مـــيــــامـــي و مـــســـلــــســل التــــشــــــويــــه المــســـتـــمر............

[السياسي_الكويتي]

بسم الله الرحمن الرحيم

السلام عليكم و رحمه الله و بركاته.............
======================================
شنو أكثر من هالتشويه و الأستهتار بالأغنية الخليجية أي فن هذا اللي يعتمد على الإيقاعات و النغمات الراقصة اللي بس تونس يوم أو يومين إحتمال أسبوع أو أسبوعين والله مستواه ناززززل تدرون أي شريط ميامي 2003 والله أي كلام و أي ألحان............................................
وحده من الأغاني تقلد المطرب الشعبي شعبان عبدالرحيم على شنو أخاف وديع الصافي طبعا مايساوي ظفره بس طبعا هالكلام حق اللي أسمعوا الأغنية أسمها ( حبيبي أللي ) والله حجي فاضي على غير معنى و المشكلة روتانا هالشركة الكبيرة هادا مطربين يستاهلون إنتاج أشرطتهم و هالفلوس اللي تقطها على هالفرقة؟؟؟ صراحة محمد عبده لو متعاقده معاه و منزلته شريط مو أحسن على الأقل يغني فن راقي أو أبوبكر سالم أو فنانين شباب يقدمون فن حلو يستاهل الواحد يسمعه مو أغاني هالفرقة اللي كلها فقاعات صابون تضرب بالسوق شهر و شهرين و بعدين ينسونها الناس أكو أحد يتذكر أغنية عاشوا أو شيلوها شيله نادر ما تحطها محطات الأف ام لا و في وقت مومناسب اللي يضمنون أن ماكو أحد فاتح الراديو والله حاله مخلين هالمطربين اللي يقدمون أغاني حلوة ما ينساها الناس سنين مو ماخذين حقهم الإعلامي و المطربين اللي مثل هذيله التلفزيونات مو مقصرة وياهم إنزين ليش والله لو أنا وزير الإعلام والله أمنع شريطهم من البيع.........
أنا أقوووول لو يعتزلون و ينزلون إعلان صغير بو دينار في جريدة يقولون فيه
لحفلات أعياد الميلاد للأطفال تحت سن 6 سنوات الإتصال على الرقم التالي ********* مو أحسن لووووووووول و في فرق غنائية واييييدة مثل الأخوة البحرينية على الأقل يغنون أغاني معترف بها دولياً لووول أو جيتارا والله اللي ردت هيبة الفرق الغنائية الخليجية و بعدين عندي شوية أسئلة......
ليش مهرجان هلا فبراير 4 سنين يرفض غناء هالفرقة في المهرجان
لانه بالمختصر المفيد يفشلون لانه أهدوم ما يعرفون يلبسون في صورة لابسين أصفر جنهم اللي يشتغلون في المطاعم ملوت العصير لووووووول
======================================
هذا راييي الشخصي و الحق ما ينزعل منه
مع تحياتي للجميع..................

clown.gif clown.gif clown.gif clown.gif

[غزير^^الشوق]

مشكوووور أخوي السياسي .... وكلامك صحيح


والفرقة عاااااادية جداً وأغنيهم هابطه وخساره فيهم الشهرة اللي حصلوا عليها ...

تحيــاتي لك ...

[رقيق احساس]

انا معك ولكن هذه الفرقة ظهرت للملا واعلنت هالكلام
انها فرقة تغيير جو يعني لاترجي منهم شي هذا هو هدفهم
الفني

[al7ale]

اعصابك اخوي السياسي_الكويتي كل هذا تكرهم بعدين احنا نحب اغاني جذي انت شحارك

[AS.Roma]

اي والله انت شحارك
بس ما اقول الا الله يهديك ...

[yapeee]

لاوالله شريط مياي اليديد واااااااايد حلوووووو عاد الناس اذواقdancte.gif boundce clown.gif

[AS.Roma]

شوف الناس الذويقه شلون تتكلم
تحياتي للاخyapeee
AS.Roma

[The Queen]

لامو لهااااااي الدرجة اخوي في لهم اشرطة واغاني وايد حلوه

عيل اشلون اشتهرو

[THE TRUTH]

هاي قايز ...


دول يغنون .. مثل فقاقيع الصابون .. شكلها روعه وهي تطير في الهوى ... لكنها ما تطول ... بوب ... وتختفي ... أصلهم "أزمه وتعدي dazzddler1



Thank U So Much dancte.gif

[بوحنون]

وعلى أي أساس تنقد علي ميامي يا(السياسي) وبعدين شريطهم اليديد حلو وايد
وحتى أشرطتهم القديمه كلها حلوه



cat.gif

[السياسي_الكويتي]

مشكورين أخواني صدى الحب و رقيق إحساس و الدلوعه عالي على ردودكم و أنا محترمها و أول موضوع نقد مافيه سب ولا هواش لووووووووول و يليت من الأخ بوحنون لا يدخل أحلام بالموضوع قاعدين نتكلم عن موضوع ثاني لا تدخلنا في متاهات..............


و شكراً.........................

[Nadiah]

الصراحه ميامي صحيح فرقه مو وايد بس ما تلاحظ اخووي ان خالد ضايع بينهم خالد صوت رائع وحرام يضيع بهالاغاني التافه ويكرهونه الناس علشانها خالد صوت رقيق ويوصل للقلب وكله أحساس بس والله مظلوم انت سمعته لمن يغني بودعك اغنيه حسين الجسمي وسمعت اغنيه حبيب الرووح والله حراام خالد يضيييييييييع

[السياسي_الكويتي]

مشكورة أختي نادية على ردج أهوه صوته حلو أنا ما أنكر هالشي بس الأغاني اللي يغنيها أهوه و ربعه كلها تافه و لو واجهتيهم بهالحجي ماراح يقولون لأ.........................


و شكراً........................

[بوحنون]

يا (السياسي) حبيبي انا ما غلطت على أحلام بس قاعد أقولك ليش
تقول عن ميامي جذيه وشحقه تقول عنهم التافهين

وشكرا

[ALMAJRO7]

حبيت اقول لو انها فاشلة شان ما صار لها شعبية كبيرة بالخليج وبره الخليج والاغاني الي تقول عنها كلماتها هابطة مطربين واييييييييييييييييييد نفس الشغلة ومشكور عالموضوعcool.gif

[cool.g]

والله حـــــــــــــــــــرام عليكم كل هذا الكلام البايخ لفرقه ميامي والله ما يستاهلوووووووووووون اهما مغنين رائعين وفرقه حلوه ومتميزه واغانيهم مشهووووووووووره في الوطن العربي ومنو قال ان مستواهم هابط وانت اخوي ما لقيت مغنين ثانين علشان تنقدهم في ملايين من المغنيين سخيفين واغانيهم تافهه وما قلت عنهم شيء اشمعناااااااااا؟؟؟؟؟؟
اكيد في سبب وراء كل هذا الكلام


cat.gif

[al7ale]

انت تقصد ان ميامي مغنين اي شي انزين ميامي اي شي عيل شعبان وربعه شنو يطلع

[السياسي_الكويتي]

----
أول شي حبيت أشكر بوحنون على رده الثاني بالموضوع و أرد عليه و أقوله من أغانيهم اللي كلها يلا أسمع قولوا تكفى هذه أغنية..........
-------
ثاني شي شكر للأخ المجروح على رده و أنا أقوله للأسف الناس نجحوهم مع أنهم ما يستحقون النجاح..........
-------
ثالث شي إلى الأخ كول جي في مطربين واييييييد مثل ما قلت أغانيهم هابطة بس في واييييييييد أعضاء تكلموا عنهم..........
-------
رابع شي إلى الأخ al7ale أقوله : قول هالكلام لنفسك ميامي قاعده تقلد أسلوبه بالغناء و أنا قلت هالشي في بداية الموضوع.............

مع تحياتي للجميع.....................

[حلطومه]

ana wiyya kalam nadiah

khalid souta wayid 7ilo

o tara 3indohum aghani 7ilwa

3indik ighniyyah isimha wainik min ziman kalimat'ha 7ilwa :)

o ba3ad ighniyyat gharamik shay 3ajeb

o ham 3indihum aghani 7adha ay shay

madri ishlon gayla 6aggat tanoma

atoma madri shino haza dazzddler1

[السياسي_الكويتي]

مشكورة أختي حلطومه على ردج بس أنا عندي كل أغانيهم بايخة..........



و شكراً.......................

[AS.Roma]

اذا انت عندك كل اغانيهم بايخه رجاءا لا تنزل اي موضوع عنهم لانه جمهورهم تارسين الخليج والعرب ووصلوا العالميه بعد بس انت ماتبيهم
يطلعون بشريطهم الى اعلى القمم
لكن انا اقولك اهم بيطلعون ومو محتاجين انتقاداتك
ومشكور وتقبل تحياتي واسف على اي شي بس هذا الصج والصج ينقال
والحق ماينزعل منه
وشوي شوي على الاعضاء

[السياسي_الكويتي]

جمهورهم بالخليج و العرب للأسف كلهم baby يرقصون على أغانيهم يوم يومين و بعدين يحذفون الشريط.......................


مع تحياتي.................

[AS.Roma]

ما راح ارد عليك بس اقولك انت منقهر واااااااايد
الفرقه هذي فرحت واااايد وونست وااايد
بس انت ما ادري شفيك
الله يهديك

[السياسي_الكويتي]

ماتقدر ترد لانه هذا الصج أي فن تقدمه ميامي أنا أقولك أسمع فرقتك و سخافتهم و خل غيرك يقول رايه..................


مع تحياتي....................

[AS.Roma]

انا مو ناطر منك اشاره عشان ارد بس اخاف ارد تنقهر اكثر
بس خلني
ساكت

[AS.Roma]

ياريت تسكر الموضوع لانه اكثر الاعضاء مو عاجبهم
علشان خاطر سمعتك في المنتدى سكر الموضوع

[السياسي_الكويتي]

ما راح أرد عليك...............

[AS.Roma]

مشكور ولا ترد
انا ادري انك تحاول تطلع عليهم حجي
بس ما اقول الا حسبنا الله ونعم الوكيل

[السياسي_الكويتي]

إشرايك اني ماراح أسكر الموضوع و سمعتي محفوظة عند الأعضاء و مو محتاج تقولي نصايحك و سمعتي ما عليك منها و ما أبيك تخاف عليها أوكي....................



لوووووووووووووووووووول

[دلوعة الخليج]

ميامي اشرطهم كلها روعه كلمه روعه قليله وخاصتا الشريط الجديد يجنن وبعدين الناس اذواق تشبيهك جدا سئ :(

[السياسي_الكويتي]

مشكورة أختي دلوعه الخليج عل ردج بالموضوع و أنا محترم رايج و راي جميع الأعضاء و على الأقل ردج مافيه كلام فاضي مثل البعض............



و شكراً........................

[AS.Roma]

لوووووووووووول
لاتعليق على ردود الاعضاء

[MR-HU$$AIN]

تقارنو بين صوت محمد عبده وصوت خالد
من الاصل مافي مقارنه .......
وووووووووووع محمد عبده قال
انت سمعت اغنية دوام الحال ؟ في الشريط الجديد
لوسمعتها ماقلت انه كلام........!
انا بصراحه ماحب محمد عبده ولو صار شريطه بريال ماشريته
ولو شفته مرمي ومغلف في نص الشارع باخذه وباحطه على جمب
على شان تواير السيارات لاتتعور
اعتقد من حقي اقول كذا بعد الكلام الي قلته على الفرقه يا السياسي

[AS.Roma]

على راسي بوعلي والله

[*Barbie GirL*]

ههههههههههههههه حلوووووه وربي حلووووووه هههههههه

شكرا السياسي الكويتي انا رايي من رايك اخيرا لقيت احد يفهمني
تدري وش اللي عجبني فقاعات وصابون تسدحت من الضحك يوم قريتها
شكلك كاتب الموضوع من قلب


لا ويحطون اعلان بودينار للاطفال تحت سن 6 سنوات

الله يرجككككككك يالسياسيس الكويتي
هههههههههههه
مشكور

[بو جسوووم]

لو لا اختلاف الاذواق لا ما تنوعت الاغاني .. كل شخص وله ذوقه وراي بالاغنيه الي اهو يحبها .. وكل شخص له مطربه المفضل عنده .. يمكن انت ما تحب تسمع له بس غيرك يحب يسمع يسمع له .. انت وغيرك أحرار بآرائكم
وشكرا للكل ......

[الــعـــنـــدلـــيــــب]

مشكور السياسي على الموضوع

طبعا كل فنان وله جمهوره

بالنسبه لفرقه ميامي انا ما اسمعهم

بس شفت كذا اغنيه لهم في التلفزيون

أعتقد داشين المجال الفني للفرفشه والرقص

[السياسي_الكويتي]

مشكور أخوي باتيغول على ردك و اللي أنا أنتظره..........................



مع تحياتي....................

[AS.Roma]

انا اقول لك يالسياسي احمد ربك انه لقيت واحد او اثنين يصفون معاك
وبالنسبه لميامي فهم مايحتاجون لارائنا
لانهم فرقه واصله للعالميه
وشكرا

[Bo^SaYaF]

مشكور اخوي السياسي

[دلوعه^^أمها]

حبيت أقدم باقة ورد عووووده لأخ العزيز سياسي الكويت لانه مواضيعه صراحة تشد الواحد من الموضوع و هذا الموضوع اللي تتكلم فيه عن فرقة مالها هدف بس الرقص و الفرفشة و انا مستغربه من رد بعض الاعضاء بالرد يعني الحين السياسي كتب موضوع عن فرقه فاشلة انت يا اس روما و اللي ( HU$$AIN ) اسمحلي اخ السياسي ليش نزلت نفسك لهم خلهم يولون و يا جبل ما يهزك ريح عدل كلامي ولا لأ

[السياسي_الكويتي]

مشكور أخوي بوسياف على ردك و الله يعطيك العافية...............
-------------
مشكورة أختي دلوعه^^امها على ردج الحلو صراحة و مشكورة مرة ثانية............
-------------
حبيت أقول ياني إيميلين..
الاول من عواطف خالد من الكويت تقول فيها ثلاث كلمات........
زيييييييين تسسسسسسسسسوي فيييييييييييييهم
--------------
و الثاني من جمانه من الكويت بعد تقووووول
صج لهم أغاني حلوة لكن تنفع للي عمرهم تحت 11 سنة..........

على العموم مشكورين

[بوحنون]

ها (السياسي) ليلحينك ماتحب ميامي؟؟
تراهم خوووش فرقه dazzddler1

[السياسي_الكويتي]

أنت أول واحد يسألني هالسؤال صج أصوات حلوة لكن أغاني مو حلوة و بسرعه تنسي أنا ما أقول هالكلام لاني خايف من أحد لكن هذا الصج يا بو حنون.....................



و شكراً......................

[AS.Roma]

الاميلات كلها من بنات
يبا ميامي جمهوره اكثره شباب
عطنا اميلات من الشباب مو بس بنات
يلله

[شيخة_البنات]

AS.Roma

لو سمحت حاول تحسين الفاظك .. وانت مب داخل حرب .. هذا موضوع يعني رديت خلاص .. مو تقعد ترد على الاعضاء اهو مضوعك ولا موضوع السياسي ...؟؟؟





ارجو تحسين الفاظك

[السياسي_الكويتي]

بدووووون تعليق على رد أي روما

و تسلمين شيخة

[شيخة_البنات]

اللة يسلمك اخوي سعد

[DR_q8]

ليش زعلان

الكل او الاغلبية لو حتى اقلية

تعتبر ميامي فرقة ناجحة و اغانيهم تونس وتفرفش و اذا كانو المحطات ما يحطون اغانيهم اهم شنو ذنبهم

اما بنسبا لي مسوتلي شريط منوع من اول اقانيهم حتى الحين

[DR_q8]

و نسيت كلنا نؤمن بحرية الراي


و حوار الورا فايدة


بلا زعل

[AS.Roma]

اختي شيخة انا ماراح ارد عليج
ما احب اسوي مشكله من لا شي
شوي شوي شفيكم متحمسين ضد ميامي
مهما قلتوا ميامي تبقى الاولى

ومشكورين

[نوال الحلوة]

لا عاد حدكم ما ارضى على ميامي cat.gif

و اللي محلي الفرقة خالد الرندي بس بعدين شريطهم اليديد

ينن حلو و كل اشرطتهم حلوة وااااااااااايد ومافي احلى منهم

اهما احلى فرقة و مافي صوت احلى من صوت خالد لما تسمع

صوته تذووووووووووب يطيح الطير من السما و اغانيه حلوة

دوام الحال و يا حلوكم و انا اهواك كل الشريط حلو وااااااايد

و حتى اغانيهم يغيرون الجو يخلي النايم يقوم من الرقص و كل اغنية

احلى من الثانية . بس حرام صوت خالد الذهبي يروح .........

و الصراحه خالد ما في صوت ينافسه مو بس بالخليج ولا بس

بالعرب بالعالم كله .

تكلموا بكل شيء بس ميامي خلوهم بصوب ...............

و بدون زعل

[al_la3een]

مشكووووووووووره

[AS.Roma]

اختي نوال الحلوه هذا اللي انا كنت بوصله
مشكووره وااااايد

[شيخة_البنات]

اقول




انا ماقول لكم لاىتبدون رايكم

ابدوه بس بدون ما تغلطون على كاتب الموضوع ..

[السياسي_الكويتي]

مشكورين أخواني كلكم اللي غلطوا و الي ما غلطوا................
-------
كل واحد يقول رايه بكل حرية بس بدون ما تلغلطون إنزين أنا نزلت موضوع ميامي و تكلمت عن ألبومهم خل تصير عندكم روح رياضية و ردوا و مثل ماقالت الأخت شيخة البنات لا تغلطون عن كاتب الموضوع سواء أنا أو غيري و يا SHaggy^Q8 أو AS.Roma طبعا هذا اسمك اليديد انت انطردت بالنك القديم لانك قليت ادبك على مشرفين و اعضاء و الحين ماشاءاالله عيني عليك باردة وصلت 200 مشاركة حرام تضيعها بمشاركة مالها فايدة حب الناس خل الناس يحبونك...................

مع تحياتي...............

[عاشق روما]

انا مو من المعجبين بهذي الفرقه
لكن بالعكس الاف ام تحط اغاني هذي الفرقه في كل المناسبات مثل الاعياد والناس تغني اغانيها في الاعراس والحفلات

[بوحنون]

مشكوووووووووور

[دلوعة الخليج]

بصرحه شريط ميامي يجنن وخاصتا انها احلى فرقه في دوله العربيه وصوت خالد يجججججججججججججججججججننdancte.gif ومشكور

[AS.Roma]

الرسالة الأصلية كتبت بواسطة السياسي_الكويتي
مشكورين أخواني كلكم اللي غلطوا و الي ما غلطوا................
-------
كل واحد يقول رايه بكل حرية بس بدون ما تلغلطون إنزين أنا نزلت موضوع ميامي و تكلمت عن ألبومهم خل تصير عندكم روح رياضية و ردوا و مثل ماقالت الأخت شيخة البنات لا تغلطون عن كاتب الموضوع سواء أنا أو غيري و يا SHaggy^Q8 أو AS.Roma طبعا هذا اسمك اليديد انت انطردت بالنك القديم لانك قليت ادبك على مشرفين و اعضاء و الحين ماشاءاالله عيني عليك باردة وصلت 200 مشاركة حرام تضيعها بمشاركة مالها فايدة حب الناس خل الناس يحبونك...................

مع تحياتي...............
اخ السياسي اذا ممكن يعني ماتفتح مشكله
لاني انطردت بسبتك
ومابي ارد اتهاوش معاك
هدي اعصابك
وانا ماغلطت عليك ولا قلت شي بس انا قلت راي وانت رديت عليه
بطريقه تنرفز وانا مارديت عليك مره ثانيه الا بعد مايرد كل معجب بالفرقه
وعاتقد المعجبين اكتسحوا المنتدى
بس انت ماتبي احد ينعجب
خلصت من عبدالله الرويشد وييت حق ميامي
انزين تقدر تقولي شحقه منزل رايك عن ميامي بعد يومين من نزول الالبوم..........
موجنك استعيلت
على العموم موضوعك هذا استعيلت عليه وايد لانه اصلا ماكنت راح تنزله بعد فتره من نزول الالبوم لانه الالبوم نااااااجح وبشهادة الناس
انا واحد من اللي رحت عقب نزول الالبوم بثلاث ايام والالبوم خالص من احد المحلات
..........
يريت ماتنزل مواضيع عن مطربين اومطربات ماتحبهم لانه مو كل الاعضاء يكرهون اللي انت تكرهه كل واحد وذوقه
......
تقبل تحياتي ِAS.Roma

[شيخة_البنات]

اخوي AS.Roma


اهو يكتب ذوقه ورايه بالموضوع مثل ما يبي .. اذا ما بغى راي الاعضاء ما جان كتب الموضوع من اصله والفكرة كانت انه يسمع رايهم وبس

انت ليش مكبر السالفة وهي صغيرة

[AS.Roma]

انا ماكبرتها
بس اهو استعيل وايد على الموضوع
نزله بعد يومين من نزول الشريط ...
ليش يحرج نفسه...؟
ليش مستعيل ..؟
ليش هذا الكره لميامي؟
ياخي ماتحبهم لا تكتب شي

[السياسي_الكويتي]

أوكي راح ارد علي ......
----

اولا انت انطردت لكثرة الشكاوي عليك............
ثانياً انا كتبت رايي بالموضوع بعد ما نزل شريطهم و حرام اقول البوم بأربعه ايام..........
ثالثا انا اكتب اللي ابيه و اعبر عن رايي بكل حرية لانه هذه سياسة المنتدى......
رابعا شنو يعني خلصت من رويشد و ييت حق ميامي رويشد انا احبه قبل لا اشوف الاعضاء اللي مثلك طقه شهر 9 و تحت بالمنتدى.......
خامسا رويشد فنان اكبر من انك تنقد عليه و تقارنه بميامي اوكي.....
سادسا لا تقول لاني نزلت موضوع تكلمت عن البومه الاخير اعفيني صج انه حلو و انا احب رويشد لكن هذا ما يمنع اني اقول رايي فيه بكل صراحة و كل الاعضاء اعطو رايهم بكل حرية الا انت مع رفيجك شهاب اللي انطرد معاك اللي اصلا ما قريتوا الموضوع بس رديتوا سديته انزين انا قلت ان البومه سيئ ما قلت انت ذكرت هذا في مشاركته بالموضوع و هذا دليل انك ما قريت الموضوع......
سابعا انا ما احرجت نفسي ......
ثامنا واييييييد اعضاء يكتبون اكثر من اللي كتبته و يوصل حق السب يت علي يعني و بعدين من اليوم ورايح ماراح ارد عليك ابدا لاني ماراح انزل نفسي و مثل ما قالتي اختي الغالية دلوعه امها لاتنزل نفسك حقهم و ترد عليهم رد على المشاركة المحترمة و المشاركة اللي مثل مشاركاتك ما ارد عليهم يعني اذا بترد مرة ثانية حاج نفسك لاني ماراح ارد عليك

مع احترامي حق شيخة و دلوعه و الاعضاء المحترمين اللي ردوا........

[AS.Roma]

لاتنزل نفسك حقي خلاص
بس لاتعصب
سلملم

[احلى بنوته]

ليش ليش كل هالعصبيه؟؟؟

بصراحه فرقة ميامي يونسون واحنا اتعودنا عليهم بهاللون من الاغاني
وشريطهم اليديد للوناسه والفرفشه ومافيها شي اذا غنوا حق شعبان عبدالرحيم
وشريط ميامي حقق نجااح كبير وحتى حفلاتهم اللي بالعيد

وكل هذا وطايحين من عينك؟؟؟
ارجو انك تتقبل رادي وما تزعل

تحيااتيgirl.gif girl.gif

[بوحنون]

اي والله صاجه (أحلى بنوته) شريطهم الاخير فرفشه ووناسه

[السياسي_الكويتي]

مشكورة أختي احلى بنوته على ردج و على عيني و على راسي جمهورهم بس أنا أما أدانيهم عندي جيتارا أحلى و أرقى..............
-------
مشكور أخوي بوحنون على ردك.............

مع تحياتي......................

[snow_man112]

hiiiiiiiiiiiiiiiiiiiiiiiiiiiiiiiiiiiiiiiiiii

هلا

[hamada 24]

انت قلت هالكلام الفارغ بسبب عنصريتك الزايدة عن اللزوم .. و انت كويتي و طبيعي انك تكرة المصريين .. عشان كدة انت اتجنيت لما غنوا اللغة المصــرية .. و عموما محد طلب منك انك تدلي برايك خليك فرحان باحلام [/COLOR]

cat.gif :16: cat.gif :16: cat.gif

[aziz^amro]

انا اقوول راي وبكل صراحه ان فرقة ميامي هي الاوله بالعرب والكويت لانه الفرقه الوحيد لي واحد يسمعهاا يستانس مو مثل بااقي الفرق كله حزن بحزن شنو اشتريط شريط ابجي فيه ولا استانس وانت حطيت على ميامي ياخي عندك كذا مطرب مثل شعبان عبدالرحيم هذا في احد يسمعه وحكيم ولي هبووفيه بابا فين هذاي اغنييه تنسمع وثاني شي على هلاا فبراير انا اللجنه تبيهم بس يغنون مااتبيهم يدقون بالالات الموسقيه الفرقه رافضه هالشي وعندك حفلة البحرين وعمان لرقة ميمامي وكلهاا ناجح وشركة روتانا من حظهاا ان فرقة ميامي معهاا لانه هي لي تجيب الفلوس له يعني الصفكه مو خسااره على ميامي وانا ارد وقوولك انه الفرقه الاوله بالكويت وبالوطن العرب وشكراً

[السياسي_الكويتي]

مشكور أخوي عزيز عمرو على مشاركتك معانا و ما تقصر..........
--------
حبيت أرد على حماده 24 و أقوله ليش ما أحب المصريين ماسك عليي شي يعني كل كويتي ما يحب المصريين بس أنا راح أرد عليك و اذا شفتك رديت بالموضوع راح أتجاهلك لانك واحد مو كفو يرد عليك و يليت ما توجه اتهامات عشوائية عليه أوكي و لا تخرب علاقتي بالمنتدى لانه عندي أعضاء مصريين بالمنتديات الثانية و أعتبرهم ربعي.................


مع تحياتي..................

[شيخة_البنات]

الموضوع اقفل