وش زينه مو انتي فالحه موضه ماموضه بيجي بكرة وتتحسفين تقولين ياليتني مثل شعوركم ....
نوف مفتشله:اصلا هالثنتين مهبولات عمرهن مافكروا وشلون يغيرون من اشكالهم مافيه مخ..


الجده معصبه:والله انتي مافيك مخ والمهبووووله الحمدلله احد يغير خلقه ربك ((وخلقنكم في احسن صورة))هذووولا يفكرن بعقلهم مو مثل بعض الناس يدبكن مع اللي يدبكون..وهنا الكل ضحك على الجده ونوف اللي ماقدرت تجادل جدتها ..
وبعد النقاش والضحك على نوف والجده دخلت ام محمد تنادي هديل ..
هديل:هديل تعالي ابيك شوووي..
هديل:ان شاء الله..ريمي حبيبتي تجلسين عند عمتي سارة شوي واجيك خلاص حبيبتي
ريمي من النوع اللي يرضى بسرعه هي صحيح عنيده بس بوقت اللعب وراحت لعند عمتها سارة اللي تموت بالاطفال وخاصه تموت بريمي وجلستها بحضنها واعطتها بسكوت وكم قطعه بيتفوور..
نوف:وش معنى هديل ليش حنا مو قد المقام ياخالتي والا لا..؟
ام نواف ترص بسنونها:انتي استحي على وجهك كم مرة اعلمك ماينفع معك غير عصى امي يمه هاتي عصاك شوي بضرب ام لسان طويل..
منال تضحك على نوف ولقافتها وام سلطان تطالعهم وتتبسم والجده على طول جاهزة لكل شئ عطت بنتها العصى اقل شئ تاخذ حقها من ضحكهم عليها ..
نوف:خلاص يمه والله توبه والله ماعيدها..وضربتها امها بس خفيف
نوف تتصنع الالم:اح اح يمه والله ضربك حار ..وتفرك مكان الضربه
ام نواف:احسن يازين هبدت هالراس عشان تعرفين اذا يعور او لا..

*طلعت هديل للحوش تدور على عمتها نورة وشافتها جالسه على درج مدخل قسم
الرجال لانه بعيد عن مدخلهم الاساسي وعشان ياخذون راحتهم بالكلام..
هديل تجلس بجنبها:هلا عمتي امريني.. تعرف ان عمتها ماتناديها الا عشان
تسالها عن اخر التطوارات في بيتهم وهي من النوع اللي يكتم بداخلها الا عن
عمتها لان ماقد خبت عليها اي شئ ....
ام محمد:مايامرعليك عدو..انتي تعرفين ليش مناديتك..يعني مايحتاج اتكلم واسأل..
هديل عضت على شفايفها..ونزلت راسها ماقدرت تقول شئ غير حضنتها
بقوه وصاحت و ماقالت شئ غير تمسح على راسها وتسمي عليها وتهديها..
منال طلعت تدور عليهم عشان تبي تسال عمتها وش يبغون يطلبون عشى
لما سمعت اصوات راحت لجهه الصوت وشافت عمتها حاضنه هديل وتبكي...
"وشفيها هديل؟ توها وش زينها معنا"..عمتها انتبهت عليها واشرت لها ماتقوول
شئ وتروح هزت راسها وراحت..
دخلت الصاله ولقتهم يضحكون كلهم ..
ام نواف:هاه منال وش قالت عمتك..؟
منال تحاول تبتسم:ماشفتها..
نوف قمزت من مكانها:وين راحوا بروح ادور عليهم..بس الجده قفلت الطريق بعصاها..
الجده:انتي وش دخلك بين بنت وامها..هاه
نوف ببراءه:والله صدق خالتي هي ام هديل؟
ام نواف ماسكه راسها:اااااه ذبحتيني جننتيني قومي روحي للمطبخ جيبي القهوة
ولاتنسين قهوة امي على النار سكري عليها وجيبها..ام نواف ماعندهم شغاله
مو رفض من زوجها لا هي اللي ماتبي الشغاله تحب تدبر بيتها بنفسها...
راحت نوف للمطبخ وتسحب منال من يدها ولما وصلوا المطبخ سالتها..
نوف باهتمام:احلفي ماشفتيهم؟
منال:شفتهم بس ماحبيت اقولهم اللي شفته..!!
نوف:وش شفتي..؟؟؟
منال:شفت هديل بحضن عمتي وتصيح مسكينة وربي كاسرة خاطري..
نوف بضيق:طيب توها وش زينها معنا وش فيهااا.؟
منال بحيرة:والله علمي علمك هي معنا من اليوم ولا طرت لنا شئ وانتي تعرفين
بنت خالك ماتقول شئ الا لعمتي ..
نوف بتفكير:يعنى تتوقعين هديل مو مرتاحه لنا ومرتاحه لخالتي نورة اكثر..؟
منال فقدت اعصابها:انتي وش فيك مو مرتاحه لنا(تقلد بصوتها)لا هديل من يومها
وكل سوالفها عند عمتي نوره مو مساله راحه مساله بنت وامها..
نوف بتفكر:انا قايله من الاول خالتي نورة هي ام هديل..وماحست الا ضربه قويه
من منال على راسها ..
نوف تتالم:اي اي اي هيييييييييه وش فيك؟اقسم بالله ان يدك مو يد بنت اح اح ..
وتفرك على مكان الالم..
منال مفوله:اجل بالله هذا كلام تقولينه صدق انك بقرة هديل مين مربيهااا؟
نوف بعصبيه وتفرك بالالم:مين غير عمتى نورة..اي اي اي
منال:اشوا يافالحه مانسيتي والحين خلينا من هديل اذا جت الحين نمسكها
ونعرف منها كل السالفه..


بعد ماهدت وهي بحضن عمتها ..بعدت ام محمد هديل ووقفت عشان تبي تروح
عنها بس طلعت اسرع منها ومسكتها
هديل بين دموعها:وين عمتي لاتخليني بروحي..
ام محمد بنظرة حنان:بروح اجيبلك كلينكس ومويه عشان تهدين شوووي..
هديل:لا لاتروحين اذا رحتي الحين بيسالونك عني ومابي احد يدري تكفين عمتي لاتروحين..
ابتسمت لها ام محمد وجلست بجنبها وحضنتها وهي تعرفها انها ماتحب تظهرمشاعرها ولا مأسيها لاي حد..عمتها نورة ماتخبي عن امها منيرة صح مرات تقول لسارة بس مو كل شئ اهم شئ امها لان اول يوم دخلت عليهم هديل بالبيت تعاهدووا الثنتين يكونو سند لها بعد الله سبحانه.. وتعرف ام محمد ان هديل ماتتفجر مشاعرها الا سبب كبير صاير لها عشان كذا ماحبت تضغط عليها وخلتها على راحتها.. لما هدت كليا..
ام محمد:هاه يمه الحين تقدرين تقووولين وش فيك..؟
هديل بعدت عن عمتها بنفس الوقت دخل خالد البيت من غير ماحد ينتبه له:انا..سمعت ...
وسكتت فجاءه ..ونزلت راسها وام محمد تنتظرها تتكلم وخالد لما سمع الصوت توقف مكانه وراح لجهه الصوت وشاف امه ومعها وحده ولما تراجع عشان بيطلع سمع البنت تقول..
هديل: سمعت.... سمعت ... ام خالتي بالصدفه تقووول تبغى تخطبني لولدلها ماجد...خالد عرف الشخص اللي جالس مع امه لانها الوحيده اللي تعاني فلما سمعهم طلع برا ..
ام محمد تبتسم:وهذا الحين مزعلك ومضيق خلقك يالدلوووووعه ..وتمسك خشمها تحركه بخفه..
هديل بصوت مرتجف:لا انا اللي زعلني الكلام اللي قالته خالتي عني..
ام محمد بجديه:اي كلام..هي اصلا تقدر تتكلم عنك بشين وحنا موجودين..بدت تعصب لان
مو معقوله هديل تزعل بسبب زواج اكيد شئ اعظم منه وزي ماتقول كلام انقال عنها..
هديل بصوت مبحوح:تقول...اني ....مو كفوا....عشان ياخذني اخوها....واني معقده و........."تهجد صوتها" ..ولو امي تبيني ماخلتني عندهم... تبينا نخلي اخوي ياخذها... ......وصاحت
ام محمد معصبه:الله يخسها من مرة حسبي الله عليها .. هديل يمه لا يهمك كلامها ولايهزك هي منقهره منك وتغار اسمعيني .." ترفع راسها" ..لاتخلين الامور تضعفك يايمه خليك قويه و...قاطعتها
هديل بصوت عالي:اي قوه يا عمتي ...من وين اجيبها...ابي اعرف تكفون.... وينها امي قولووولي ....انا اروح لها بس دلوني عليها....تكفين ياعمتي قووولي وينها..
تكفين....وصاحت اكثر
ام محمد تحاول تفهما وتهديها:يمه ياهديل وشلون نعرف وحنا ماندري عنها بالاساس..وابوك لو تقولينه او اي حد يسال عنها انتي يا حبيبتي تتضررين هو قالها زمان عشان كذا ماسالنا عنها خفنا عليك يضرك وانتي لسه صغيرة ماتتحملين..يمه هديل لاتجيبين السيرة عند ابوك والله ماراح يخليك عشاني ... "خافت على هديل عشان كذا وضحت لها موقف ابوها"
هديل تحاول تتماسك :يعنى انا الحين متحمله ياعمتي ياليتني امووووت وارتااااح ...وصاحت
ام محمد تحتضنها:بسم الله عليك وش ذا الحكي لاعاد اسمعه منك فاهمه خلاص انتي اهدي
وان شاءالله نلقى حل ..اهدي خلاص ..


خالد كان واقف عند باب الشارع مع حمد ولد خاله وكان كل تفكيره بهديل المسكينه ولما سمع صوتها عالي دخل البيت وكان وراه حمد وسمعوا الحوار الاخير وخالد من النوع اللي مايتحمل..
خالد بضيق:يمه نورة تعالي شووووي..


ام محمد:طيب ان شاءالله ..هديل روحي ادخلي الملحق وغسلي وجهك واستهدي بالله وانا شوي وبرجعلك...اكتفت بهز راسها وقامت عنها تحاول تتزن وتضبط نفسهااا
ام محمد اللي تقطع قلبها على بنت اخوها ومسحت دموعها عشان مايشوفها احد وراحت عند خالد
ام محمد :هاه يمه وش بغيت...هلاحمد وشلونك وشلون امك وابوك وخواتك؟

حمد يبتسم:الحمدلله بخير يسالون عنكم..انتي وشلونك وشلون ابومحمد ومحمد وناصر..؟
ام محمد:تسال عنكم العافيه .بخير عساك بخير..هاه يمه جبت الصينيه من البيت ..
خالد بضيقه:ايه هذا هو...اعطاها الصينيه ولما راحت عنهم ام محمد تبي تدخل للبيت وقفها خالد
خالد:يمه حمد يبي يسلم على امي منيرة ...طبعا خالد استحى يسال امه عن هديل عشان حمد فيه ولايبي يمسك عليه لانه حمد اذا مسك سالفه يعلقها فيك مدى الحياة..
ام محمد:ان شاء الله اصبروا شوووي كلهم جالسين بالصاله اجلسووا ببيت الشعر الين مااناديكم ..وفجاءة اذن صلاة العشاء ..
خالد:خلاص اجل بنروح نصلي وبنرجع لكم تامرين شئ يمه..
ام محمد:لا يمه سلامتكم ..ودخلت الصاله وكان باين عليها الضيقه ولااحد علق عليها وراحت للمطبخ وحصلت اختها ..
ام نواف:وش هذا يا ام محمد كلفتي على عمرك..واخذت منها الصينيه
ام محمد تعطيها الصينيه:لا كلافه ولا شئ شوووي حلى اشتهيتها لكم ذوقووها وعطوني رايكم..
ام نواف:مايحتاج نقولك راينا..راينا واضح ومن البدايه...ابتسمت ثم سالتها
ام نواف:اقووول ام محمد..هديل فيها شئ؟
ام محمد بحزن:والله هذه البيت بجيها شئ من اللي فيها..الله يهدي ابوها ويهديها...
ام نواف باهتمام:وش فيها هديل عسى ماشر...؟
ام محمد:تبي امها وذبحت روحها بالصياح بس وش نسوووي مابيدينا حيله..اذا سالنا ابوها اخاف يضرها زي مايقوووول واذ اهملنا بالموضوع اخاف البنت يصير لها شئ وهي بذمتنا..
ام نواف:لاحول ولاقوة الا بالله...الله يهدي اخوي والحين هي وينها؟
ام محمد:راحت للملحق لما جاء خالد قلتلها تستهدي بالله وتغسل وجهها ...وعسى ربك يهديها ان شاءالله..
ام نواف مستغربه:ليكون سمعكم بس؟
ام محمد:والله شكله ان سامعنا لانه باين عليه متضايق عاد وش نسوووووي ولا حمد معه
ام نواف:حمد ولد اخوي ماشاء الله وش عنده..؟
ام محمد:يقووول جاي يسلم على امي منيرة..والحين راحوا وبيجون بعد الصلاة..يله انا بروح اشوف هديل وبنسيها شوووي عشان تنبسط وتترك الحزن اللي مقصر عمرها..
ام نواف بحزن:الله يصبر قلبها ويفرج همها ..
وطلعت ام محمد من المطبخ للصاله عشان تقوووولهم ان العيال بيجون بعد الصلاة لاتشوف احد بالصاله
طلعت ام محمد للحوش بتروح لهديل اللي حصلتها جالسه على مدخل وهي بعالم ثاني جلست بجنبها ولفت عليها ...
ام محمد تبتسم:الحلوة وش قاعده تفكر فيه..؟
هديل اكتفت بابتسامه سخريه :وش افكر فيه بعد ياعمتي ...
ام محمد:طيب الحين انتي هديتي ولا تفكري باي شئ الحين وخلينا ندخل جوا لان البنات منهبلين عليك يسالون عنك وفوق كذا الحين بيجيوون العيال ..ماقالت شئ هديل غير تنهيده طويله ورفعت
راسها للسماء..
هديل:ان شاء الله...طيب عمتي وسالفه الزواج؟
ام محمد:انتي تبين تتزوجين والا لا؟
هديل بحيرة:مدري ياعمتي خايفه من مرت ابوي وبعدين انا ما افكر بالزواج الحين..ابغى
اكمل دراستي...ونزلت راسها
ام محمد:تبين انا وامي منيرة نكلم ابوك عشان دراستك...؟
هديل بخوف:لالالا تكفين عمتي لاتقولين شئ لبوي اخاف مااسلم من مرته..
ام محمد بعصبيه:شوووفي ياهديل شيخووووه انا اعرف وشلون اوقفها عند حدهااا بس عشان اخوي وعياله اللي مالهم ذنب تشوفيني ساكته انتي وش عليك منها لاتعطينها مجال خليها تولي وكملي دراستك ولا يهمك احد ابوك ماهو قايل لا ومن ناحيه الزواج ما في اب يبيع ظناه انتي توكل وكلمي ابوك ولاتخافين من شيخووووه واذا ماقدرتي انا بخلي امي منيرة تقوووله بس من غير مانذكرك هاه زين كذا ابتسمت...
هديل براحه:الله يخليك لي يا عمتي ولا يحرمني منك يارب...وضمت عمتها
وقامو مع بعض ودخلوا الصاله الا ماكان فيها احد غير الجده منيرة وريمي جالسه بالارض تراقب حماده وهو يركب تركيبه ...
هديل تحاول تكون طبيعيه:حماده من وين لك هذي؟
حماده:من عند عمتيييييي..؟
هديل:طيب عمتي انا بطلع فووووق بروح اصلي وبشوف وين البنات ...لما مشت سمعت ريمي تناديها..
ريمي:زيل زيل..ماده يدينها عشان تشيلها
هديل تهز راسها بالنفي:لا ماراح اشيلك تبين تجين معي امشي ..وراحت عنها وهي مسكينه يالله تطلع درجه درجه ولما وصلت لفوق وهي تنتظر اختها الين ماوصلت مسكتها على ايدها ورحووا غرفه نوف..



خالد:السلام عليكم..
ام محمد:وعليكم السلام..هلا يمه جيتوا من المسجد؟
خالد:ايه يمه ..في احد بالصاله او لا..؟
ام محمد:لايمه مافي احد ادخلوووا...
سكر خالد من امه وقال لحمد انه مافي احد ..ودخلوا الصاله لقوووا الجده منيرة وحماده ..
خالد+حمد:السلام عليكم..وحبووا راسها
الجده:وعليكم السلام ..ياهلا بعيالي شلونكم؟
حمد:بخير عساك بخير وشلونك انتي وشلون صحتك بشريني عنها؟
الجده:والله الحمدلله ياوليدي ان شاءالله طويبه..
خالد:شلونك يمه منيرة عساك بخير..
الجده:هلا بوليدي انت مين خالد ولا ناصر...لان خالد وناصر طولهم نفس بعض بس خالد لون بشرته حنطيه وعلى قولتهم يقط الطير من السماء اما ناصر فكانت بشرته بيضاء بس ماعليه مزيون
خالد:لايمه انا خالد ..بشرينا عن صحتك؟
الجده:ان شاءالله بخير ..اجل وينه ناصر ماشفته..وعلى طرت ناصر دخل عليهم وهو رافع يدينه ويلوح لهم ..
ناصر:السلالالالالام عليكم..وحب راس الجده وجلس بجنبها
الكل:وعليكم السلام...
الجده:الطيب عند ذكرة وشلونك عساك بخير وشلون ابوك ومحمد؟
ناصر:بخير ياوجه الخير ..شلونك عساك بخير يقوولون منتي صويحيه؟.."ماحد قال اصلا لان الكلام من عنده"..
الجده بحزن:ايه والله ياوليدي رجيلاتي وظهيري مدري وش بهن يوجعوني ماقدر انام بالليل..
خالد وحمد فاطسين على سوالف جدتهم ويعلقون عليها توها بخير والحين تتشكى...
ناصر يضحك على امه:طيب نوديك للدكتور يشوفك..ويبتسم
الجده اللي ماتحب طاري الدكاتره:لايمه وشوله الدكتور مافيني الا العافيه...
والكل فطس ضحك عليها ناصر شاف حماده مشغووول عنهم فحب يجننه شوووي
ناصر بخبث:حماده انت متاكد اسمك حماده ..؟
حماده ببراءه:ايه... قول.... لهزيل.....وتقووولك......وكمل شغله
ناصر يضحك:هزيل ماعندنا احد اسمه هزيل شفت ماقلتلك انك مو متاكد لا من
اسمك ولا من اسم هزيل..؟
حماده راح ووقف قدامه:انا(يأشر على نفسه)اسمي حماده وهزيل اختي وانا احبها وانام عندها ......وعقد حواجبه يقاله عصب
ناصر يضحك على براءته:طيب طيب ولايهمك ولاتعصب انت اسمك حماده واختك هزيل تدري شلون وش رايك ماتروح تسالها هي هزيل والا هديل؟....
وهنا فطسوووا كلهم ضحك على براءه حماده اللي على طووول ركض فووق وراح يسال اخته..
دخلت هديل لغرفه نوف وشافتهم مجتمعين عند الكمبيوتر ويضحكون فستغربت
هديل:وش تسوووون؟
منال اللي منحنيه على نوف وعيونها على شاشه الكمبيوتر:تعالي شوووفي الهواش هههههههههههه
هديل مستغربه:اي هواش ماشوف الا انتم وهالكمبيوتر وعيونكم عليه..
نوف:بالنت وش فيك انتي سوينا فتنه بين الموجودين ههههههههههههه ...
منال تكلم نوف وتاشر بشاشه:شووفي شووفي هذا طلبك خاص ردي عليه خلينا شوي نهزئه ونستهبل عليه..وردت عليه نوف وهم يضحكون جلست هديل على سرير نوف وتطالعهم وجتها ريمي ووقفت قدامها وحاطه اصبعها في فمها بعدت اصبع اختها وهي معقده حواجبها وهزت راسها بالنفي ...
منال تجلس بجنبها:هديل ماعندكم نت بالبيت..؟
هديل:الا عندنا بس بغرفه اخوي وليد ليش..؟
منال:ليش ماتدخلين فيه ترى يضيع وقتك وكانك بعالم ثاني ومنها تقدرين تطلعين مواهبك وتقولين ارائك من غير محد يقولك لا..
هديل:والله اخاف اقول وليد ويهاوشني وانا موناقصه خليني كذا احسن..
منال تقنعها:ليش يهاوشك ترى مافيه شئ والسالفه كلها تسليهx تسليه وبعدين مو شرط تدخلين للشاتات ادخلي منتديات اقري مواضيعي ردي شاركي شوفي اخر الابداعات والتشكيلات اللي تنزل اعتقد مافيها شئ ولا احد بيعرف انك بنت او ولد وانا عندي لك كم منتدى راح يعجبك والله راح تستفيدين منه..منال تعرف ان هديل تكتب خواطر فعشان كذا تحاول تشجعها ولاتدفن موهبتها لان منال قرأت بعض خواطرها وانجنت عليهن...
هديل:بقول لوليد وبشوف وش يقول واذا وافق كلمتك تعطيني موقع المنتدى ..
منال:بعطيك كم واحد انا مشاركه فيهم وكلهم حلوين وانتي اختاري ويمكن وليد عنده
خلفيه اساليه ..
هزت هديل راسها بالايجاب وعلى طول انفتح باب غرفه نوف وجاهم حماده اللي يركض وكان احد يلاحقه ووقف عند هديل ويالله يتنفس من الركض..
هديل بخوف:حماده وش فيك ..؟
حماده يلقط انفاسه:هزيل ....هزيل ....يبلع ريقه....اسمك هزيل صح؟
حماده مايعرف ينطق حرف الدال زين عشان كذا اكتفى بسؤال ..اسمك هديل صح؟
هديل متسغربه:بسم الله عليك وش فيك انت وش تقول؟
حماده: ناصر يقول مو اسمك هزيل؟...... فتحت هديل ومنال عيونهم مستغربات وش قاعد يقول...... وش دخل ناصر باسمها..
منال:هيييه وش فيك انت وهو؟ شاربين شئ ؟ ماكلين شئ؟ بالله هذا سؤال ينسال وانت مثل الخبل طاير تجي تسالنا اذا اسمها هزيل او لا...... برطم حماده على كلام منال وسكت
هديل بحنان:منال شوي شوي عليه يمكن ناصر حب يمزح معه تعرفيه ولد عمتي .... حبيبي حماده قوله انا اسمي هزيل واذ مو عاجبك اشرب من مويه البحر..وضحكوووا وطار حماده يوصل الرساله لناصر اللي يوم نزل ماحصله ونسى الرساله وكمل لعبته..
نوف يوم خلصت من النت راحت لهديل تستجوبها وهديل ماقالت شئ ونوف فولت عليها وقالت لها نست توريها شئ يحبه قلبها..
في الصاله ماكان في احد الا خالد وحمد جالسين يشربون شاهي ويطالعون حماده وهو يركب تركيبات وكل ماسوا شئ يوريهم وهم يثنون على جهوده..والجده منيرة قامت تصلي العشاء وتعرفون العجايز
اذ راحوا يصلون كانهم يصلون التراويح اما ناصر فراح لعند امه وخالته بالمطبخ وحب يستهبل عليهم
ام محمد بعصبيه:نويصر اطلع دام النفس عليك طيبه..
ناصر يضحك:يوه يا ام محمد وشفيك علينا اليوم..اشبك يا قمييييل..ولمس ذقن امه بحركه سريعه ليكون خالتي سارة مسويه لك شئ ؟؟قوولي ترى عند الفزعه جاهز...
ام محمد:نويصر الحين تارك اخوك وولد خالك وجاي وش تبي ؟ انا اعرفك واعرف حركاتك ماتدخل الا وانت رافع الضغط عندي..
ناصر بزعل:بسم الله عليك افااااا ياام محمد ماهقيتها منك والله انا ارفع ضغطك...مشكورة وماقصرتي يا ست الحبايب تبين شئ انا بطلع ولاني جاي للعشى..ومشى وماحس الايد امه مسكت يده ماتبيه يطلع وهو زعلان..نوره قلبها رهيف على عيالها وخاصه مع ناصر لانها تحبه موت اكثر من اخوانه هي صحيح تحبهم بس هذا له مكانه بقلبها..
ام محمد بعطف:لايايمه مو قصدي لاحول ولاقوة الا بالله تعال يمه تعال وش بغيت ..؟
ناصر بزعل:خلاص مابي شئ كنت بسوي خدمه بس هونت خلاص....
ام محمد بحنان:لاوالله تقول وش عندك تراك الغالي ولد الغالي ليكون ماتدري..وش كنت ناوي تسوي انا اعرفك كريم وراعي خدمات هاه يمه وش الخدمه اللي كنت ناوي تخدمنا فيها..تبتسم
ناصر بخبث:بما اني ولد الغالي مثل ماتفضلتي يا ست الكل..بتنازل وبتعاطف وبتكرم لكم اجيب العشى على حسابي ..
ام محمد بعصبيه وهي تبعد ناصرعنها:طس عن وجهي..وهو فاطس على امه وعلى عصبيتها
ناصر:اقول خالتي وين فواز وعبدالله ماهم مبينيين ووين نواف ووليد؟
ام نواف وتحرك السليق لان الجده ماتحب تاكل شئ ثقيل بالليل:والله عبدالله وفواز مايجلسون اذ اجتمعوا بس اتصل عليهم وشوفهم وينهم ونواف مع وليد رايحين مع خالك صالح مدري وش يبغى منهم يمه ناصر اتصل على نواف وقوله يمر يجيب عشى معه..يوه انتم وش تبون الحين عشى؟؟
ام محمد:والله مدري عنهم بس احسن شئ اطلبي من كل مطعم نوع لاتعتمدين على نوع واحد..
في الصاله دق جوال حمد ورد عليه وطلع للحوش عشان ياخذ راحته وجلس خالد مع حماده في الصاله وفجاءه سمع خالد صوت صراخ وازعاج وركض وعقد حواجبه وشوي يسمع تهديدات وضحك وفجاءه شاف وحده نازله من الدرج وكانت واقفه بوسطه وباين انها ميته خوف وتطالع لفوق وهي تهدد بيدها..

[قمـرهم كلهـم]

::: الجزء الرابع :::

هديل بصوت خوف وعالي شوي:والله ماراح اقولك لو تموووتي الين ماترمين هالقرف اللي معك
نوف تطل من فوق الدرج:شوووفي اذا ماقلتي والله ارميها عليك ....
خالد عرف انها هديل مايحتاج اقولكم وشلون عرف؟اكيد من شعرها لانها من يوم كانت صغيره وهذا لونه وكان جلالها طايح على كتوفها وفوق كذا اثار الصياح باقي بوجهها وقعد يطالعها وهي خبر كان ولادرت عنه..هديل من النوع الي اذا خافت ماتشوف طريقها اهم شئ توصل لبر الامان..كانت تسوي حركات بسرعه لريمي اللي خايفه من قلب وكانت تصيح صياح دلع ويالله تنزل

هديل بخوف وتحرك يدها:بسرعه بسرعه ريمي لتجيك الخبله..على طووول نوف يوم سمعت اخر جمله تركض تبي توصل لهديل ويوم شافت نوف تنزل على طول طلعت شوووي عشان تاخذ اختها اللي ميته خوف وكانت اسرع من نوف على طول شالتها اللي تمسكت بكل قوتها في هديل ونزلت وسيده للحوش من غير ماتنتبه لوجود خالد..نوف لما وصلت لوسط الدرج تداركت عمرها وشافت خالد اللي كان فاطس ضحك ومنزل راسه وهي من غير شعور طيرت عيونها وطلعت لسانها وقمزت لفوق وهو ماشافها..


تدرون وش مع الخبله نوف.....................قطوة هههههههههههههههههههههههههههه
طلع ناصر مع خالته للصاله وشافوا خالد فاطس ضحك وطالعوا بعض مستغربين
ناصر:هييييييييه خبل انت تضحك لحالك؟؟؟
ام نواف:بسم الله عليك وش فيك خالد..؟ وين امي راحت؟؟
خالد وهو يضحك:ههههههههههههه لاياخالتي ههههههههه مافيني شئ ههههههههه امي منيرة راحت تصلي وبتجي هههههههههههههه...
ناصر منقهر منه :تقووول ولا افقع وجهك الحين؟؟
خالد يضحك:مافي شئ هههههههه بس حماده قاعد يسووولف وسوالفه تفطس ضحك ههههههه..حماده يطالع خالد اللي ميت ضحك ...
حماده ببراءه:لا لا لا انا ماقلت سئ ...ساف هزيل تنزل مع ريمي و يضحك..
خالد سكت فجاءه وبان انه مفتشل بقوة لان يعرف الاطفال عمرهم ماكذبوووا ..
ام نواف:وين راحت هديل؟؟...حماده وهو يأشر على الباب اللي طلعت منه ..
ناصر بخبث:طيب ماشافتك انك جالس بالصاله ..؟؟؟
خالد وباين انه منحرج:لا ماشافتني..
ناصر بنظرات خبث:معقوله نزلت من غير ماتشووووفك علينا ذا الحكي...غمز لاخوه
خالد بعصبيه:والله صدقت اهلا وسهلا ماصدقت بالطقاق الي يطقك ويطق تفكيرك...على طول قام يبي يطلع بس ام نواف مسكته عشان مايروح وهو معصب..
ام نواف:وين تروح يمه اجلس ولاعليك من كلام اخوك بس لاتعصب وتنكد على عمرك حنا مجتمعين نبي ننبسط ونستانس مو تزعل وتروح اجلس يمه وتعوذ من ابليس...خالد وهو يجلس ويطالع اخوه بنظرات قهراللي يضحك عليه..
دخل حمد للصاله وسلم على عمته وجلسووا الشباب وجتهم الجده تقعد معهم وساره راحت تتصل على نواف عشان العشى ومرة وحده اتصلت على فواز عشان يجون ويجلسون مع عيال عمتهم وولد عمهم..
بالوقت اللي طلعت هديل للحوش سمعت صوت احد وهي خافت وراحت وراء البيت لما شافت رجال دخل للصاله ماكانت تعرف عيال عمامها ولا عيال عمتها الا بالاسماء لفت على البيت عشان تدخل للمطبخ لان مطبخ عمتها له بابين باب من جهه الصاله داخل البيت وباب من وراء البيت ومن اول مادخلت طارت عيون عمتها نورة وهي مستغربه شلون نزلت والعيال بالصاله مع جدتهم وام سلطان قاعده تشغل الفرن ولاانتبهت الا بعدين بس ما استغربت مثل نورة
ام محمد مستغربه:يمه هديل وشلون نزلتي ؟وش جابك وراء البيت .؟؟
هديل بخوف وهي شايله اختها:عادي من الدرج اللي طلعت منه وش جابني وراء البيت من عمايل بنت اختك نوووفوووه ..وبدت تعصب ودخلت عليهم ام نواف اللي بان عليها الدهشه..اجل ماكذب حماده وسالت هديل من غير ماتقولها ان خالد كان جالس بالصاله..
ام نواف بدهشه:يمه هديل وشلون نزلتي؟وش عندك تسوووي وراء البيت؟
هديل مستغربه من عمتها:وش فيك عمتي ؟..تناظر عماتها..وشفيكم تسالون عن نزلتي ؟عادي نزلت من الدرج..عمتي فيه شئ؟؟
ام نواف وتحاول تكون طبيعيه:لا يايمه مافيه شئ بس حبيت استفسر وش جابك وراء البيت ..
هديل بضيق:عمتي ماقلتي لي ان عندكم بسه(قطوه)...
ام نواف تبتسم:طلعتها لك نوووف عشان كذا..عرفت ان هديل ما انتبهت على اللي بالصاله..لان هديل خوووووافه وهمها الوحيد الوصول لبر الامان...فضحكت سارة على نووووف وهديل وتخيلت الموقف وقالت اجل مايلام خالد اذا ضحك.....
ام محمد وام سلطان وهديل مستغربات من سارة ولاهم عارفين ليش تضحك ولاحبت تفسر لهم سبب الضحك لان لو قالت بتحرج هديل ولاتبي تحرجها لانها من النوع اللي ماتنسى الموقف بسرعه وتجلس تحاسب نفسها..
ام محمد:وش فيك اختي بسم الله عليك انهبلتي ..؟
ام نواف:هههههههههههههههههههههههههههههههههههههههه ههه
باللحظة دخل حماده المطبخ يبي عمته نورة
حماده:عمتي ....خالد......يقوووول......تعالي ..ميزة حماده انه مايطلع الكلام بسرعه يعنى يتذكر وبعدين يتكلم
هنا هديل انصعقت وكان احد صب عليها مويه بارده وشلون ؟؟من وين طلع هذا بعد؟؟يالله ليكون شافني ؟؟بس انا متاكده ماشفت احد بالصاله وشلون طلع؟؟وبان عليها الضيقه..ام نواف شافت هديل وتعابير وجهها وتبي تطمنها..
قامت ام محمد اللي جالسه على طاوله المطبخ وهي تمسح الترامس والفناجين وراحت تشوف وش يبي ولدها..
هديل بضيقه:عمتي ....من متى العيال موجودين؟؟
ام نواف تبي تشيل فكرة ان العيال بالصاله:والله توني جايه من الصاله ماكن فيه احد حتى امي ماهي فيه شكلهم توهم واصلين ..وشافت الراحه بوجه هديل وابتسمت لها
من بعد اللي صار والموقف اللي شافته نوف بالصاله على طول سحبت منال ودخلت غرفتها وهي خايفه
نوف بخوووف:ياويلي من امي والله ماراح تخليني ياربي وش سويت..؟
منال باهتمام:وش سويتي يعنى بغيتي تذبحين البنت من الخوف وتقولين وش سويت وبعدين شيليها انا ما اتحمل شكلها والله تخوووف...ناظرتها نوف من طرف عينها ورمت القطوة على منال اللي قمزت وهي تصرخ..
دخلت ام محمد المطبخ وحصلت هديل تكمل التمسيح واختها تلاعب ريمي وام سلطان تناظر فيهم
ام محمد وهي تجلس:يقووولووون وش عشاكم تراهم ميتين من الجوووع
ام نواف تضحك على ريمي:قولي الحين بيجي نواف ووليد..خليهم يصبرووون شوي عاد هم شباب يتحملون لوانهم بزارين كان صح...

ام محمد وتطالع لريمي:هديل عطي اختك شوي سليق سدي جوعها يمكن جوعانه الحين..
هديل تبتسم لريمي:ريمي جوعانه..هزت راسها بالنفي وتلعب بيدينها وكانها مستحيه
ام محمد:لاتاخذين بكلامها اخذي شووي وعطيها الين مايجي العشى..
قامت هديل وحطت شوي لريمي وطلعوا برا في الحوووش عشان تاكلها وتاخذ ريمي راحتها بالاكل

وراحت وراء بيت الشعر وجلست هي واختها كل ماشفت ريمي شئ تروح تستكشفه وتجي تعلمها وتضحك على ريمي وعلى اكتشفاتها...


نوف:منال .... منال ووجع ؟
منال تسمع الراديو من جوالها: What do you want
نوف بحزن:ابغى انزل مليت وانا فوق ......
منال:OK..Let's go وقامت منال تفتح الباب بس نوف وقفتها
نوف:هييييه انهبلتي عيال خالتي فيه و صعبه ننزل...
منال: Don't by sad .. ونامت على السرير ورجعت السماعات
نوف بعصبيه:احر ماعندي ابرد ماعندك الشره على اللي يشتكيلك ... وخذت تلفونها ودقت على امها
ام نواف:هاه وش تبين يا وسيعه الوجه..
نوف ببراءه:يمه بننزل ملينه وحنا فوق وبعدين عيال اختك مالهم نيه يروحووون طفشت صرفيهم خليهم يروحون لبيت الشعر ....
ام نواف بعصبيه:احسن انقعي فوق الين ماتخيسين هين حسابك عسير ولاتقولين ماسويت شئ يصير خير ان ماخليت نواف يشيل البسه(قطوة) ويرميها ماكون بنت امي .. قفلت بوجهها
نوف ضاقت على كلام امها ..
نوف:شوووفي يا طويلان.."منال اطولهم..ونوف نفس طول هديل"..انا بنزل واللي فيها فيها وانتي تبين تنزلين تعالي ..وخذت جلالها وطلعت من الغرفه ومنال قمزت من على السرير تلحقها .. نزلتوا تحت و باين انهم مستحيات بالمرة ومشوووا بسرعه ...
الجده:وينك فيه من طلعتوا تصلون العشاء وغطستوووا فوق .. وقفوا مكانهم و ساكتين
الجده:انا اتكلم معكن ليش ماتردن طرمان.. " طبعا العيال عرفوا انهم منحرجات"
الجده بعصبيه:هاه ياللي ماتستحن شايفيني خبله اكلم نفسي نوووفوووه وين لسانك من ساعه..
نوف بجرائتها:حنا صح طلعنا فوق نصلي بس ماغطسنا..." ظربتها منال بخفه وينتبه عليها ناصر لانه يحب يطالع اللي قداموه بس بنيه طيبه وهذا طبع فيه..."
الجده:اجل وش تسووون كل هالوقت وبعدين وينها هديل ماشوفها معكم ..
هنا خالد نزل عيونه وشافه اخوه ناصر فضرب ركبته بركبت اخوه وطالعه خالد بنظرة كلها جديه وعقد حواجبه....


نوف:مدري وين تروح اصلا هي تماشي خالاتي ماتماشينا..
عبدالله يقهرها:اكيد ماتماشي الخبوووول اختي مستواها راقي هههههههههههههههه
فواز:ههههههههههههه ايه والله ترى هديل تماشيك عشان تكسرين الخاطر ولا هي ماهو من مستواها تماشي مثلك ههههههههههههههههههههههههههههههههههههه
نوف مفوله عليهم:من زينكم عاد ومن زين كلامكم اول شوووفوووا انفسكم وتعالو تكلمووووا ..
فواز:اقول منال لاتماشين اختي ترى اللي يماشيها يصير مثلها ... ولا يصير اشد منها ولا تقدرين تتحكمين باللسانك ويمكن يقطعونه لك لاسمح الله هههههههههههههههههه..
نوف:وهذا انت اخووووي ابيك عون تطلع فرعون شوووف عبدالله وش يقول لاخته مو مثلك ياالكمخه
فواز: ماالكمخه غيرك اقووول لاتطوولين روحي طسي ...
منال وهي تسحب نوف اللي ناويه على اخوها الليله يا ذابح او مذبوح ووصلوا للمطبخ..
منال:وش فيك انتي ماتستحي من احد اثقلي اثقلي ...
نوف معصبه:ماتشووفيني وش يقوولون لي لا ياقلبي انا ماقدر اصبر لازم اخذ حقي وزياده بعد..
ام نواف بتريقه:خوش بنت ماشاءالله عليها والله اعرف اربي ..
نوف تجلس عند امها:يمه انا ماقلت شئ هم اللي بدوا علي تبيني اسكت...
ام نواف:لا يايمه لاتسكتين كان اخذتي سكين وقطعتي لسان كل واحد ..
نوف بزعل مصطنع:يمه لاتتريقين .. باللحظة هذه دق جوال امها
نواف:هلا يمه ترى وصلنا ومعنا خالي صالح
ام نواف:وصلتوا الحمدلله على السلامة ادخلووا للصاله ترى العيال وامي فيه
نواف:ان شاءالله يله مع السلامه
ام نواف:الله يسلمك....وسكرت تلفونها
هديل اللي تحاول توكل اختها ومو راضيه تاكل كل شوي تطلع لها شغله وهي خلاص ملت من اختها فجلست عند مدخل الرجال اللي صارت فيه مع عمتها..وسمعت بس ماقدرت تميز فحطت الجلال على راسها وشافت اختها تطلع على اللي دخلوووا
هديل بصوت واطي:بنت ....ريمي .....ريمي ..التفتت عليها ريمي وهي تضحك فشافت رجال من غير ماتنتبه مين واقف يشيل ريمي وهي على طووول غطت وجها ....
وليد:هدوووووله وش تسوين هنا..؟
هديل براحه وشالت الغطى :هلا وليد كنت اوكل ريمي ..
وليد:اجل وين حماده عنكم ..؟
هديل:الكل داخل ماحبيت اوكلها عندهم وانت تعرف اختك ماتاكل عند احد غريب تستحي عشان كذا طلعنا بالحوش ..
وليد ويطل بالصحن اللي بيدها:لاتقووولين انها كلت..
هديل تبتسم:واذا قلتلك ايه تصدق...
وليد بدهشه:بربك اكلت شكلها مالمسته
هديل:زين اكلت لها شئ ...وين رحتوووا.؟؟
وليد وهو يجلس بجنب اخته:ابد رحنا مع عمي صالح للاستراحته اللي مأجرها يبغالها شوي تعديلات بس عمي ماقصر شغلنا سواويق عنده ههههههههههههههههههههههههههه
هديل تبتسم:ياحليلكم صرتوا سواويق هههههههههه تعرف انه ماعنده الا ولد واحد ويعتبركم
مثل عياله
وليد:اكيد وانا اعتبره ابوي والله لو يقول ارمي نفسك بالبحر رميت من غير تفكير...
هديل تبتسم لاخوها تحبه وتحب فيه طيبته وخفه ظله لانه هو الوحيد اللي يفهمها بعد عمته نورة..
وترتاح تتكلم معه ...
وليد: وين سرحتي يالغاليه..؟
هديل بحياء: فيك..؟
وليد بدهشه: فيني انا ... بايش سرحتي فيني؟
هديل ومنزله عيونها:اممممممممممم افكرمين هي البنت اللي تستاهل اخوي الغالي ..؟
وليد منحرج:اذا جاء وقته انتي تقولين لي مين هي .."وقام عنها" يله انا بدخل اكيد حطوا العشاء..وقامت معه وراحت وراء البيت وهو دخل من المدخل..
دخلت هديل المطبخ وشافتهم مجتمعين الا عمتها سارة ونوره..
نوف تتصنع العصبيه:انتي وينك طسيتي ..؟؟
هديل بنفس عصبتها:لاوالله يعنى تنكرين انتي ولسانك الطويل..لاعاد تكلميني وصدت عن نوف اللي تخصرت ..
نوف تتريق:عاد انا ميته عليك وعلى سوالفك اللي مثل وجهك.. طالع وجه العنز واحلب لبن
عضت نوف على طرف لسانها لان شافت ملامح وجهها تتغير ..
ام سلطان تلطف الجو:هاه هديل كلت ريمي عشاها..
هديل تحاول تبتسم:كلت شوي والحين اذا شافتنا ناكل تجي وتاكل معنا..وراحت تغسل الصحن ولانا ظرت لنوف اللي كانت تراقبها .. فضربتها منال على رجلها
منال بصوت واطي:صادقه ماكذبت عمتي لسانك يبيله قص..وقامت راحت لريمي عشان تغسلها
هديل:لاتتعبين نفسك منال الحين بغسلها..
منال شايله ريمي: Don't Warry .. وطلعت للمغاسل
ام سلطان:نوووف طلعي صحن عشان احط عشى خالتي..


نوف قامت وهي تحس بندم على كلامها لهديل لان ماشافت منها الا كل خير دخلت ام نواف للمطبخ عشان تقولهم ان العشاء جاهز..

الساعه 11 وربع بالليل راحوا الشباب لبيت الشعر و الحريم بالصاله مع امهم اما البنات دخلوا المطبخ عشان يغسلون الموجود وينظفونه..دخل حماده المطبخ
حماده:هزيل .....جاء بابا.....
هديل:قال يله ..؟ حماده يهز راسه بالنفي وابتسمت على براءه اخوها..
نوف:طيب واذا جاء ابوك خلاص يعنى تبون تروحون ماتبونا..
حماده براءه:لالالالا......عشان امممم ....اخز.....ريمي عنده

هديل:الحين بوديها بس اصبر بغير لها وبعدين تاخذها وانت بعد تعال اغيرلك...ماسمع
كلامها وراح عنهم..وكانت تبي تروح معه ريمي بس لحقت عليها هديل ومسكتها وقعدت تصيح..
هديل:لالا مافيه اغيرلك اول وبعدين تروحين ..
ريمي بصياح:اده..اده..ااح...اده...(حماده راح)
هديل تحاول تشيلها وهي ماتبغي :طيب الحين بنروح لحماده خليني اغيرلك اول ..و شالتها وهي ترافس تبي تروح لحماده..وطلعت للصاله..
ام نواف:وش فيها ريمي بسم الله عليها..؟
هديل تحاول تمسكها :شافت حماده وتبي تروح عنده ..

الجده:خليها تروح لاتردينها خليها ...وريمي مازالت ترافس وتصيح وانتم تعرفون اذا الطفل جلس يرافس وانتي شايلته ..
هديل:ان شاء الله بس بغير لها وبكيفها تروح..قامت ام نواف عشان تاخذها من هديل...
ام نواف تكلم ريمي:خلاص الحين نروح لحماده اول شئ نلبس ملابسنا الحلوة ونروح خلاص ماما ....
وريمي هدت شوي لان استحت من عمتها وسكتت..وراحت هديل تجيب الشنطه ..عشان تلبسها وام نواف دخلت غرفه حاطينها للاحتياط وجلستها على السرير
دخلت هديل ومعها الشنطه ...
هديل:عمتي ياليت تكلمين فواز يجيب حماده.. ودخلت عليهم ام محمد
ام محمد:يمه هديل تقدرين تتكلمين بالتلفون او مانعتك شيخه؟
هديل بنظرة حزن:لا ياعمتي بس ما اخذ راحتي فيه.... "فهمت مقصدها "...
ام محمد:طيب اذا شفتيها طالعه او انشغلت بشئ ارفعي السماعه ودقي علينا اهم شئ نسمع اخبارك
هديل:ان شاء الله...
ام محمد:هالمرة بنغير بنخليها كل جمعه بعد الصلاة وتصير غدا احسن..ونبداها من الجمعه الجايه عندي بس عسى مرت ابوك تشيل معنا وتوافق واذا ماتبي تشيل بسلامتها...
هديل بحزن:والله ياعمتي انتي ادرى بالحال ..
ام محمد تطمنها:لا تخافين اذا رفضت بنشب فيها الين ماتوافق مو شرط تجي هي اهم شئ انتي نبيك تنبسطين معنا وحنا بعد ترى 3شهور ماشفناك كل هذا عشان ارتباطاتها هالمرة والله ماراح اسكت ماتبي تجي بسلامتها تربطك معها ليش ..
هديل بضحكه امل:ياليت عمتي والله زهقت وانا بالبيت وتسمعني كلام يغث..
ام محمد:ولا يهمك انا بكلم ابوك وان شاء الله مايقول لا دامك عندنا..في هذه اللحظة دخلوا البنات عليهم بالغرفه...
منال : no no no I'm can't do that
نوف معصبه:تكلمي زين والا ترى بوكس على خشتك..
ام محمد تبتسم:وش فيكم انتم دايم تتهاوشووون؟
نوف:اسالي هذي اللي شاطره علينا وكانها هي الوحيده اللي تعرف تتكلم وهي من جنبها..
منال ببرود: You are very kind ..
نوف تصد عنها:خالتي ...الخميس الجاي عند مين؟؟
ام محمد:غيرنا الخطه ماراح نجتمع كل خميس بنخليها كل جمعه بعد الصلاة وتصير غدا ..قامت وطلعت للصاله..الساعه 12 بالليل راحت ام سلطان وبنتها وراحت معهم الجده منيرة ..فمابقى غير هديل واخوانها وعمتها نورة وعيالها فكانوا جالسين بالصاله...
حماده يطل من باب المدخل:هزيل ....يقول......بابا يله..وطلع على طوول
هديل قامت تجيب الشنطه وعبايتها ونزلت عليهم نوف مغيره ملابسها وجلست
نوف:هاه هديل مشيتوووا..؟
هديل تحاول تكون طبيعيه معها:ايه مشينا.....نوف حست ان هديل متغيره عليها
نوف تبتسم:عاد لاتقاطعين..
هديل تلم شعرها وترفعه:ان شاء الله..
ام محمد:لاتنسين اللي وصيتك عليه وحاولي تكلمينا واذا ماقدرتي من تلفون البيت عندك جوالات اخوانك اهم شئ لاتقطعين وانا بكلم اخوي بخصووص جمعاتنا عشان نحجزك..ابتسمت
هديل تلبس عبايتها:ان شاء الله مايصير خاطرك الا طيب..ومشت مع عمتها
هديل :يالله مع السلامه نوف..
نوف:مع السلامه بتوحشينا..ماسمعت رد وحز بخاطرها" لدرجه هديل حساسه صادقه امي يبي للساني قص بس كنت امزح معها بكرة اكلمها واتاسف منها"....
بالحوش شافت عيال عمتها نورة وسارة واقفين مع ابوها وعمتها ساره معهم ويضحكون وريمي نايمه على كتف عبدالله وحماده يفحط بالحووووش ..خالد انتبه لامه واللي معها وعرفها نزل عيونه وطلع بالشارع وشوووي لحقه ناصر ...
ام محمد وحاطه يدها وراء ظهر هديل:وش عندكم تضحكون ضحكونا معكم..وانا اقول وين غطست اختي اثريك عندهم..


ام نواف:مليت من سوالفكم قلت بغير شوووي..
ام محمد:ابو وليد طلبتك..؟
ابو وليد:افااا يا نورة انتي ماتطلبين انتي تامرين على الرقبه امري..؟
ام محمد مبسوطه عشان ظمنت الموافقه:الجمعه الجايه بعد الصلاة الكل معزوم عندي ولاابي اي واحد يجلس بالبيت الكل يجي سمعتوووا الكل يجي.".تناظر اختها"..حتى ابو نواف يجي بلغيه
ابو وليد:ابشري ماطلبتي شئ ولايهمك ..
ام محمد:واذا انتم مرتبطين بشئ ولاتقدرون تجوون مو مشكله بس خل هديل تجي ترى من زمان عنها ولاتحسب شبعنا منها ماحسينا بالوقت يركض اللهم ياكافي..
ابو وليد عرف قصدها:ولايهمك هديل اول الحاضرين حتى لو كان براسنا ميت شغل وشغل..
تطمنت ام محمد من رد اخوها خلاص دام قال انها تجي يعنى تجي لان ابو وليد من النوع الي اذا قال كلمه مايتراجع عنها...
ابو وليد يكلم عياله:يالله جاهزين تاخر الوقت وورانا صلاة جمعه ...يله فمان الله
الكل:مع السلامه..وطلع بالشارع
هديل+عبدالله:مع السلامه ..
وليد:يالله فمان الله وطلع وسكر الباب وراه..
طلعوا بالشارع اول ماطلعت هديل شافت اثنين واقفين عند سيارة لومينا خضراء(زيتيه)وواحد منهم يكلم بالتلفون عرفت على طول انهم عيال عمتها نورة بس ماتعرف تفرق بينهم لانهم نفس الطول ولاقد مرة دققت بملامحهم عشان كذا ماتعرف منهو خالد وناصر..وقفت بجنب السيارة من الجهه وراء لان ابوها مافتح السيارة ووقف يكلم ناصر..
ناصر:هاه ياخال سريت..؟
ابو وليد:ايه سرينا ماعاد الا خير ..تصبحون على خير
ناصر :وانت من اهله....
وليد:كلكم مع ابوووي....هدووووووله وش رايك تركبين معي
هديل:يوبه اروح مع وليد..؟
ابو وليد:بكيفك تبين معي او مع اخوك كلنا واحد..على طول ماحست الابيد وليد مسكتها وجرتها لسيارته..سياره وليد كامري لانها شبابه وخفيفه عليه ولونها ذهبي بس جناااان اللون..
هديل تركب السيارة وكانت مفتشله من عيال عمتها اللي يناظرون لحركه اخوها..
هديل بحياء:الحين ماصدقت ابوي يقول ايه وانت على طول سحب ولاسمعت رايي يمكن مو موافقه اركب معك...
وليد بزعل:هذا جزاتي ابي امشيك شوووي على شوارع الرياض وبعزمك على عصير او قهوة وانتي تقولين مو راضيه خلاص روحي لابوي مابيك عندي ....هديل لفت وراء تبي تشوف ابوه
اذا مازال فيه او لا...

هديل:لاوالله يوم راح ابوي تبي تجلسني هنا بالشارع امري لله اخوي وملزومه فيك...ضحكت على اخوها اللي متكتف مثل الاطفال ومبرطم ولايبي يتحرك..
هديل تضرب اخوها بخفه على كتفه:يله عاد بو خالد امزح معك احد تجيه فرصه ثمينه ولا يركب سياره الشيخ وليد بن ابراهيم.. "شافت اخوها ومازال على حاله"
هديل بحزن:يله وليد عاد والله من انا عشان ارفض....على طول قاطعها وليد
وليد:انتي الــــغــــــالــــــيــــــة...وضحكوا وشاف ناصر جاء عندهم وفتح النافذه له
ناصر:وش فيك ماحركت خالي له 10 دقايق متحرك فيها شئ سيارتك؟
وليد يبتسم:لاوالله مافيها لدرجه مضيقين عليكم ياخي شارع عمتي واقفين عند بابهم عندك مانع؟
ناصر مستغرب:لاماعندي مانع بس خوفتنا قلت اكيد سيارتك فيها شئ..
وليد:طيب انتم ليش مامشيتوووا؟
ناصر ويأشر على اخوه:الحبيب ينتظر امي يقول مع مين تركب..ابتسم ..
وليد يضحك:والله انكم مجانييين ياخي انتم عيالها مو مهم تركب معك او معه ..
ناصر بجديه:والله ما المجنون الا انت هو متحديني ان امي بتركب معه من غير ماحد يسالها مع مين تركب ؟؟
وليد:والله انك غبي دام سيارته عند الباب شئ اكيد بتركب معه والله انك مخفه وخف عليك يالله بمشي تامر شئ..
ناصر توه يستوعب كلام وليد وتحدي اخوه:لاسلامتك مع السلامه...
وليد يسكر نافذته:الله يسلمك...وحرك وليد سيارته ومشوووا
هديل تستفسر:وليد هذا اي واحد من عيال عمتي نورة..؟
وليد يطالع السيارات عشان بيدخل للشارع العام:هذا ناصر..ماتعرفين عيال عمتي؟
هديل بحياء:وش عرفني فيهم..وبعدين اول مرة اشوفهم دايم اسمع عنهم...
وليد بخبث:اجل دققتي بملامح ناصر زين.؟؟

هديل مستحيه:لاوالله ماانتبهت عليه قلتلك بس اسمع عنهم ولا اشوفهم
وليد عرف ان اخته ماتقصد شئ و حب يستهبل:طيب مين احلى انا ولا ناصر؟
هديل بدت تعصب :انت وش فيك اقولك مادققت فيه تقول من احلى ..وصدت عنه
وليد يضحك:هههههههههههه طيب طيب لاتعصبين هههههههههههههه وربي عارف بس حبيت استهبل معك هههههههههه هدوووووووله ..؟


هديل ساكته وصاده عنه وتناظر للجهه الثانيه...
وليد بحنان:هدووووووله ؟يله عاد والله امزح
هديل بزعل:نعم وش تبي..؟
وليد:اووووف وش النفس عليك..لالالا تكفين لاتزعلين ترى مو زين عليك ولايليق بعد
وليد يطل عليها:هدووووووووله؟؟
هديل :هاه وش تبي ..؟
وليد يبتسم:ماراح اقولك الين ماتضحكين اول... "سكتت هديل "
وليد:يله سمعيني ضحكت هدووووله الحلوة..بنبرة قهر...يله لااعطيك كف يخربط لك اسنانك؟؟..ضحكت على نبرة اخوها وهو منقهر منها...
وليد يبتسم:ايه هذي هدووووله اقول ياالغاليه انا عازمك وش تبين..؟
هديل: تونا متعشيين..؟
وليد بقهر:ياحبكم يا البنات للاكل ماتفكرون الا فيه واذا جاكم جاهز قلتوا(يتكلم بصوت ناعم مثل البنات) تونا ماكلين..والله مسوين رجيم قاسي..حيرتونا معكم
هديل تضحك على طريقته:ههههههههههههههههههه وانت وش عرفك باعذار البنات..
وليد:ايه والله..وش عرفني هذا كلام ناصر مايخلي شئ الا ويطلع عيبه ماحد يسلم منه..
هديل:وناصر وش عرفه..؟
وليد:والله روحي واساليه وش دراني..المهم وش تبين..؟
هديل مبرطمه:امس طلبت من عبووود يجيب لي فربتشينوا من ستاربكس ولا جابلي وربي ياوليد ودي اذوقه..
وليد يبتسم:ابشري..من وين نحصل ستاربكس فاتح الحين بس هاه اذ ماحصلنا فاتح باخذلك.. عسكررررررررريم ..يقلد بصوت الاطفال.....ضحكوووا على بعض

[قمـرهم كلهـم]

( تكمله الجزء الرابع )

ام محمد:ناصر يله يمه قوم مابقى على اقامه الصلاة شئ يله يمه...وسكرت الباب
ام محمد وهي تنزل من الدرج طلع عليها خالد:صباح الخير يا ست الكل...وباس راسها
ام محمد تتصنع العصبيه:اي صباح خير حنا بالضحى وتقول صباح يله يمه رح اكلك لقمه قبل ماتروح للصلاة ..
خالد بابتسامه:ان شاءالله اوامرك على راسي من فوق ...ونزلوا تحت وحصلوا ابو محمد جالس بالصاله ينتظر ام محمد تجيب له البخور..
ابو محمد بعصبيه:وينك يانورة مابقى على الصلاة الا نص ساعه وين بخورك خليني الحق على الصلاة
ام محمد مستغربه:هذا انت قالتها باقي نص ساعه يعنى فيه وقت..اعوذ بالله دايم انت عجل بكل شئ
وراحت ام محمد للمطبخ تشوف الجمر وتجيبه لزوجها...
ابو محمد:خالد شووف ناصر قام والا لا..ورح لغرفتي جب العلبه الحمراء فوق التسريحه تحصلها
خالد واقف:ان شاء الله..طلع خالد فوق ودخل غرفه ناصر حصله بالحمام ياخذ له دش ودخل غرفه ابوه حصلها شبه مظلمه لان مانفتحت الستاير وكانت ريحه الغرفه تجنن ولما وقف خالد قدام التسريحه اخذ عطر عطر عشان يدور على العطر اللي فايح بالغرفه ولما حصله قرأ اسمه ورجعه مكانه واخذ العلبه الحمراء وطلع..
وهو نازل سمع ابوه يتكلم عن جمعتهم وعن تغير الخطه الى صارت كل جمعه بعد صلاة الجمعه

ام محمد:عشان كذا ودي اغدي اخواني من زمان ماغديتهم مابعد زواج محمد وابيك توصي لنا على خروف زين من اللي تعرفه ومانبيه خروف كبير لانبيه طلي صغير وش قالت..
ابو محمد وياخذ العلبه من خالد:ان شاء الله مايصير خاطرك الا طيب..على طاري محمد بيجي مع مرته اليوم..؟
ام محمد وتعطيه المدخنه:يوه وش فيك نسيت كل جمعه يجون يتغدون عندنا والخميس تروح عند اهلها
خالد حب يمزح مع ابوه:هاه ابو محمد شكلك كبرت وخرفت..غمز لامه
ابو محمد بعصبيه ويقوم عشان تبخره زوجته:الله يغربل بليسك من ولد انا كبرت وخرفت..سمعتي كلام ولدك...
ام محمد تمزح:صادق ولدي ماكذب اجل تنسى جيات محمد هو صح مايجي كثيرمن جمعه لجمعه..
ابو محمد:هذاك انتي قلتيها من كثر جياته مايجي الا من جمعه لجمعه
ام محمد:بس المفروض ماتنسى يوم الجمعه بالذات عشان ولدك الكبير يجيك..
ابو محمد:طيب وليش مايجي وسط الاسبوع لازم الجمعه..
ام محمد تاكد كلام ولدها:صدق انك مخرف انت وش فيك قمت تنسى نسيت البنت تدرس ومسكينه وين تحصلها دراسه ولا بيت ولا زيارات ..
ابو محمد يعطيها المدخنه:اقول لايكثر هرجك ويله ياخالد عجل مابقى وقت انتظرك برا فمان الله وطلع ابو محمد يحب يروح مع واحد من عياله كل جمعه للمسجد اول كان دايم مع محمد بس الحين خلاص تزوج وتركهم والحين يروح مع خالد وناصر قليل مايروح لان اخر شخص يقوم ..
ام محمد:فمان الكريم...وحطت المدخنه على الطاوله تنتظر ولدها يخلص من الفطور عشان تدخنه
وبالوقت نزل ناصر..خالد قام وراح يغسل
ناصر:صباح الخير يمه...حب راسها
ام محمد:اي صباح انت الثاني تعال اكلك شئ..وجلس ياكل عالسريع ويشرب شاهي..جاء خالد وامه كانت تحط له عود عشان تبخره وجلست تبخره وهي تبتسم ولما خلص مشى يبي يطلع
ام محمد:يمه خالد تعال احط البخور تحتك..استحى خالد هذي مو اول مرة تحطه تحته بس استحى من شئ ثاني لانه من اول ماتخرج ومايسمع غيره
ام محمد بابتسامه وتحطه تحته:عساني ابخرك معرس ان شاء الله واشوف زوجتك تبخرك قدامي..
خالد يحاول يكون طبيعي:بحياتك وبحياه ابوي ان شاء الله..
ام محمد تقترح:الحين انت خلصت دراسه وتشتغل وش ناقصك..غير العروس هاه ابدء اشتغل خطابه لك..وتبتسم
خالد:لايايمه مو الحين خليني اتنفس وبعدين لكل حادث حديث يالله فمان الله...حب راس امه وطلع مايبي يسمع اي تعليق منها..



حاولت تفتح عيونها من حره النوم..اقتلبت للجهه الثانيه ورصت على عيونها مرة تسترجع احداث امس في بيت عمتها ومع وليد ومشاويرهم من بعد ما اشترالها اللي تبيه ودخلوا على بنده يشترون لهم كم غرض وتمشووا على شوارع العليا ومروا على الفيصليه والمملكه .. فتحت عيونها وعرفت انها ماكانت تحلم وانه واقع حدث فحمدت ربها على كل شئ ولفت تبي تشوف اخوانها شافت حماده لسه نايم وريمي جالسه تحاول تصحيه بنعومه ....
هديل بصوت كله نوم:ريمي ...التفتت عليها...صباح الخير ليش ماقومتيني ..
ريمي تأشر على حماده:اده..نام (حماده نايم)..باستها هديل وعلى طول قامت ودخلت الحمام اخذت لها دش وطلعت عشان تروش اختها وتنزل وبتخلي حماده براحته..
نزلت تحت وماحصلت غير ابوها واخوانها يفطرون فراحت عندهم..
هديل:السلام عليكم...
الكل:وعليكم السلام..جلست وجلست اختها بجنبها واعطتها خبز ممسوحه بجبن..
ابو وليد:ابوي هديل..حطيلنا جمر نبي نتدخن..
هديل:ان شاء الله يوبه..وراحت هديل للمطبخ وحصله الشغاله تقطع السلطه ..
هديل:ستي خلي هذا الحين وحطي فحم على النار..واذ خلص ناديني وطلعت من المطبخ
الشغاله:تيب .... رجعت عندهم و قبل ماتجلس ..
ابو وليد:هديل ماتدري متى جت شيخه من الزواج؟ .... "هديل تعرف متى جت لانها بعد ماصلت الفجر على طول راحت للسريرها وبنفس اللحظة انفتح باب غرفتها وتظاهرت و كانها نايمه لان عرفت مين دخل عليها من ريحه البخور ومن فستانها اللي مع كل حركه يطلع صوت صحيح ماسوت شئ بس كانت تبي تطمن انهم موجودين يعنى تبي تشوف هديل موجوده او جلست عند احد عماتها وطلعت بهدوء مثل مادخلت..
هديل وتحاول ماتناظر ابوها:مدري..
وليد:هديل الله لايهينك عطيني خبز..واعطته وهي تفكر وسرحانه
عبدالله يبتسم:هديل .....هديل...وفجاءه ضرب رجلها بخفه وهي على طول قمزت
هديل بخوف:هلا عبدالله وش تبي خبز...ضحك عبدالله ووليد بصوت واطي عشان ابوهم فيه وهي اكتفت بتنزيل عيونها..
عبدالله يبتسم:شوفي ستي تناديك...قامت للمطبخ تشوف وش عندها الشغاله
هديل بضيق:هاه سيتي وش تبغين..
ستي:انتي قووول كلص فحم نادي انا والهين كلص...اخذت المدخنه وحطت الجمر فيها وطلعت للصاله واعطت ابوها المدخنه وراحت تجيب علبه العود من المجلس..اعطت ابوها العلبه وجلست توكل ريمي و اكتفت بالحليب..


خلصت من الصلاة ويالله تقوم من ظهرها وجلست بالمجلس عشان كل بعد صلاة جمعه يجونها عيالها
الجده:صفيه...صفيه ..تعالي افتحي التلفزيون خلينا نشوف خطبه الجمعه..وجت صفيه وفتحت التلفزيون وحطتلها على الحرم(مكه)عشان تشوف الخطبه وعلت على الصوت وقامت..
الجده:صفيه...جيبي القهوة والشاهي الحين العيال بيجون
الشغاله:تيب ماما..وراحت ..ودخل عليها ولدها عبدالعزيز ومعه سلطان وفيصل..
ابو سلطان:السلام عليكم يمه..شلونك وشلون صحتك ..وحب راسها
الجده:هلاوالله وغلا بوليدي بخير عساك بخير انت وشلونك وشلون عيالك وبناتك.؟
ابو سلطان يجلس عند امه:كلهم بخير يسالون عنك وعن احوالك..
سلطان:وشلونك يمه عساك بخير؟
الجده:ياهلا ومسهلا..وحطت ايدها على جبينها تبي تشوف اي واحد من عيالها..؟
سلطان يجلس:انا سلطان ولد ولدك عبدالعزيز ..يضحك
الجده:هلا بولدي ولد الغالي وشلونك وشلون عيالك؟
سلطان:كلنا بخير يا وجه الخير..
فيصل يحب على راس امه:شلونك يمه عساك بخير.؟
الجده تحاول تشوف مين هو:هلا والله بوليدي بدر وشلونك ؟
فيصل يضحك على جدته:لايمه انا فيصل..وشبلاك يمه بديتي تخرفين؟؟
الجده بعصبيه:انا عارفه انك فيصل الظاهر انت اللي مخرف انا اسال عن بدر ماشفته معكم
الكل يضحك على تصريف العجيز وعلى عصبيتها ..
ابو سلطان:الله يهدك يايمه ترى منتي صغيره ....
الجده مفوله:هاه يا وسيع الوجه الحين تقول ذا الحكي قدام عيالك ماقول الا خسارة تربيتي فيك ياولد ابوك..وصدت للجهه الثانيه ابو عبدالعزيز متوفي من زمان بس غلاته للحين بقلبها...
ابو سلطان يحب راسها:كل شئ ولا زعل الغاليه ام عبدالعزيز ترى مو انا قايل هالحكي هذا فيصل بس الظاهر ان نظرك وسمعك بدء يضعف هاليومين...
الجده متنرفزة:سمعي ونظري احسن منكم واعرف افرق بينكم واعرفكم باصواتكم بس ماقول الله يخلف على تربيتي فيك ..
ابو سلطان يبي يلطف الجو:عسى ربي يحفظك ويطول بعمرك ان شاء الله ويعطيك القوة والصحه انتي تعبتي وربيتي وطلعت رجال وانا ماقلت انتي كبيرة يعنى خلاص راحت عليك انا اقولك كبيرة بعقلك وقلبك الوسيع..شاف ملامح امه تلين على كلامه الحلوو...
الجده فرحانه:عسى الله يوفقك ياوليدي ويفتحها بوجهك وبوجه عيالك ويستر عليك..ودخلوا عليهم صالح وولده حمد وجلسوووا يسلموا على بعض وياخذون علوم بعض..الجده منيرة تسكن ببيت لوحدها مع شغالتين وسواق ومارضت تعيش مع واحد من عيالهم لان بيتها فيه ذكريات زوجها وانتم تعرفون العجايز والرومانسيه الزايده اللي تطلع معهم باخر اعمارهم..

دخلت هديل المطبخ وشايله معها صينيه الفطور ووراها ريمي اللي تشرب الحليب بكاس خاص للاطفال
وهي تحرك راسها يميل وشمال كانها ترقص بشعرها شافتها هديل وابتسمت لها وعلى طول طلعت من المطبخ وشافت مرة ابوها نازله وباين اثار النوم في وجهها وبنفس اللحظة دق التلفون..
ام وليد:الووووو
...:السلام عليكم..شلونك ام وليد؟ ..
ام وليد استغربت من الصوت الناعم وتحاول تستوعب وتعرف من هو صاحب الصوت..
ام وليد بحيرة:وعليكم السلام..مين معي؟
شذى:انا شذى صديقه هديل ..؟
( شذى صديقه هديل من يوم كانوا باول صف لين اخر سنه دراسيه بس هي كملت دراستها الجامعيه..ومازالت على اتصال معها ومع الجوهرة اللي بنفس التخصصات(احياء)وتعرف مشاكل هديل مع مرت ابوها وام شذى جيران ام شيخه وتعرفها عز المعرفه بنفس الوقت تصير عمتها نورة مرت عمها )..
ام وليد:هلا والله بشذى عاش من سمع الصوت وشلونك وشلون امك؟
شذى:عاشت ايامك بخير نسال عنكم..
ام وليد:تسال عنكم العافية..وين امك غاطسه مانشوفهم كذا مرة نجتمع مع حريم الحارة ولاتجي عسى ماشر..؟
شذى:ماشر بس امي حصة(جدتها)متنومه بالمستشفى وامي معها..
ام وليد بخوف متصنع:يوه سلامتها ماتشوف شر وش فيها؟..ماقد اجتمعت مع الجده حصه اساس لانها ام رجلها....
شذى:الله يسلمك بس السكر نازل عليها وان شاء الله كم يوم وتطلع..
ام وليد:تطلع لكم بالسلامه..
شذى:امين..اجل وين هديل؟
ام وليد تناظر هديل اللي وقفت لما سمعت اسم شذى:لحظة....كلمي شذى
هديل بابتسامه فرح:السلام عليكم..هلا شذى عاش من سمع الصوت وش اخبارك واخبار الاهل؟
شذى بنفس النبرة:وعليكم السلام هلا هدوووووله وحشتيني موووت انا بخير وكلنا بخير انتي طمنيني عنك وعن احوالكم؟
هديل تتجنب نظرات خالتها:الحمدلله كلنا بخير وانا مشتاقه لك اكثر..وش اخبارالدراسه واخبار الجوهرة..؟؟
شذى:والله ماشيه والحين نستعد للاختبارات الفصلي..لاتبخلين علينا بدعواتك والجوهرة بخير مشتاقه لك بس تخاف تدق وتتصرف وانتي ابخص عاد..تضحك
هديل:اهااااا طيب سلميني عليها وقوليلها لها وحشه الدبه..
شذى حست بصوت هديل وانها تسرعت بكلامها:ان شاء الله معليش هديل دقيت عليك بذا الوقت اذا مسببه لك احراج ..قاطعتها هديل
هديل:وش ذا الحكي شذى لا احراج ولا شئ عادي وكويس انك دقيتي وسمعت صوتك واخبارك..
شذى براحه:طيب وش اخبار ريمي هاه بدت تمشي ولا لسه؟
هديل تناظر اختها:ريمي بخير صارت حرمه بسم الله عليها ..تضحك على اختها اللي استحت
شذى:الله يخليها لكم ايه على فكرة امس دقيت عليكم ماحد شاله ؟
هديل وتناظر خالتها ونزلت عيونها على طول:ايه كنا عند عمتى سارة مجتمعين كلنا
شذى بفرحه:اخيرا طلعتي وغيرتي جوا..طيب هدووووله انا لازم اقفل الحين ولاتقاطعين
هديل بحزن:طيب الله معك وسلمي على الاهل..وسكرت منها
ام وليد بتفحص:وش عندها شذى..؟
هديل:كل خير..ومشت عنها تتهرب من اسئلتها المعتاده
ام وليد:وش اخبار جمعتكم ؟
هديل ومعطيه ظهرها لخالتها:الحمدلله بخير يسالون عنك و..قاطعتها ام وليد
ام وليد وهي تمسك طرف قميصها من الكتف:بلا كذب وقولي كل شئ من الالف الى الياء
هديل بخوف:والله ياخالتي ماكذبت عليك..
ام وليد بعصبيه وهي تهز هديل:مين كان فيه وش سويت....
هديل ترتجف:الكل فيه الا مرت عمي و...قاطعتها
ام وليد:وينها..تكلمي بسرعه قاعده اسحب منك الكلام سحب
هديل:معزومه بزواره من طرفهم...
ام وليد:ومرت عمك عبدالعزيز وبناته ؟؟
هديل:بس مرت عمي وبنتها منال وبناتها ماجوا..
ام وليد تترك هديل:اسمعي يا هديّل هذي اخر مرة تروحين عند عماتك سامعه..وراحت عنها وهديل خانقتها العبرة وطلعت فوق بسرعه لان سمعت اخونها جوو من الصلاة ولاتبيهم يشوفونها..



نوف بصوت عالي:طيب ان شاء الله يمه الحين بجي..رجعت تكلم منال..هاه وش اسوي وربي مو قصدي اجرحها كنت امزح..
منال وكانت مبعده السماعه من صوتها المزعج:اعوذ بالله عليك صوت اللهم ياكافي يا بنتي فيه شئ اسمه حطي ايديك على السماعه مو باذني تصارخين.
نوف بعصبيه:يوووووه منك وبعدين هذا جزاتي اتصل عليك واقولك ابي حل..
منال بهدوئها المعتاد:It wasn't my fault(ماهي غلطتي)
نوف بنرفزه:تدرين عاد الشرها مو عليك على اللي يستنجد فيك طسي عني..وقفلت بوجهها
منال تبعد السماعه:Crazy وقفلت السماعه وسمعها ابوها عبدالعزيز اللي توه داخل من برا ..
ابو سلطان يبتسم لبنته ويحط يده على كتفها:مين الـCrazy ؟
منال بزعل مصطنع:Your niece
ابو سلطان وقف مكانه عشان يفهم كلام منال:هاه وش قلتي نيس وش نيس بعد يطلع..؟
منال بدلع:هذا يطلع ياطويل العمر نوف بنت اختك..برطمت مثل الاطفال
ابو سلطان يضحك:هههههههههههههههههه نوف وش فيها
منال:سكرت التلفون بوجهي..
ابو سلطان يضحك على هبال البنات:هههههههههههههههه نوف تسوي كذا لاماصدق نوف اكبر من الحركات هذي الا اذا انتي رفعتي ضغطها بحركاتك ..
منال بجديه:لا والله يوبه الحين انا ارفع الضغط وهي مسبعه من الكوثر لالالا هذي بنت اختك ماحد يقدرلها واسال عمتي عنها وش سوت امس مع هديل اللي بغت تموت بسبت حركاتها
ابو سلطان وهو يجلس:وش سوت لها يله سمعيني عن اخبار بنت اختي ..وقالت له سالفه هديل والبسه(القطوة)وسالفتها والكلام اللي انقال لها وصد هديل عنها..
ابو سلطان وهو فاطس عليها:هههههههههههههههههههه الله يهديكم ان شاء الله ونوف تدري ان هديل خوافه وليش تخوف هالمسكينه هههههههههههههههههههه
منال:نحاسه ومنقهره منها..ام لسان طويل صادق فواز المفروض ماماشيها اخاف تعديني بالسانهاااا..وابوها فاطس ضحك عليهم
ابو سلطان:وحتى فواز على اخته المسكينه هههههههههههههه الله يهديكم ويصلحكم
منال:طيب يوبه وش رايك بالكلام اللي قالته نوف لهديل..منال تحب تاخذ وتعطي مع ابوها لانه من بعد ماتقاعد وهو جالس بالبيت ماغير يسمع بناته ويسمع شكاويهم مع ازواجهم يعنى مصلح اجتماعي
ابو سلطان بجديه:غلطانه والغلط راكبها من راسها..الحين من زمان ماشفتوا هديل ولا تتكلمون معها مثلك انتي ونوف المفروض تقدرون شعورها بعد مو عشانها بنت عمي او بنت خالي اطيح الميانه البنت مسكينه الواحد لازم يراعي ظروفها حتى لو هي اختي..منال تفكر بكلام ابوها ولقته صحيح المفروض نراعي شعورها مو نزيدها..
ابو سلطان:منوووووله وين امك؟
منال بدلع:بالمطبخ بروح اشوفها..وقامت عن ابوها اللي يدعي لها بالهدايه والتوفيق


جتهم نوف وهي متضايقه من برود اعصاب منال وهي على نار فجلست بعصبيه
ابو نواف:وشفيك نوف عسى ماشر ليش عابسه هالوجه؟
نوف بعصبيه:مافي شئ يوبه؟
ام نواف:انا اعرف وش سوت اكيد مافي غير لسانها تبرا منها مثل كل مرة ..
نوف تناظر امها بعصبيه من غير ماتعلق شئ لانها صادقه بكل اللي تقوله..
فواز يبتسم:مين الضحيه هالمرة يا ام لسان طويل هههههههههههههههههههههههههههههههههههههه
نوف بعصبيه:فووووزوووه وربي مو رايقه لك ترى احط الحرة فيك..
ابو نواف بعصبيه:نووووف...اذا ماحترمتي اخوووك اقل شئ احترميني انا وامك مافي اي اعتبار
نوف:اسفه يوبه بس ماتشوفه وش يقوووول ..
ابو نواف يوجه الكلام لفواز:فووواز خل عنك اختك كل يوم هواش خاطري يوم اشوفكم ماتتناقرووون تجلسون بهدوء من غير هواش..
فواز انحرج من كلام ابوه:ان شاء الله يوبه بس خلها تبعد عن البنزين شووووي ترى البنزين والنار يؤدي الى الاحتراق ...يغمز لاخته
نوف بنرفزة:شفت يوبه شفت اني مظلومه وتحطون كل شئ على..شافت ابوها يهز راسه وكانه مل من الديباجه الطويله العريضه كل يوم..
ام نواف تسكتها:انتي اسكتي وخليه عنك ماكان ظلمناك زي ماتقووولين..نواف يبي يلطف الجو
نواف:يمه وين الدقوس اللي من عمتي نورة..
ام نواف:يوه نسيته تلقاه على طاوله المطبخ..قام ولدها يجيب الدقوس ..هات صحنك فهد..مد صحنه لزوجته..وجاء نواف ومعه الدقووس
ام نواف:اقووول فهد ترى اختي نورة عازمتنا يوم الجمعه اللي تجي عندهم ووصتني ابلغك
ابو نواف:يالله تلحقنا خير اذا جاء الجمعه لكل حادث حديث..وبعدين وش المناسبه
ام نواف:والله تقول من زمان ماغدت اخواني وتبي تجمعهم ما نشوف الواحد بالسنه مرة وخلينها غدا بعد صلاة الجمعه يصير الكل مجتمع احسن وراح تبداها هي ...
ابو نواف ويرفع كاس اللبن:يعنى بتكنسلون جمعتكم كل خميس..ويشرب
ام نواف:ايه تقول الجمعه احسن ووصتني اقولك واكدت على جيتك بعد
ابو نواف:ان شاء الله يصير خير...


الساعه 3باقي على صلاة العصر نص ساعه وهديل مثل ماهي ماتحركت من فراشها وكانت شبه منسدحه وبين يدينها دفتر خواطرها وتمسح دموع نزلت من غير ماتحس وهي تكتب خاطرتها...

وليد يطق بابها:هديل ....هديل ...هدووووله
هديل وهي تمسح دموعها وتركت الدفتر على السرير وناظرت نفسها بالمرايا وحمدت ربها ماكان باين عليها اثار الصياح فعدلت من شعرها وفتحت الباب وحصلت وليد وحاط يده على الباب متسند
وليد بابتسامه:ممكن اعرف الغاليه ليش ماتغدت معنا..؟
هديل منزله راسها:مالي نفس ..ورفعت عيونها لخوها اللي يناظرها بكل اهتمام
وليد:مالك نفس او...زعلانه
هديل تحاول تكون طبيعيه:لا مو زعلانه بس جد مالي نفس..
وليد بجديه:والسبب....؟
هديل تحاول تقنع اخوها:عندي صداع ذابحني ...
وليد بخوف:من متى؟وليش ماقلتي؟
هديل تطمن اخوها:من ساعتين تقريبا والحين الحمدلله بدء يخف..نزلت عيونها ماتبي تنفضح
وليد:لالالا البسي عباتك وانا انتظرك بالسيارة ..ومشى عنها بس هديل على طول مسكته ماتبيه يروح
هديل بابتسامه:ماله داعي وليد قلتلك الحين بدء يخف بعد ما اكلت بندول لاتكبر السالفه وهي ماتسوى
وليد بنظرة جديه:متاكده انه بدء يخف او تضحكين علي..
هديل منزله عيونها:قلتلك خلاص اكلت بندول والحين بيروح ولاتشغل نفسك..تناظر اخوها وتبتسم
وليد براحه:طيب انا بروح اريح شوي قبل صلاة العصر تامرين شئ...يبتسم
هديل نفس الابتسامه:سلامتك ...وراح عنها وليد ودخل غرفته عشان يرتاح مثل مايقول وانسدح على السرير وفجاءه سمع طق باب غرفته وقال ان الباب مفتوح وطلت من الباب هديل وهي مستحيه وباين عليها تردد فعدل وليد نفسه
وليد بحيرة:هلا هدووووله تبغين شئ ..؟
هديل منزله راسها ومتردده:اممممممممم ممكن ....اخذ رايك بشئ؟
وليد مبتسم:افاااااا عليك انتي تامرين امر تفضلي تعالي..دخلت وسكرت الباب وراها وجلست على كرسي الكمبيوتر وماهي عارفه وشلون تبدء تحس بخوف وباحراج ففضلت السكوت..
وليد بعد ماطال سكوتها:هاه هدووووووله وش عندك كلي اذان صاغيه..يبتسم لها وهي رفعت عيونها
هديل متردده:احم احم ......وليد......انا......خلاص انسى...
وقامت على طول تبي تطلع بس وليد اسرع منها ومسك الباب عشان ماتطلع ووقف مقابلها
وليد باهتمام:هدووووووله وش فيك..قووولي اللي بخاطرك من غير اي خووووف الا اذا انتي ماتحبيني ..برطم مثل الاطفال
هديل:لاتقول كذا وليد بالعكس انت وعبدالله اللي اعزكم ..نزلت راسها
وليد مبتسم:طيب دامك تعزينا قولي اللي بخاطرك وش تطلب الغاليه؟
هديل منزله راسها تخاف يعصب عليها:اخاف تعصب علي ...
وليد:هديل وش فيك تكلمي قولي طلعي اللي بداخلك والله ماراح اتكلم اللين ماتخلصين كلامك و شيلي فكرة اني اعصب عليك انا وليد مو حي الله ...يغمز لها ويضحك
هديل مبتسمه:ابغى..اشترك..في..منتدى....نزلت راسها وليد ماقل شئ غير يناظرها
هديل بخوف:خلاص وليد انسى اللي قلتلك وفتحت الباب تبي تطلع بس وليد وقفها
وليد بجديه:لحظه هديل..في اي منتدى تبغين تشتركين؟؟ناظرت له هديل وشافت الجديه بوجه
هديل:مدري...بس قلتلك انسى خلاص هونت اصلا...
وليد:سؤال واحد مو اثنين ..!هديل بنظرة خوف
وليد:من اللي شجعك او دخل الفكرة براسك؟؟
هديل باحراج:منال..وقالت راح استفيد منه وخاصه ان عندي مواهب وحرام ادفنها وقالت انه مافيه شئ اقرأ مواضيع او ارد اواشارك من غير ماحد يعرف اني بنت او ولد وعندها كم منتدى مشاركه فيه وتقول اسالك اذا عندك خلفيه...نزلت راسها
وليد مبتسم:ابشري يا هدووووووله ماطلبتي شئ انتي خوذي المنتدى وراح تحصلين اللي يسرك كم هدوووله عندي...ابتسم
هديل براحه وفرح:مشكووور وليد ماقصرت انا الحين بدق عليها واخذ المواقع عشان تشوفهم
وطلعت على طووول لغرفه عبدالله اللي يلعب بلاستيشن2...
هديل بفرح:عبوووود طلبتك..؟
عبدالله ويوقف اللعب:وشو هديل....؟
هديل:اقولك طلبتك تقووولي وشووو.....برطمت
عبدالله يضحك:تـــــــــــــــــم....ويحرك راسه مثل الهنود
هديل مبتسمه:ممكن استخدم جوالك لمده لاتتجاوز 10دقائق..؟؟؟؟
عبدالله ويعطيها الجوال:اخذي راحتك فيه لو ان شاء الله ساعه تدرين شلون حلال عليك الجوال واللي فيه..ابتسم
هديل بفرح:لا مايطوعني قلبي اخذ شئ مو لي المهم بس 10دقايق ويرجع لك سالم..

اخذت هديل الجوال وعلى طول راحت لغرفتها عشان تطلع النوته اللي كاتبه فيهم ارقام اللي يعزون عليها ودقت رقمها وكلمتها واخذت المواقع وشكرتها ورجعت جوال عبدالله سليم مثل ماقالت وراحت لوليد واعطته الاسماء وعرف 2منهم ونصحها تختار الاحسن وسوا لها ايميل عشان تستقبل الرسايل فيه وعلمها عن كل شئ في المنتدى كيف ترد وكيف تكتب موضوع ..وغيرها الين ماصارت تعرف كل شئ وقالها كل ماتحب تدخل وتشوف غرفته وصاحب الغرفه تحت امرها ماعليها من احد تدخل وتسوي اللي تبي وارتاحت هديل اقل شئ لقت اللي بيشغلها ونزلت اول مشاركاتها بقسم الخواطر وحصلت مدح كبير وثناء لايوصف وحست ان الدنيا تضحك لها من جديد ....


مرة الايام والشهووور مثل ماهي على هديل وتقبلت اعتذار نوف ووضحت لها انها نست السالفه..بس نوف تعرف هديل تحط بقلبها ولاتبين..ومرت الاجتماعات مع عماتها وعمامها فقرروا بالنهايه يكون مكان الاجتماع ببيت الجده منيرة بعد صلاة الجمعه والشخص اللي عليه تكاليف الاجتماع يجي من بدري و يتكفل بكل شئ من قهوة وشاي والغداء وبعد صلاة العصر الكل يروح لبيوتهم بس الوضع ما عجب ام وليد فحبت تتماشى معهم عشان ماحد يمسك عليها شئ ومع ازمه الاختبارات النصفيه فكانت ام وليد كثير تتعذر عشان عيالهم بس العمه نورة توصى اخوها قبل مايجي يجيب هديل بحكم ماعندها شئ فكانت شيخه تظطر تروح معهم بس ماتطول اول ماتقول الحمدلله سيده تقول مع السلامه فكان هذا الشئ يزعج نورة وحاولت تتحمل عشان اخوها
عدت الاختبارات على خير وباقي الاختبارات الاعظم اللي تحدد مصيرهم..كانت الجمعه على العمه نورة والكل مبسوط ومستانس فكان بالمطبخ معها هديل ومنال
وام وليد كل شوي تجي تجلس معهم تراقب الوضع ويقالها تقدم خدمه بس الحركه ماتغيب عن نورة عشان ماتخليهم ياخذون راحتهم ومن ثم تروح للمجلس ..
ام محمد تدق بالجريش:ماترتاح الا وتمسك شئ علينا..

هديل تحط السلطه بصحونها:الله يستر منها..كذا زين عمتي
ام محمد بحذر:ايه زين..هديل حطيتي عليها ليمون وملح.
هديل:لا ماحطيت تبيني احط عليها...
ام محمد:لالالالا عشان ماتخرب علينا خليها ساده وقطعي شرايح ليمون وحطي فوقها..منال جيبي بوادي الجريش تلقينهم بالمقلط بسرعه..
منال اللي ترتب الفاكهه بصحونها الخاصه:عمتي يدي مشغوله قولي لنوف تجيبها...تو نوف داخله
نوف باللسانها الطويل:وش اجيب لالالالا خالتي قالت لك انتي يعنى انتي ترروحين
منال:ماقد قلت شئ الا وانتي معارضه اف منك..وراحت للمقلط تجيب البوادي اللي قالت عليهم عمتها وهي تفتح الدولاب عشان تطلعهم دخل ناصر للمقلط ولاانتبه لها لان الدولاب كان مغطيها ولاشافها وفوق كذا كانت لابسه تنورة بني غامق نفس لون الدولاب تعرفون لقافه الرجال يحبون يشفون وش فيها السفرة قبل مايقلطووون وجلس يرتب السفر فجاءة انتبه للبنت الواقفه وراه وسمعها
منال تمد البوادي لناصر من غير ماتشوفه:نوف اخذي البوادي ووديهم لعمتى..انبسط ناصر وابتسم على الخبله اللي ماشافته ولما سكرت الدولاب ولفت تبي تطلع شافت رجال واقف مقابلها قاعد يبتسم وهي مطيرة عيونها من الخوف ماتدري تتغطى او تنحاش او ..ماتدري وش تسوي غير طلعت بسرعه وهي ترتجف من الخوف بس وقفت مكانها واستوعبت ان مامعها الا 4 بوادي والباقي معه واذا رجعت للمطبخ بتهاوشها عمتها فتشجعت وتغطت ودخلت للمقلط وحصلته فاطس ضحك وهي تحاول تاخذ منه البوادي بقوة بس كان اسرع منها وبعدهم عنها عشان ماتخذهم ..
منال مفوله:الظاهر اهلك ماعرفوا يربونك زين ...ومشت تبي تطلع ووقفهاا
ناصر مبتسم:اذا اهلي ماربوني زين اعرفي وابصمي بالمليون % ان اهلك بعد ماربوك زين..
منال وهي تلف عليه بعصبيه:Please help yourself(رجاء احترم نفسك)وعلى طول طلعت عشان ماتسمع كلام اكثر منه وتسب فيه بخاطرها والله انه مايستحي على وجه..
اما ناصر فعرف انها منال لان هي الوحيده اللي تخصصها انجليزي فضحك عليها وعلى عصبيتها وقال بنفسه ماشاء الله عليها حلوة وعصبيه وضحك لما تذكر الربطه اللي حاطتها في جبهتها وكانها من الهنود الحمر بس طالع عليها جناااان ومشى لمجلس الرجال وهو يتذكر تعابير وجهها ويضحك
اما منال اول مدخلت المطبخ ترتجف ماتدري خوف او شئ ثاني وهي سرحانه وشلون جتها الجراءه تكلمه كذا والله ماستحي على وجهي بس اه عليه مزيون هذا اي واحد فيهم حمد ولا خالد ولا ناصر..
هديل باستغراب:منال وش فيك عمتي تكلمك..
منال تنتبه لهم:هاه..هاه..ايه جبت 4 يكفون....
ام محمد مفوله:4 وش يسدون اربع يالله بسرعه روحي جيب 6 واعطي هذووول للشغالات تغسلهم يا بسلكم من بنات.....واعطت الشغالات يغسلون البوادي..
خلص اليوم مثل اي يوم وراحوا العوايل لبيوتهم وماجلس الا نورة محمد ومرته عند الجده منيره
الجده:اقووول اسماء مافي شئ بالطريق..؟؟
اسماء مستحيه:لا لسه ماكتب الله شئ للحين...
الجده:كم لكم متزوجين..؟؟
اسماء:....6شهور..
الجده مستغربه:6شهور ولافيه شئ طيب روحي اكشفوا انتي وزوجك ترى مافيها شئ..
محمد:لا يمه حنا مأجلين الين ماتخلص اسماء دراستها..كل شئ بوقته حلو..
الجده مفوله:وليش مأجلين ترى ياولدي مايجوز حرام اللي تسووونه تقطعون ذريتكم..
محمد:ومن قال حنا نقطع ذريتنا احد يتمنى ما يشوف عياله..
الجده تبي تخرب ولدها:اجل خلاص لاتحرم نفسك وشوف عيالك وماعليك من احد..محمد يطالع اسماء اللي استحت ونزلت عيونها فاكتفى بابتسامه ونزل عيونه
ام محمد بخبث:يمه هذا شئ متفقين عليه لاتخربين مخططاتهم الله يهديك..قاصده تقول كذا عشان يستحون على دمهم ويفكرون يجيبون حفيد لها..

تنحنح ابو محمد ودخل مع خالد وناصر بنفس الوقت استاذن محمد بيروح يرتاح لانه عنده سفرة للشرقيه
الجده تكلم خالد:وانت متى ناوي تتزوج بسلامتك اللي بعمرك عيالهم بمدارس
خالد يقول بنفسه اشتغلت الاسطوانه الله يعدي اليوم على خير..
ام محمد تتشكى:والله يا يمه تعبت وانا اقوله يقولي لسه ابي اتنفس حاولي فيه يمكن يقتنع..خالد منزل عيونه...
الجده مستغربه:وش يتنفس بعد الحمدلله والشكر احد خانقك ماعليك منه يمه نورة من الحين دوريله بنت الحلال اللي تناسبه..
ام محمد مبتسمه وتناظر ولدها:البنت موجوده بس خليه يوافق هو بالاول..خالد يطالع امه ووده يعرف من هي هالبنت اللي امه اختارتها له..
الجده بفرح:والله يانورة مين هي؟؟ ومين بنته؟؟
ناصر قفز بالسالفه:اقول يمه انتي وامي منيرة دامك متحشرات وتبون الحبيب يتزوج ولاهو راضي انا قدامكم ابي اعرس..ماحس الا وامه تضرب كتفه بخفه
ام محمد:ياللي ماتستحي على وجهك انت خلص دراستك واشتغل بعدين فكر بالعرس اللي اكبر منك مافكر تجي انت وتفكر عيال اخر زمن..
ناصر:الدراسه باقي سنه واخلص والحمدلله والوظيفه مظمونه عند الوالد هاه وش قلتي انا ماقلت بعرس خطبه او ملكه اهم شئ ارتبط..مسكته امه من اذنه
ام محمد:نويصر حركات الاستهبال في مواضيع جاده خلها عنك واثقل والا ترى ماتشوف اللي يسرك
ناصر وهو ماسك يد امه عشان ماتشد بقوة::اي اي اي اي ان شاء الله بس فكي اول..فكته وجلس يفرك باذنه..
ام محمد:هاه خالد وش قلت اتوكل وافاتح العروس واخذ رايها مبدئيا او لا..
خالد باهتمام:قبل كل شئ ابي اسمع رايي ابوي بالموضوع..؟
ابو محمد:انت تعرف رايي من زمان هذا يوم السعد اذا شفت عيالي ببيوتهم مبسوطين ومتهنيين الله يوفقك ويعطيك الخلف الصالح..
ام محمد بابتسامه انتصار:اعتقد مالك اي عذر الحين..
خالد:بالاول اعرف من هي ومن بنته وبعدين افكر واقولك رايي..؟
ام محمد بفرح:هديل...بنت اخوي ابراهيم..

وش تتوقعون تكون رده فعل خالد هل بيوافق ويفرح امه او يلغي هالزواج ..؟؟

كل هذا تعرفونه باجزء الجاااي ،،

تحيــ111تي

[شوق حياتي]

يسلموووووا ع الجزء الرووووووووعه



خلوووووودي اكيد بيوافق على هدوووول


انطر التكمله حبيبتي

[mmlo07a]

ننتظر التكمله
اكيد بيوااااافق
لا تطولين علينا

[قشطه بالشكولاته]

القصة أكثر من رائعة
شكل خالد بيرفض
بسرررررررعة لاتطولين علينا
في انتظارك

[شوق حياتي]

بلييييييييييييييييييز انطر التكمله الحين وينج ماكملتينها بليز خيووووووووه

[dallooaa]

يلا الله يخليك نبى التكملة بسرعة تراني متحمسة مررررررررررررررررررررررررره

[قمـرهم كلهـم]

تسلموون حبايبي على المتابعه

ربي يعطيكم الصحه والعافية ولا يحرمني منكم

بس آسفه لأني ماكملتها وخليتكم تنتظرون بس صدقووني صارت عندي ظروف خآرجه عن ارادتي

وان شاء الله استمر معكم ولا اطووول

وهذي التكمله لخاااااطركم ومن حسن حظكم طويييله هالجزئيين ^^

[قمـرهم كلهـم]

::::الجزء الخامس::::

الساعه 8 وثلث دق تلفون الصاله ولا احد كان فيه وطول وهو يدق وينقطع ويرجع يدق الين ماجاء حماده يركض وشاله...
حماده ياخذ نفس:الوووو....الووووو
ام محمد:السلام عليم ..حماده شلونك وشلون ابوك وامك؟
حماده:بخير..
ام محمد:وينكم من ساعه وانا ادق طالعين؟
حماده:لا....بالخميه....
ام محمد:طيب وين هديل؟ على طول حط السماعه وراح ينادي هديل
حماده:هزززززيل.......هززززززيل......تلفون
طلعت هديل بسرعه من غرفه وليد ووليد معها يشفون وش فيه حماده يصرخ لانهم ماسمعوا الجمله الاخيرة ونزلووا بسرعه من الدرج
وليد بخوف:وش فيك تصارخ...حماده يمد السماعه لهديل
حماده:تلفون....على طول راح للحوش استغربت هديل مين اللي طالبها
هديل بحيرة:الووووووو.....
ام محمد:السلام عليكم وشلونك هديل؟؟؟
هديل بفرح:هلا عمتي وعليكم السلام بخير عساك بخير وش اخبارك؟
ام محمد:بخير الحمدلله..هديل مابي اطول عليك تقدرين تجين لبيتي الحين
هديل باستغراب:ليش عمتي وش صاير؟
ام محمد تطمنها:ماصاير شئ بس جالسه بروحي ومليت قلت تجين عشان نسولف وننبسط
هديل تناظر وليد:والله ياعمتى ماظن اقدر اجي الحين؟
ام محمد بحزن:ليش ليكون ممنوعه بعد..؟
هديل بصوت واطي عشان مايسمعها وليد:ايه..
ام محمد بنرفزة:لاحول ولا قوة الا بالله..طيب انا بجيك الحين ابوك فيه؟؟..
هديل:مادري ياعمتي ..
ام محمد:خلاص ساعه او اقل وانا جايه مع السلامه..
هديل بحيرة:الله يسلمك..سكرت السماعه
وليد باهتمام:وش عندها عمتي متصله..؟
هديل بحيرتها:مدري والله ياوليد تقول تعالي عندي والحين تبي تجي..
وليد بحيرة:غريبه..المهم خلينا نشوف ابدعاتك يا مبدعه تفضلي..تقدمت قبله وابتسمت وطلعوا فوق....


كان جالس باحد المقاهي وهو يشرب قهوته وهو بعالم ثاني يفكر بهديل اللي سمع صياحها هديل اللي شافها والخوف بعيونها قطع عليه حبل افكاره جواله يدق..
خالد:هلا حمد ..
حمد:السلام عليكم..وينك فيه؟
خالد بضيق:وعليكم السلام انا بالمقهى بغيت شئ؟
حمد بحيرة:خالد وش فيه صوتك..؟
خالد يتنهد:تعال واقولك كل شئ تعرفه المقهى اللي دايم نجتمع فيه..؟
حمد:ايه اعرفه احسبلي 10 دقايق وانا عندك..وسكر ورجع خالد بعالم التفكير وماحس الا حمد يكلمه
حمد يحط يده على وجه خالد:ياالحبيب...هييييه...
خالد بأنتباه:شفتك وربي شفتك ...ابتسم
حمد بخوف:لالالا الاخ مو بعالمنا وين سارح فيه
خالد بحيرة:سارح بعالم مايعلم فيه الا ربي واحس اني متوهق..
حمد ويعدل الكرسي:قبل ماتقولي..اول شئ اطلب لي موكا هوت وبعدين تكلم على كيفك
خالد:والله انك قعيطي ياخي قم اطلب لنفسك انا حدي مفلس ..
حمد مستغرب:افااااااااا يا ولد عمتي ماهقيتها منك اثريك قعيطي الله يعين حرمتك اجل تبي تجلسها على بساط الفقر..شاف تعبير وجه خالد لما طرأ العرس
حمد بخبث:هاه ولد عمتي وش فيك ليكون الوالده صاجتك للحين..؟
خالد بتعب:والله من ناحيه صجتني صجتني بس اللي تعبني شئ اعظم..
حمد بخوف:وش فيك ياخالد عسى ماشر..؟
قاله خالد كل الحوار اللي دار من 3 ايام في بيت الجده منيرة..
حمد:طيب كلام جميل الى الحين وانت ماغلطت قلت تبي تعرف من هي وتبي تفكر وتعطيهم قرارك وش اللي متعبك مافي شئ يتعب بالموضوع..
خالد وبدء يعصب عليه:اللي متعبني ان الوالده تبي تفاتح البنت الحين وتاخذ منها جواب مبدئي وانا ماحب الطريقه هذي..
حمد:لا بالعكس كويس اللي سوته عمتي احسن من تروحون وتتعنون وبالنهايه ولا شئ..تعال انت ماقلتلي مين العروس..؟
خالد مبتسم:لو اقولك ماتصدق ..؟
حمد:يوه وش فيك انت اليوم تكلم مثل العالم والناس ليجيك كف الحين تعدل هالخشه ..
خالد انبسط على ولد خاله:هههههههه طيب طيب مايسوى علينا..تصور تبيني اخذ هديل بنت خالي ابراهيم..
حمد مستغرب:هديل ماغيرها..بس ماكانها صغيره عليك؟
خالد:هذا اللي محيرني صغيرة وفوق كذا ماكملت دراستها..وش رايك
حمد بجديه:تبي نصيحتي وافق ترى ماتحصل مثلها والله اتكلم جد كثير ماسمع عنها كلام طيب الكل يمدح فيها ماشاء الله عليها وبعدين من ناحيه السن ترى مو مشكله كثيرين بنات تزوجوا وهم 15 وفوق ولاتنسى امهات زمان متى كانوا يتزوجون ومن ناحيه الدراسه اشرط عليهم تكمل دراستها والا بلاش من الزواج وانتهينا..واذا محتار مثل ماتقول صلى استخارة عشان ماتظلم نفسك ولا تظلمها معك وتوكل على ربك اللي ماينسى عبده..
خالد:انا مو معارض على هديل انا معارض على الفكرة نفسها فكرة الزواج ودي اجلس سنه سنه ونص وبعدين افكر لاحقين عليه توني مخلص دراستي ابغى اتنفس شوووي..
حمد ويستنشق هوا:تنفس ماحد ماسكك..غطى وجهه من ضربه ولد عمته وضحكوووووا


جت العمه نورة بيت اخوها واللي جايبها ناصر وقالت له بعد ساعه تجي وياويلك اذا ماجيت لان نست جوالها بالبيت قال انا بجلس مع وليد او عبدالله واذا خلصتي تلقيني ببيت الشعر ارتاحت امه من كلامه ونزلوا على طول
دخلت الصاله ولاحصلت احد فيها وقالت احسن مابغى اشوف شيخه على طول طلعت فوق لغرفه هديل..برغم انها عمتهم فعادي انها تطلع وتنزل مثل ماتبي بيت اخوها....
طلعت فوق وحصلت وليد طالع من غرفته وجاء سلم عليها وسال عن اخبارهم وقالت له عن ناصر وراح له بعد ماقال ان هديل بغرفتها دخلت على طول للغرفه وقفلت الباب ولاشافت احد بالغرفه وسمعت صوت مويه بالحمام عرفت انه هديل تاخذ لها دش وراحت تستعجلها طلعت هديل لافه على راسها الفوطه وسلمت على عمتها وجلستها بجنبها
ام محمد:اسمعيني ياهديل في كلام بقوله لك بس مابغى اسمع ردك الين ماتفكرين زين
هديل بخوف:عمتي عسى ماشر..
ام محمد:بدخل على طول بالسالفه...هديل ابيك لولدي خالد وش قالتي..
هديل متفاجاه:عمتي......انا......وبلعت ريقها...قاطعتها
ام محمد:لاتقولين رايك ابيك تفكرين زين ولك 5 ايام انا ابي اسمع رايك اذا بالموافقه خطبنا رسمي واذا لا لاحدن شاف ولا حدن سمع ولاتحسبين ياهديل اذا رفضتي اننا بنتغير عليك لايايمه بتضلين هديل اللي نحبها واللي نعزها ..هديل منزل عيونها مستحيه
ام محمد:هديل يمه انا مافكرت فيك زوجه لولدي الا عشان ابيك جنبي ابي اشوفك وفوق كذا اشوفك مناسبه له...ورفعت عمتها راسها وشافت الخجل ووخدودها حمرااا
ام محمد تبي تحرجها:يازينك ياهديل وانتي مستحيه...وضحكت عليها
ام محمد:شوفي ياهديل واسمعيني زين...ناظرتها هديل بخجل
ام محمد:مو عشانه ولدي بقعد امدح فيه واذكرلك محاسنه وما اقول عيوبه الانسان يايمه فيه عيوب ومحاسن..هزت هديل راسها بالايجاب
ام محمد:من يوم دخلت بيت مبارك وشفت عياله باستقبالي حسيتهم عيالي اللي انحرمت منهم.. حسيت بالامان معهم وتعلقت فيهم ماراح اذكرلك صفات كل واحد بخصص لك خالد زوج المستقبل.. خالد اطيب اخوانه وماشاء الله عليه ماعمري قلت شئ وجلس يتعذر مو عشاني امه او مره ابوه لا عشان قلبه اللي كل الناس تشهد عليه برغم من طيبته الا انه عصبي..يمه هديل انا عارفه وش تفكرين فيه..
هديل بخجل واستغراب:وش افكر فيه ؟؟
ام محمد:اني اخترتك عشاني اشفق عليك صح..شافتها تهز راسها بالايجاب
ام محمد:غلطانه يايمه انا ابيك لولدي عشانك تناسبينه اكثر من منال..لاتحسبيني على طول فكرت فيك لا فكرت بمنال وبشذى بنت عمه اللي هي صديقتك.. وبنوف بعد..طيرت عيونها لما ذكرت نوف وابتسمت عمتها..فكرت نوف بس مو بجديه مثلك ومثل منال وشذى نوف صغيرة على ولدي واذا اخذته بتهبل فيه..ضحكووووا على المسكينه
ام محمد بنظرة حنان:الحين عرفتي ليش اخترتك..هزت راسها بالايجاب..حلو الحين ابيك تفكرين واستخيري ربك ولاتتسرعين باي شئ اخذي وقتك واذا 5 ايام ماتكفى اعطيك اسبوع زين وعندك وليد اساليه عن خالد..
هديل بخجل:وشلون عمتى اساله؟؟بيقولي ليش تسالين؟؟..
ام محمد مستغربه من كلامها:حلوة ليش تسالين عادي قوليله عمتي خطبتني له وانا من حقي اسال عنه شافت وجه هديل احمر من الخجل ومنزله راسها
ام محمد وتبوس على راسها:الله يوفقك يايمه ويسعدك انا الحين بمشي واذا قالت شئ لك هالعقربه قولي ان عند نسايبهم زواج وتشوف ملابسي عشان اروح معها ولو انها ماراح تقتنع بس نسكتها اهم شئ..
هديل توقف بجنب عمتها اللي وفقت وتعدل طرحتها:ان شاء الله..عمتي اجلسي تعشى معنا..
ام محمد:ودي يايمه بس تعرفين تركت البيت من غير ما اقول لاحد بس ان شاء الله نتعشى سوا ببيتك قولي اميييييين..ضحكت على هديل وخجلها ...وقالت بعصبيه قولي امييييييييييييييييييين
هديل فاطسه حياء:امين..
ام محمد:ايه كذا ابيك يله مع السلامه..وفتحت الباب
وهديل وراها:مع السلامه....ووصلتها عند مدخل البيت وطلعت فوق وهي مو مستوعبه باللي يصير لها اتزوج وبذا السن؟ياربي مو مصدقه اللي قاعد يصير؟خايفه ومدري وشلون افكر ابغى احد يشير علي..وتنهدت تنهيده طويله وطالعت لفوق تستنجد الله ::وش اقرر ياربي اوافق والا ارفض خايفه من مسؤوليه ماكون قدها ساعدني يارب وخذ بيدي يارب و لاتتخلى عني يارب ::


رجع خالد على الساعه 2 بالليل واول مادخل حصل كل شئ مظلم و طلع فوق وحصل غرفه ناصر مفتوحه انوارها طق الباب عليه وفتح الباب وحصل ناصر جالس على جهاز الكمبيوتر ويضحك وحاط الهاندفون ووقف عنده...
خالد بجديه:ماوراك بكرة جامعه..؟
ناصر بهبل ويشيل الهاندفون :Excuse me,What are you say
خالد بدهشه:الله الله من متى الاستاذ ناصر يتكلم انجليزي..
ناصر بنفسه من يوم شفت منووووله:من اليوم...يبتسم
خالد ويطالع شاشه الكمبيوتر:بالله عليك ماتمل من النت وخرابيطه ..
ناصر:لا ولا ابغى امل منه..مشى خالد يبغى يطلع ولاحب يقول لأخوه شئ لانه يعرف من هو اخوه زين ولا هو من النوع اللي يدور على البنات لانه ببساطه ياخذ كل شئ تسليه X تسليه وتضييع
وقت وبس...يعنى يحب تكون علاقاته سطحيه وفي النت اما تطورات وخرابيطه ماعمره فكره فيها
اول مادخل غرفته وهو يعلق شماغه بالشماعه سمع طقت باب ففتحه وحصل امه واقفه
خالد بارتباك:يمه وش فيك ليش مانمي بذا الوقت..؟
ام محمد ببرود:انتظرك انتظر تشريفك..؟
خالد مستغرب:عسى ماشر يمه فيه شئ..؟
ام محمد:لامافي شئ بنوقف كثير على الباب..تدارك خالد وعلى طول سحب امه وسكر الباب
خالد:اسف ياست الكل والله من التعب ماحسيت تفضلي اجلسي..وجلست على السرير
ام محمد بجديه:مابغى اطول عليك ابي اسمع قرارك..نزل خالد عيونه
خالد بتردد:انا.......انا......مو موافق




في بيت ابو حمد..صالح وزوجته مع بناتهم وكانوا يضحكون بنفس الوقت جاء حمد من برا
حمد:السلام عليكم..وراح باس راس امه وابوه
الكل:وعليكم السلام..
حمد بطبيعته:ماشاء الله اخواتي مجتمعين اليوم..ابتسم
لمى الاخت الصغيرة وماعندها الا بنت وحده بالاشهر(رغد):ليش يا استاذ حمد ماتبغانه نجي عشان مانسرق عليك الاضواء....
حمد بتكبر مصطنع:اصلا ماعاش اللي يقدر يسرق الاضواء مني..يأشر باصبعه على نفسه
منيرة الاخت الكبيرة ولها 3 اولاد وبنت(ام عبدالله):يوه والله ماخذ بروحك مقلب خلاص راحت عليك الحين الدور على عيالنا وانت نقعها واشرب مويتها..ضحكوا خواته
ام حمد بعصبيه:هذا حمد الغالي ولد الغالي اذا الاضواء انسرقت منه يكفى انه محله مثل ماهو بالقلب
حمد حب راس امه:تسلمين يا اروع ام..هذا الكلام مو كلامكم اللي يحبط..
مها بعد منيرة ولها بنت وولد والحين حامل(ام حمد):اول مرة تعترف بالهزيم والله قويه ياخووي حمد احباط مرة وحده والله وعرفنا نضرب ضربتنا صح..
حمد بغرور مصطنع:اقول ترى ماهون عليك تدري ليش لاني تنازلتلك وتواضعتلك عشان اعطي اسمي لولدك الكمخه..ولدها مو كمخه بحكم سنه يخاف من عيال خالاته يكفخونه ولايقدر ياخذ حقه
مها بعصبيه:لابسم الله عليك والله ما الكمخه الا انت هذا الشيخ حمد بن تركي...
حمد يضحك على اخته:امحق.. لو ماهو اسمي كان ولدك هذا اللي صاجتنا فيه وجوده مثل عدمه
مها:كفوك...وصدت عنه يقالها زعلت واخوها يضحك على اخته
ام حمد تكلم زوجها :اقول ابو حمد اخوي سعود عازمنا على البر يوم الخميس هذا وتبيني ابلغك وابلغ البنات بعد..
ابو حمد:والله ونعم بابو عبدالرحمن راعي واجب ماعمره نسى احد ان شاء الله ان كنا من الحيين جيناهم
ام حمد:يقول نبي نطلع جماعه مرة وحده عشان ماحد يضيع عن الثاني ..
ابو حمد:ميخالف ماقلنا شئ..بس متى يمشون ووين يبون يرحون؟
ام حمد:على كلامه من الساعه 6 الفجر بيمشووون وبيروحوون للصمان او الطوقي..
ابو حمد بدهشه:الصمان بعيده ..قوليلهم يصير خير...
ام حمد تناظر بناتها:وانتم بعد ترراكم معزومات ولاتنسون رجالكم بعد..
حمد باقتراح:يوبه وش رايك حنا بعد مع عمامي وعماتي نطلع الخميس للبر والله زمان عن البر ..
ابو حمد عاجبته الفكرة:ايه والله صادق خوش راي ياوليدي خلاص انا اتفق مع عمك عبدالعزيز وعماتك ونطلع الخميس الجاي للبر..


الساعه 7 الصباح جهزت الفطور لزوجها وعياله جلست وهي متضايقه من خالد والقرار اللي سمعته وماصارت تتكلم معه الا باشياء بسيطه هو صحيح الزواج مو غصب وهذا الشئ مو مزعلها اللي مزعلها رده فعل خالد والكلام اللي قالت له دليل على ان كلامها كان بمحله وماكذبت فيه..
((انا مو من حقي افرض عليك رايي لاني بكل بساطه مو انا امك الحقيقه انا بس رشحتلك البنت ولك الاختيار هذي حياتك ومافي اي احد يضغط عليك حتى لو انا اللي اكتشفت اني زوجه اب فقط
ولاتحسب اني بزعل لا ..انا بس متحسفه انك ضيعت جوهرة..يمكن ماحد فيكم يستاهل الثاني وهذا نصيب ولااحد يقدر يغيره بس اللي صدق ضيقني مالي وجه اقابل هديل مرة ثانيه بعد ماعرفت قرارك كان لي امل انك توافق..والله يوفقك يايمه واذا بغيت او فكرت انك تتزوج عندك خالتك ساره او عماتك واذ تبيني اخطبلك انا تحت امرك..وطلعت وتركته))هذا الحوار اللي دار من 4 ايام يوم كانت نورة عند خالد..واكتفى يسمع من غير اي كلامه يعنى موافق على كلامها ومن يومها متضايقه.. نزل ابو محمد وجلس على الطاوله ونزل وراه ناصر..
ناصر:صباح الخير..وباس راس امه وابوه