المساعد الشخصي الرقمي

مشاهدة النسخة كاملة : مسكين ودي يتعلم شلون يسوي مرقوق

Msken
04-06-2002, 11:37 AM
القوه ، الحقو علي وربي مليت اكل من المطعم وكله من الغربه
امس قررت اسوي كبسه خربت ام الشغل كله :(
وجاي على بالي اعرف مقادير المرقوق ، اذا فيه فزعه
بليييييييييييييز لاتخلوني


:smoke:
بنت الرياض
04-06-2002, 07:32 PM
<FONT FACE="Tahoma" SIZE="4"><FONT COLOR="#804040">
الله عليك وماحطيت عينك الا على المرقوق..
صحيح انا ماني راعية مطبخ بس يبيله شغله..
يعني مو أسهل من الكبسه..
وهذ لازوم الطبخه والذي منه..:D

المقادير:

ثلاث كأسات ونصف طحين أسمر
كيلو لحم
كأس ونصف ماء
حبة بصل
ملعقتي طعام زيت
ثلاث حبات جزر
ثلاث حبات طماطم
علبة صغيرة معجون طماطم
ثلاث حبات فلفل اخضر حار
ثلاث حبات ليمون أسود
قليل من الملح
قليل من الفلفل أسود المطحون
ملعقة صغيره بهارات

الطريقة:

*يعجن الطحين بالماء حتى تتكون عجينة طرية ثم تترك نصف ساعة جانبا
*يوضع البصل في قدر مع الزيت ويحمر جيدا
*نضع اللحم مع البصل ويتبل بالملح والفلفل الأسود والبهارات
*تضاف حبات الطماطم بعد تقطيعها على الخليط ويترك على النار حتى يذوب الطماطم
*يضاف 8 اكواب من الماء على الخليط
*يترك على النار حتى ينضج اللحم نصف استواء
*يضاف الجزر والبطاطس المقطع ومعجون الطماطم والليمون الأسود

*نجي للعجينه اذا تحب تسويها من النوع اللي يسمونه (مطازيز)
تفرد العجينه وتقطع دوائر قطرها تقريباً(3-4 سم)
أو الطريقه الثانيه والمعروفه تقطع العجينه كرات متساويه في الحجم وترقق باليدين(اتوقع صعبه عليك)
*توضع أقراص العجينة على المرق وهو يغلي حتى نفاذ كمية العجين
*تترك على نار هادئة جدا لمدة ساعتين تقريبا حتى ينضج العجين
*يوضع الفلفل الأخضر الحار قبل النضج بقليل.

وصحتين وعافيه..

طبعاً أستعنت بجدتي الله يطول لي في عمرها ويخليها لي..
واتمنى اني أكون قدرت أخدمك..
وتحياتي لك..:wwye:
Msken
04-07-2002, 06:56 AM
الاميره بنت الرياض يالله ياربي جعل ربي يطول لي في عمرك
:D عزالله ماقصرتي والله يعطي جدتك العافيه والصحه
بس ياوخيتي كل هذي مقادير ، على مااجمع مقاديرها
يبي لي اسابيع :p
انا من بكره انشاء الله ببدى اجرب وعلى الله التوفيق رغم انّي متوقع واحد من اثنين يامحترق يانّي ّ (يعني موب ناجح) بتقولون لي وش نيّ وش ناجح بقولوكم يعني ماستوى زين :confused:
بس انا عندي امل انشاء الله بكون قدها وقدود وافلح في الكبسة والمرقوق (طلعت قصيده) :P
جــــــــــــــاي لك يالمرقـــــوق :)


مشكوره اختي بنت الرياض ولاهنتي
ادري اتعبتك معي بس ترى فيّ صدقه مسكين
:( :(
تحيــــــــاتي
اخوك مسكين
(القادم الى عالم الطبيخ بقوة)
:)
بنت الرياض
04-07-2002, 07:06 AM
<div style="width:100%;filter:glow(color=black
,strength=4);color:white;font:14pt">
أبد أخوي لاتعب ولاشيء..
وتسلم لي هالدعوه الحلوه..
وأنا مثل أختك.. أعين وأعاون..
ولو بيدي صلحته لك وأرسلته على الهوت ميل..:D
وانت تستاهل يامسكين..:)