تحدي بيني وبين شاعر على قافيه صعبه وترفع الضغط

[الحووووووووت]

[SI]اعضااااااااااااء ومشرفين منتدى اوز اليكم هذه القصيده بالوزن


والقافيه الصعبه وهي تحدي من صديق لي واتمنى ان تحوز


على رضائكم واليكم القصيده وردي يأتي بعدها وهي للشاعر


والصديق ابو ياسر


الله من همن على القلب ربط
ربطة حمولن حزمت في رباطي

لاشتد أحس ان دم قلبي تجلط
وان زاد شدة مخطرن بأنجلاطي

همن حرمني راحت البال والبسط
ودامه معي يحرم على انبساطي

كن الحزن قسمة نصيبي مفقط
والحزن انا مخلوق لة بأفتقاطي

ولا واعذابي كل مالليل حوط
روس الجبال القلب مثله يحاطي

بهجوس وهمومن عليه تسلط
مالي بها قوة ولالي نشاطي

والحظ موس ان ماتوخر تقلط
من شاربي في لحيتي مايخاطي

ومن قلة الأوفاق ضايق ومحبط
ولازين التوفيق ضيق وحباطي

ومن صكته دنياه بلش وتورط
وأصبح حديث مشذبين المواطي

وعيونهم لا قام حظة تلاقط
حسد الجدى بحث الهروج المباطي

وقت اليسر أمر تدلل تشرط
أما العسر ماصار فيه ارتباطي

يحشم رفيقن بالمراجل مقلط
نسل حرارن وكرها مايناطي

هذاك ( ...... ) للعد اء سم الأرقط
ومن صادقه له بالمعزة قلاطي

عن من تنخابه حشا ماتخطط
استغفر الله لو بيوم الصراطي

يا(.... ) اشكي لك غلا واحد قط
مزيونة مسكانها بالرباطي

تلبس خليجي لو تشوقه تلخبط
لاكنها ماترتدي للغواطي

أول معرفتنا أتصال على خط
بغيتها لعبه وصرت انضباطي

وحفظت تحفيط الأتصالات بالضبط
تدق رقمي وقتها طيط طاطي

وفارقتها ودموع عيني تناقط
والدم مع مدمع العيون اختلاطي

كن الجنون العور فيه تخبط
والحال بعده صار فيه انحطاطي

ابيك تفزع قبل جسمي يحنط
ويصير جثة حال دونه بلاطي

وتم الكلام بأبيات حزلة مضبط
صدرة على أطن وعجزه على أطي



هذا ردي على ابو ياسر واسمحو لي على صعوبة معاني بعض الكلمات

وانا اتقبل النقد بدون زعل ودمتم




يامرحبا بالخط وبصاحب الخط
ترحيبتن من قلب صادق وصاطي

ترحيبتن تضفي على الشرق الاوسط
جزله ولاترضى دقاق وسقاطي

يامرحبا با للي علييه تحقط
واختار قافن محتقطه احتقاطي

قصده يعجزني عشان اتورط
ولقط عناقيد العنب والقيراطي

صديقي اللي مانساني وفرط
في خوتي ماطاع هرج الخراطي

ويومن بعض الناس بالضيق يقمط
ويصير زاده باللوازم صماطي

له ماقفن واضح ولابه تغطط
حلحيل كل الصعب لاجاه باطي

جتني بيوتن لو على الجرح تنحط
يطيب لو جرحه صعيبن يخاطي

لو كان قلبي من قريته تمعط
اهتم من همك وشال القشاطي

شكواك منها بالجمى السن عرط
ومنها تقول برجلي الجمر واطي

لاباس يامن في همومه توسط
واصبح حديث اللي بهرجه يهاطي

لايشغلك هرج الضعوف المسقط
لو سولفوا بايلول والا شباطي

وشكيت بحرن به سبح حوت مع بط
وتصفق به امواجه على كل شاطي

واسمح لي اقول الك حبك مبزوط
لوانت عاقل بك تصرف عباطي

البير تترك بعد مالماء بها لط
والثوم طعمه غير طعم الطماطي

لو عينها خرساء وردفه تقل شط
وهي الاساس وغيرها الاحتياطي

ويكسيه شعرن تحت ردفه يمشط
مثل الاذى كله بزينه يماطي

من غير عفه في جماله مايغبط
مثل سحاب الصيف نبته حماطي

وبداية المدمن بشم وتصعط
ونها يته يصبح عليه امتعاطي

لاتترك الجنه و للنار تهبط
ويصير وضعك منحدر بانهباطي

وقبل بماصوره ولمبه تبنط
فرق مابين الفقع هو والبطاطي

قلته وانا في حالتن ترفع الضغط
الحب سببها بشكل التباطي

هذا وانا ماني عليك اتشرط
واسمح وسامح وان حصل به غلاطي


وسلامتــــــــــــــــــــــــــــــــــكم
[SIZE=5]ل

[أساسي]

الحوووووووت
اخي الكريم
لاتعليق
فالقافيه اكبر من ان يعلق عليها امثالي
فهي للكبار
لكن مااقول الا صح السانك
ولسان ابوياسر
ا
ب
د
ا
ع

[رياح الشوووق]

الحووووووت ...

صح لسانك اخوووي والله يعطيك العافيه

وعلى قولةالقايل مالها الاهلها ..

تحياتي

رياح الشوووق

[شقاوي]

الحووووووووووووووت !!

قافيه لا يستطيع ان يروضها سوا شاعر اسمه الحوت ..

كفيت ووفيت يالامير ..

وابو ياسر كان يبي يعجزك ولكنك قدها وقدود ..

وصح لسانك ولسان ابو ياسر ..

قصيده تثبتلي اني عرفت شاعر كبير ..

مع اطيب تحياتي ..

شقاوي ..

[al-sul6anah]

الحووووت

صح لسااااانك 0000ولساااان ابو ياسر 0000 بصراااااااحة القافية صعبة واختارها صاحبك لكن انت كنت جدير بالرد عليها 0000 ابدعت ولو ان القافية الصعبة اللي بمثل هذا الشكل مو مرغوبة عندي 000 انا آسفه بس لان الصعوبة بعض الاحيان تكون عائق وتكسر الانسجام بالقصيدة 000 ولكن شاعر ويكتب وتكون كتاباته بالقافية الصعبة هذا بحد ذاته دليل على شاعريتك وتمكنك من القصيدة 000للمرة الثانية 000 صح لسااااانك ياحووووت

[الحووووووووت]

اخوي اساسي صح بدنك ولا هنت على المرور العذب


وما قصرت بالرد كفيت و وفيت



تقبل تحياتي

[الحووووووووت]

رياح الشووووووووووووووق صح بدنك ولا هنت على الرد الجميل


وانت من اهلها وكفو لها



تقبل تحياتي

[الحووووووووت]

اخوي شقاوي مشرفنا واميرنا وقائد مسيرة الشعر صح بدنك


ولا هنت يا الامير والشاعر الكبير ولولا الله ثم قصائدك انت وغيرك من


الشعراء ولا احدد بل اقول كل من يكتب القصيد في هذا المنتدى




تقبل تحياتي يا الامير

[الحووووووووت]

اختي السلطااااااااااااانه صح بدنك ولا هنتي على المرور العذب


وعلى قولتك انك ما تحبين القافيه الصعبه بل الكثير من الشاعرات لا


يحبون النوع القاسي وباب التحدي فهذا مرغوب للشعار




تقبلي تحياتي